¹ Im nagelou isesi poyau nu itralou ra nu nomurep,tetarveh im itrilarves.Yemalou myep ra lou horog eni Novu im Pogpogi. ² ilvukteven ra nokugo ntemne orog.Ra ovon telgon nu nei ra nomurep yemampwo ovon novwan narwolem im tavgone nduru nipmisu ,im memampwo ra ovon itais go.Ovon nogklin nei mori ma iyi aremai worompalogi/worompi armai ovon nompuwo su. ³ Tawi momu ovnam ur.Lou horog en Novu im en Pogpogi kante ra ntemne orog ma,im ovon levsau wontalou iran. ⁴ Waghi nipmi,im nin iyi kante ra nelpafinend. ⁵ Tawi momu pumrok;kutwagkili nakayogi nilar ku nipminen ra Novu Novsurumon iyi koselai iror.Wonari uvruvi. ⁶ Nagelou yemenwi poyau memoku,''Ovon nam iyihi iror nompogon wi im itnesog.Novsurumon,Novu en ovnaviat en ovon profet,itamuli nagelou eni worsesi pogi levsau eni se tawi tantop/kotwonetau kamsok.'' ⁷ ''Okhi! yakamam pelom tawi kotwonetau!Nevaives iyi hai mori kamnalkolki ovon nam en ovon profet ra netai imo.'' ⁸ Yau,Ioane,yau mori yau morgi im mokhi siame yihi.Nempigon yau morgi im mokhor,yau momol worteveta ra non nagelou mori yepsesi poyau siame imo. ⁹ Yemenwi poyau memoku,''Etwompi lap se mori ma!Yau hai levsau ndu kik,ndal rapmuhai me ovon profet,im iror mori walkolki nam ra imo netai.Teveta ra Novu!'' ¹⁰ Yemenwi poyau,''Wosompat ovnam ra ovon nam en ovon profet ra imo netai,ra ndan kompotpot. ¹¹ Iyi mori kotumante tanpo,tenimpe iyi kanteigi worompi tanpoves.Iyi mori ovnompi eni ovnurgo tenimpe iyi kanteigi nompi ovnompi ovnurgo,Iyi mori tompor,tenimpe iyi kanteigi nete tompor.'' ¹² ''Okhi! Yakamampelak tawi tantop Itmah enyau yakampai,wovasi torilki iror hai tevengo marogi se iror ndwompi. ¹³ Yau Alfa im Omeka mampum im nisak,natipotnin im avni. ¹⁴ Nevaives iror mori kumanwogi ovon nemah eniror ma iror wampai nam itrogko woreni ra nei nomurep im worintor ra ntemne orog ra nogun selat. ¹⁵ Ilat iyi ovon kuri,ovon taviwar,ovon tampalau ndi,ovon talogi,ovn teveta ra novu namlaiim omwisu mori kumnavos im mumnompi ovnamlai/ovnempiri. ¹⁶ Yau Iesu yokotamuli nagelou enyau worompuvsok pogkum gi ovon siame imo gi ovon nimo tompor.Yau nowatnin im nompunaran Deived,mori itrilarveh mori/hogku yoroh.'' ¹⁷ Naviat im neteme tavehveh gi nempuklak kumagku,''Elom!''tenimpe iyi mori kamandigi kanwi magku,''Ekom!''Iyi sai mori kamampiomnuk tenimpe iyi kampelom,im iyi sai mori kamnakayogi tenimpe iyi kampai wokon nu nomurep. ¹⁸ Yakam nompuvsok ponor omwisu mori kumangi ovon nam nakayogi en Novu ra imo netai:Nagku hai mei hai kamenteihak nogkon rantan,Novu hogku konteihak pogi ovon namarat mori ndwotai ogi ra netai iyihi. ¹⁹ Nagku haimei hai kamampai pelak ra ovon nam nakayogi ra netai imo,Novu kampai se mori niskon ra nei nomurep im ra ntemne orog mori tompor mori ndwotai gi ra imo netai. ²⁰ Iyi mori kam nompuvsok gi ovon siame imo,kamagku,''O! Yakamam pelom tawi tantop.''Amen elom,Iesu Novsurumon! ²¹ Itmas pau en Iesu Novsurumon kante ndal omwisu--Amen.