Sangtawera hatea, sleslea hatea mo hisi ngalairua ngalaitolna harua. ( Elder Alikson -Alvea.)
1
Iau Pol, tasorasora hatea noni Iesu kristo hina manjingae non God, mai Timoty nonda vuorae. 2
2
Iau ku hahari telei na tamalohi tambu non God mai muende nale ndomtau hini kristo ana mbatui vanua Kolosae. Avano vainduhua mana tamata telei God tamanda na ovi telei kamim. 3
3
Ka sile manjingae telei God, tamana nonda Moli Iesu Kristo, moiso kale ndamndam matamim turuvui.
4
Ka rongo na nomim domtauhia hini Iesu Kristo mana nomim mboimboia telei na vevesai tamalohi tambu non God,
5
matana domtutunua rindi muende le toho matamim ana tukailangi, muende nole rongoa ana sorae matai retinduhua, sorae nduhu noni Iesu
6
muende le mai moiso telei kamim. Lesohena sorae nduhu rindi noni Iesu mo le lai virana moiso mo le sula ana vevesai njara ana verama- asoheni telei kamim tovon no le rongoa moiso no rongovosai na vainduhua non God ana retinduhua.
7
Niani nia sorae nduhunduhu noni Iesu sohen nole sundua telei Epapras, nonda vuorae muende kale mboia, ka le tolu sahasaha, nia muarai sahasahae muende mo ndomtutun hina sahasahae matan kristo lawenda.
8
Epapras mo viti kamam hina nomim mboimboia hini tanumue tambu.
9
Matan na mboimboia rindi, ana rani ri tovon ka le rongo, nomam ndamndam matamim mo te sau mautu. ka ndamndam mue no mbo vuere hina rongorongovuosaia hin nona manjingae ana vevesai rongrongsaia mana rongorongovuosai matai tanumue tambu,
10
mue kamim no mbo vanovano mahere mue Moli a mbo nduhu hinia moiso a mangisi asena matana ana vevesai sala: no mbo viraha ana vevesai sahasahae nduhu moiso no sula ana rongorongovuosaia non God,
11
tovuon no suiha hina vevesai suiha, a sohen suihana nona kalali, mue no mbo turu matua a nduhu moiso no mbo le turu vuanju, moiso no mbo le mangisi asena
12
no le sile manjinea telei tamanda, muende mo loli kamim no matavuosai no noha silesilea ana tavui hinau non na tamualohi tambu non God ana rani.
13
Nia mo vahamauru hinda tiu na suihai mbong ndondo moiso mo taunda ana mbatui njara noni natuna muende mo le mboi asena,
14
hinia ka le noha vuolituhutuhua, iteritiu matai hinau sasati.
15
Nia nununi God, nia vuora talom ana vevesai hinau muende le vuohira.
16
Matan hinia vevesai hinau na muale avutehi, muende ana tailangi moiso muende ana verama, hinahinau muende ka le soaria moiso hinahinau muende ka te soarira.
17
Hinia manihi vevesai hianu na turu.