¹ Gaeas more lau sumbe matoi vanua tambu, ku cacari moo mai telei co, muede nico tacisa vosoiku lau ku boico, matan hinda harua ka sondo toici telei God, munde nia hujui sorae tambu. ² Tacisaku, lau ku rongo vosoia moiso kure maurion ana nocori God nia le ducu, moiso ku le domdom ku re maurum ale vano ale duce ana vevesoi cinau, moiso o bo ovia ducu, ote ronjo moiso iau kumane. ³ Tuanda noda vorae na mai moiso. Nale vitico nare nico oteru matua, o tauri na sorae noni God, anamaurum turuvui, ole sombue na sorae munde le retinducu tovon ku rongoa socena ku magisi asena. ⁴ Tovon ku rongoa turuvui nanatuku nale sombue na sorae munde nia retiducua molilia ku ta rongo mo ducu mo liu, ku rongo mo ducu mo liu na cinau tinabu. ⁵ Tacisaku turuvui ole saca na sacasacae ducu telei na vorae vaimuera vorae ravavine munde nale mai teleico. Munde ote matavosaira ne omata wanju wanucira ⁶ na vitico moiso ana nacoi kelesia moiso mana tamaloci ana Jara ridi nare nico oboica asena, ⁷ moducu o lolia socena, matoin na le vanovano mati sacasacae non Kristo manici, moisa na tomboi na lai te cinaciau tinabu matan na bo tuan tamaloci tunabu mende na te kelesia. ⁸ Mo macere manici matan kaloi tamaloci socena na mai aimo asnda, matan kabo sondotaci ana norai sacasacae, moiso kobo vitina sorae non God munde nia hujui sorae matua. ⁹ Gaeas, lau ku cacori na sorae busoci hatea teleina kelesia marasam ne diotrefes nia mo boira asena mue nio abo talomacira moiso nia mo terogo vosai atambu rongo na nomam sorae. ¹⁰ Moducu, tovon ku mai ku bo vititeteracia telei na tamaloci ana vanua tambu sava vaivaia le lolia, sorae moiso kubo viti na nona sorae korekore mende le komo kamam cinia. Ne nona vaivaia sasati mo te isg ana Jarari nian. Mote rongo vosai a loi na nonda vorae tinabu na vano aimo asana, moiso le turucoro na vorae tinabu matan na vano asara, moiso le taura avareo ana sacasacae ana loloi vanua tambu. ¹¹ Tacisaku. Ote sombue na voivaia muende mo soti obo sombue na vaivaia munde hia mo ducu manici Tamabci munde le loli na voivaia ducu Nia tamaloci non God. Ne tamaloci munde le loli na voivaia sasati, Nia mo te soari na ducua noni God aintebong ana mauruna. ¹² Ne Demetrus, tamaloci wereci na vitia nare nia tamaloci ducu. Nare nona voivaia turuvui le sombue na sorae matea le vanjagia mo re nia tamaloci macere Moiso kamam ale socena ka bo vitivitia telina vevesoi tamaloce. Kare nia tamaloci ducu Moiso no bo rongo vosaia nore nomam sorae niani nia retiducua ^{13 14 15} Iau ku noha hianu werei munde kumboi ku haria amai telei kamim ne Iau ku le mboia ne kute haria mana hinau ararai. Ne Iau kule domtau matan kumbo swar kamim ate tuai, kambo sorsora tovon ku mai. Tamata non God a hovi Mai kamim. Kamam kale bluhi kamim. Bluhi kamim ana bluhi kamim hina hisana.