¹ Sorousi an se Jesus kraes na God ma sengene miane san epepeso sewe saka veme saka ni merin,ma sengene miane Angel nge me viasea miane san epepeso na John. ² Nge mi tis kuvu diyo God miane daa se Jisas kraes miane sie kevene na me hesi. ³ Guguone an mi san veante na mi siusili a hongane daa ne pendar entak a gumkate sisie nio na mi lis du tevan wembung sekuor me per mee pesili. ⁴ John vean ane Jojs na milivio na yam du Asia yios an mi semim a san dimiane mar an na merin miane na yiene misine mi na ka veme ngembak miane in mieu an milivio na me per mo nettrone. ⁵ Jesus kraes yen san wuan kienkien ten meme mier mi mo gemiane neti king yan tanapia,san yiogiesgies me ne err,mi kies kuwu sarr sng an nio miane bura ne nge. ⁶ Me gene err ram me i king misne prist vian miane God sssan tata.vian ane nge rap sengene wu an miane yas an kevene mi san na me per miato ten. ⁷ Nge ka ve me yen moob te miar kevene ka yap esi ,nio na yat mawane nge miane vie kevene ne tanapiane ka yap nion metone nge. ⁸ Nam mi besie nam mi gilesie,nam mho nam mi tho,yapu meka me per yene,me per wuk a ka we per mon gambak a miato ten. ⁹ Nie John nam i semim bivian na ram sukuo yen kienkien an usili kingdem a du marmar an se Jisas Kraes. A nam per yan tankekei ne Patmos tevian dio God miane sorousian se Jisas Kraes. ¹⁰ Nam per yen ninmuan yan wembung se yapu a ongane tho ne nie dulundaa sua towo mangamiane trampet. ¹¹ Makaa, "nam perperten, a na to noknok, nam mi mho a na mi tho. sewe sa kom esi, tisi yen buk, te sengene vean miane jios na milivio na mundu Asia. Yan vilie Efeses, ne Sameria, ne Pergamos, ne Thyatira, ne Sardis, ne Philadelphia, miane Laodisia." ¹² Nam kone nie ka nap esi dulundaa na memhe, te nam esi miliapiang milivio na mi kol. ¹³ Yen bistuwo ne miliapiang ente, sua mangemiane neti veanten, a sesearane ekaka na ma veyop sikia lien pian. A mo toptop ane etoptop na mi kol. ¹⁴ Yan baten miane vion ma pipio mangemeane koten a gemiane sno, a metan mangemeane sowu apiang. ¹⁵ Yan lien mangemiane bras na ma mesa, a yam penin kukuone miane apiang. A dyon mangemeane biliwie na mipis mundu kuo. ¹⁶ Yan vehan na miato, misyo milivio, a sovilie nane bungun, heye na mi kien tevesie nganok a kokyo nge mangemeane yaa na me hen yen san yasan. ¹⁷ Bili na nam esi nge, nam murr tevan lien mangemeane veanten na mi mier. A vehan na miato me sane nie te ka mian nie, saka hom nenek, nie nam i mho a i tho ¹⁸ nie sa nam meo per, monok te nam mier yene na meu per miato ten. Ewe! Nam lie ki ne buluwu miane mier an. ¹⁹ Tis kuwu sisie nio na kom esi, a sisie nio ni mundu, a sisie nio naka we mhe wi tho. ²⁰ Ndaa na mi niidu ne misyo milivio yan veyok na miato. A miliapiang milivio na mi kol mangitak, misyo milivio mi angel milivio ne jojs milivio, a miliapiang milivio na kom esi mi jojs milivio.