¹ Im yau mokhi hai pokup itvau im hai nmap itvau ra pokup mampum im nmap mampum ivelom pe,im tawi momu ntok. ² Yau mokhi temne orog tompor,Ierusalem itvau yemyep parogipokup marogi Novu,iturtavvehveh hogku su hai nahiven kampuklak ndu ahawon. ³ Yau morgi hai naviansak yemne ra louhorog memoku,''Okhi!Nur Novu kamantewi kamante ndal ovoteme,im iyi kante ndal iror.Iror wampelom ovoteme eni,im Novu iyi pe iyi kante ndal im iyi kampelom Novu eniror. ⁴ Iyi kosentivi ovon novlipmi nimind,im tawi momu nmah,ku norgiur ku nagri,ku nohoru.Ovon siame etwai wampelom mape. ⁵ Iyi mori yemetehep ra lou horog/potnomputwo yemoku,''Okhi! yau yokoumompi siame itvau.''Yemoku,''Etai ra netai ra ovnam imo iror ovon nompogon im itnesog.'' ⁶ Yemenwi poyau,''siame imo nduwompi su!Yau Alfa im Omeka,mampum im avni! Pogi iyi mori kamam pyomnuk yakam pogi nomonki tawi nvasi wi kamne ra nu tavwan ra nomurep. ⁷ Iyi mori kamentantevakpe kampai im siame,im yau Novu isen,im iyi kampelom nitug. ⁸ Kou niskond ovon tampalau,ovntaviwar teveta ra Novu namlai,im ovnamlai,nur eniror kanti nur navlarnom ra nal nehewate.Iyi nmahpenuri.'' ⁹ Hai ra ovon nagelou mori ma(seven)ivelom poyau iyi mori ivai worvai ovnarakai mori(seven)nduvwar gi ovon namarat,im iyi yemoku,''Elom igko.Yokosesi ponok nahiven kotavehveh worempuklak,retpon niskon Pogpogi.'' ¹⁰ Im iyi yoryok yau ra naviat ra hai nompuwo isak istut im orog im sesi poyau nteme orog mori tompor Ierusalem yemyep ra pokup marogi Novu. ¹¹ Ierusalem ivai nilaslaswi en Novu,im nilarveh hogkusu hai nvat mori armaiveh,hogkusu hai nvat itrilar kou telemte veh. ¹² Novuvent isak isut,im selat wi narwolem im tavgone nduru,im narwolem im tavgone nduru ovnagelou ra ovon selat.Ra selat mori ma ndwotai nin ovon narwolem im tavgone nduru ovnompunarand ovonyan Isrel. ¹³ Kou ra unur selat ndehel go nod selat ndehel,go saud selat ndehel,im go ra wes selat ndehel. ¹⁴ Novuvent ra temne orog iror narwolemim tavgone nduru,im nin ovon apostol mori narwolem im tavgone nduru en Pogpogi. ¹⁵ Iyi mori yemam poyau ivai hai worsavi siame ndwompi gi koul worsavi temne,ovon selat,im novuvent wi. ¹⁶ Temne orog mori ma yemalei ra hai nur yetihep,tantop eni iyi hogkusu nmas eni.Iyi isavi ntemne orog gi hai worsavi,narwolem im davgone nduru(tausen)nur novovu nompisu/nipmisu ra(tantop eni,im umelwo eni iyi hogkugosu). ¹⁷ Iyi isavi nelpon novuvent mori ma,144 kiubik neviat eni mori hai neteme isavi(mori i hai savi en hai nagelou). ¹⁸ Novuvent ndusei gi nvat mori jaspe im temne orog mori ma ndwompi gi koul,hogkusu hai sesai itrilarveh. ¹⁹ Potnin novuvent mori ma nduviyor gi ovon nvat nipmisu.Nvat mampum iyi jaspa penuri iyi saphaeya,ndehel gi iyi akeit,nvat iyi emerald, ²⁰ sukrim gi iyi oniks gi krisolait,sukrim im tavgone ndehel gi iyi beri,sukrim im tavgone nvat gi topaks,narwolem ogi iyi kriso,pasi narwolem im tavgone hai teven iyi jasint,im narwolem im tavgone nduru gi iyi ametist. ²¹ Ovon selat mori ma iror ovon perel;hai tevengo ovon selat mori ma ndwompi gi perl.Nokugo orog ra temne orog iyi ndwompi gi koul,itrilarveh. ²² Yau metukhi hai nimo tompor ra ntemne orog,ra Novu Novsurumon ra Nusian im Pogpogi iror ovon nimo tompor. ²³ Temne orog ma tawi nen ku itais worelimsi/worelyogsi nilaslaswi en Novu kamesei nur iyuwi,im ovon nilar iyi Pogpogi. ²⁴ Ovon nompuwo su wonavan ra nilar ra ntemne orog mori ma.Ovatmonuk ra nmap wampai ovnnilaslas wi eniror iyuwi. ²⁵ Ovon selat kutwagkili nsompat ra hai pwakah,im tawi pumrok iyuwi. ²⁶ Wampai mpelom ovon nilaslaswi im nsiesie en ovon nompuwo su wampelom iyuwi, ²⁷ kou tawi hai sesai ur kagkili nve worete iyuwi,ku iyi hai mori konompi nompi tawi armai im itraromprom im ititur,kou iror mori nind kamante ra netai itromurep eni Pogpogi.