¹ Pol im timoti, levsau eni yesu kristu, ponor ovoteme ormai omuwisu omuwisu ra yesu kristu umante ra filipai, dal ovon bisop movon dikon. ² Itmas pau pogkum im nenparata ra novu itment im yesu kristu novsurmon. ³ Yau yakamnompalogi iran novu enyau dansu yau yakamentaru wegkum, ⁴ im dansu ra nofuaki enyau niskomi omuwisu, yakamnovwaki gi navos. ⁵ yakamanui kompalogi ogi nofuaki gi nam navosavos ra natipotnin mafeli marima. ⁶ Yau yakamagkilives ogi imo, ma iyi mori yatipotnin nompurak armai irami mampum iyi kantedowi worompi mafeli dan eni yesu kristu. ⁷ Itnehogves niskug wortaru hogkuhu ra kimisu kumante unowag ra patmonuk enyau kimisu kumuvelom avug gi nelintogi dan yaumete ra nogkogko im yau metvilgoni im moriokipelak nam navosvos. ⁸ Novu iyi nompuvsok enyau, hogkuse ma yakamnakyogkum ra nelintogi eni yesu kristu. ⁹ Yau yakam nofwaki nimsin nelintogi enogkemi ampelomm domo im domo ra nelkon im nokili omwisak su. ¹⁰ Yakamnofuaki ogi imo nimsin kimi kwagkili mori armai veh,im nimsin kik kamplom tanboves im sentvives ra ndan eni kristu. ¹¹ Yakamnofuaki magku kimi hogku kwampwar ogi novwan tanpoves yivelom marogi yesu kristu, nilasilaswi im narigi eni novu . ¹² Marima yakamnakyogi ravugsaime magku kwagkili ovon siame mori yemelkavyau memompi yakanui momu nam navosavos. ¹³ Ra ovon siame ma , dumutayau ra kristu yivelom ra nilar ra nur omwisu dumavleh im niskon omwisu. ¹⁴ Im sikat ravetme dumatkisak momugo wortorenui nam eni novu taui ogi nemetet, ra dutayau ¹⁵ Nongkon irand umontorenui nam eni novu ogi narkar im nesesau nogkon ogi nowand armai. ¹⁶ Pehnuri duwompigi nelintogi magkili magku yakamantipe iyi worevinte nam navosavos. ¹⁷ Kou nogkon mori umontorenui kristu ogi nesesau, im taui itnehog ,mumagku iror wonompi momugo nesoru irag ogi nogkogko ra dutyau. ¹⁸ Mamsogi ma/iyi wokon ra ovon siamesu nagkau ogi nempiri ku itnehog umontorenui kristu,ra nompi ma yakamnavos,mitnehog yakamnavos. ¹⁹ Im yakamagkili imo ante nimsin nesitu irag,ogi nesengi enogkmi nompurak eni naviat eni yesu kristu. ²⁰ Sogku ogi nakyogi orog im ra tevetwi enyau ma yokotwampai naromprom ra hai sesai kou ma ogi natkisakorog, sogku dansu,im hogku marima kristu ompi nilasilaswi ra noklesirag, ra nomurep ku ra nmah. ²¹ Im niskug woromurep oti kristu im woreti nnas armai niskug. ²² Kou nagku woromurep ra noklesirag, nagku imo oti navwan nompurak enyau nogku sogku yokotumagkili se yokoum nakyogi. ²³ Hai taru duru enyau yakamnakyogi worve worete dal kristu, im imo momu armai indowi ²⁴ Hai momu worete dowi ra noklesirag momu armai niskomi. ²⁵ Im ogi imo tavniri unowag, yakamagkili yakante armai yakante armai dal kimi omwisu ma kimi kwontavnirigi itnehog. ²⁶ Ma anti tandamsak nilasilaswi enogkemi ogi yesu kristu ra yakante dal kimi. ²⁷ Kou aramai netvaru enogkemi ante armai sogku ra mompon nam navosavos eni kristu ma nagku yakampeiom makandgi nokwo kumante kimi pe kimi, kumantur unam ra naviat saiteven im nowami sateven im ogi natkisak horog ogi tavniri ra nam navosavos. ²⁸ Im utumtitokond ovon novsen nakan, ra imo safi niskond nimsin nur nohoru niskond, kou niskomi neyowar umamne marogi novu. ²⁹ Im oumentenimpe pogkum ogi kristu, taui wortavniri wokon iran,kou worvai nohoru imnesesau ranin eni, ³⁰ amante irami marima navkat kumksi irag, im marima kumurgi umante irag.