¹ Sok bivian nio na nam niornior ane kimim tevean nam ongane muvu miane sok esisi yan seli ente tinio we yas ye yapu bivian miane embivi. ² Nour veteng ane Euodia miane syntyche, ka nior nior an wi sua kuon ye yapu. ³ Ewe nam usi kamaa petenten na sim sukuo te kuane viaven nio na yan gies ka yap pipine nda ne wuan nian ciement adi veanten nio na yan gies,na sa iss meper yen book ne meuan. ⁴ Ngane wuwu miane yapu webung keveneee,tetes mon nam ka hongane wuwu. ⁵ Ling kowene wuan we per miane venten nio yap kuwiliee yapu meper pesili. ⁶ Seka kon nion yan sie kevene a yen siel kevene yen tentemiap an achiuskienkien te miane ka sipa yen senge via an lengkowene God we kuowilie. ⁷ Tedumarmar an se God na me vean yean kuowiliean kevene ka wa lingi semim mieuan miane nior nior an yen kraes Jesus. ⁸ Yen sie kevene bivian nio, sewe sa mi peten,sewe sa mi memeo an,sewe sa mi mesaa,sewe sa me mior sewe sa muvu ten,sewe sa mi nda na muvu,husili. ⁹ Sisie na kim husii ane,kim lie,ongane aesi yen per miane ngok. ¹⁰ Nam ongane muvu ten ye yapu tevian yene yan gilise kim lie sakuokuo ane nior nior ane vivi husilie nie kit lie nior nior an ne nie timo;seli mindianga ka yap kene kuone an. ¹¹ Nato ka tevian ka nap dimianne,a nour husilie ka nap ongane wuwu tevian sesie kevene na ka ve me. ¹² Nam kuowelie manguvi ne gigivetuan a nam kuowilie magigivi na ka sukuo wi pis. yen seli miane kuowilie nam husiane yen nu an ne luwo veanten wuwu a ka kot per miaa,a mangivi ka sukuo wi wi pis mende kopper yen dimiane an. ¹³ Nam kuowillie ka nap gene sie kevene yen kraes na mengene nam payas. ¹⁴ Ormes kuon kim gene muvu miane nie yen sok pakuon an. ¹⁵ Kimim philipiasio,kim kuowilie na yan bete nda ne wuan nam lingowene macedonia, church tusua to kuone nie yen sengevia an miane tilia sisie an kimim suwomim kuon. ¹⁶ Bilina na nam per therslonica, kim sengene kuone an ne sok dimine an mesave va suakemias. ¹⁷ Toi tevian ka nap dimie sengevia an ,a mi tevian mi weje ne sewe sa me per yen ngok. ¹⁸ Nour tilia sie kevene mo kop yen wuosua me save yene sengevia an na muvu na nam lie teve Epaphroditus ne sesie nio na king sengene.buon me kiesten a i epenpenin ne dimiane an miane ongane muvu ten se God . ¹⁹ Sok God ka wa sengene seunim diamiane an husili sukuon na mu puoten yen san piasan husili kraes Jesus. ²⁰ Yen sarr God tata arap weweo pian san piasan we per miato a mito ten,ewe. ²¹ Kie mamai ne veanten se God nio na mu kuon yen kraes Jesus bivian nio na yam du miane nie yam kie mamai ne kimim. ²² Veanten se God na yam kuon nio du atak yamkie mamai ne kimim a nio na yan du miane sisa pian man hem. ²³ Yosan se yapu Jesus kraes yen san ninmeuan ka we per miane kimim.