¹ Nge ma ka meane nio, ''Petenten nam ka meane kimim, kimim woswa na kim ndu tinio tak saka kin esi mer-an, ah ka kiwesi Yapu ka wa pisien ane san yas-an na nge mi King.'' ² Wembung milipsies meme vian, Jisas ma liye Peter meane James ten John te yem bunguo vian yan wohu swa towo, niosi suwuo si kuon. Bilina yem ndu ate, nge be sakuokuo mo ne niosi. ³ San kaliko me vain bibio, bibio ten save sie tuswa yen tanapian entak ka yap ngene wa bibio. ⁴ Kuon te provet nia lo na yet meu merin, Moses ten Elijah yem pisia teviasi, te yem ndu soro meane Jisas. ⁵ Kuon te Peter me sene te ka meane Jisas ka, ''Tija, tuwune ka sip ndu atak kuon, te ka sip ngene hem milili tisio, tuswa wi mam, tuswa wi me Moses, ah tuswa wi me Elijah.'' ⁶ (Nge ma ka ndaa ente tevian na nge toh kowilye ka wa ka sewe, tevian hosi menek ten.) ⁷ Toi merin te metenier swa meme te ononon motowe niosi. Te ndulu daa swa ma soro me yen metenier , ka, ''Entak mi Netuk man na luk mi kieskies ane ten. Kip yiongta pian nge.'' ⁸ Mangitak, ka yiet tee te yem esi Jisas suwuon kuon, yeto wet esi vianten tuswa mon. ⁹ Bilina ka niosi yiet ndu seling lili me, te nge be ka meane niosi ka saka yen wartai meane vianten tuswa sewe sa yem esi sikia na ka Neti Vianeten ka wa tavia lili nane mer-an. ¹⁰ Te yem liye mi sasi suwuosi kuon, ah yem ndu sorousili meane niosi ka ''tavia lili nane mer-an'' be ka sewe sa ngete. ¹¹ Yem husi meane nge ka, ''Tevian sewe sa tija ne lo nio yam ndu ka na Elijah ka we me wimo?'' ¹² Jisas ma ka meane niosi, "Elijah meme mimo tevian na ka nge wa ling kukune sie nio wa ngemiane na ka ne ber. Te tevian sewe sa provet nio yam tis usili na ka Neti Vianten ka we vain tai kienkien-an wi towo ah ka vianten nio ka yio we biane te saka yan ndimiane nge? ¹³ Ah nam ka meane kimim, Elijah te me wuk, ah lida nio yam ndu kuon mawane nge yen sewe sa nio yam ndimiane ka yap ngene, meme ngimiane na provet nio merin yat ndu tis usili nge.'' ¹⁴ Ka yiet me teve disaipol niosi ndisie, yem esi na viye nio yam buo kio niosi, tija ne lo nio yam ndu tow daa meane niosi. ¹⁵ Bilina ka viye nio yat esi Jisas, yam kuliye te kuo vian ane nge te sah yan. ¹⁶ Nge ma husi meane san disaipol niosi ka, ''Tevian sewe sa kim ndu tow daa?'' ¹⁷ Viye nionte swa ma soro te ka, ''Tija, nam liye netuk man me ne ngok. Ninmuean swa na masanga me be yein nge te me ngene toh kole ka ne soro. ¹⁸ Ka te me ne nge te mu mur vian yan tan te meaten mo sovilye yen bunguon, ma ate luwuon, monok te piandion ma kevear. Nam husi meane sam disaipol niosi ka yep siokuwu nane nge, ah yeto wese.'' ¹⁹ Nge ma ka meane nio, ''Teminio, samsi mbeangru ma kekei ten, Maka nap ber meane kamsi vian sikia nanges? Kanap kuone kamsi sikia nanges? Liye me teviok.'' ²⁰ Yam liye temiliman ente me ne nge. Bilina ninmeuan na masanga ka te esi Jisas, mamanga ten me vian yen temiliman ente te me ngene nge mbe bebiap tetes. Te temiliman ente mumur vian yan tan te meaten mo sovilye yan bunguon. ²¹ Jisas ma husi dimian ka, ''Nanges sa nge mangitak?'' Dimian ma ka, ''Bilina nge ma kekei. ²² Yenwoswa ka te me ne nge te mumur vian yen apiang, yenwoswa mumur vian yen wie, mu tuwuliesi ka wa tie nge. Ah ka ngok kot wese ka kop ngene sie tuswa, wangai kop kune kenma.'' ²³ Jisas ma ka meane nge, '''Ka ngok kot wese'? sieh kevene ka we melumlum ne swa sa ka we nior kate.'' ²⁴ Mamanga ten dimian temili mi is te ka, ''Nam nior kate! kune sok biangru!'' ²⁵ Bilina Jisas me esi na viye nioh yam kuoh vian teva, nge mokokuwu ninmeuan na masanga, ''Komi ninmeuan san demiar, Nam ka meane ngok, kop kuoh nane nge te saka kon kuli me yen nge tetes mon.'' ²⁶ Ninmeuan na ma sanga mi his miyas te towone temiliman ente yan tan te kuo nane nge. Temiliman ente mu mur ber ngimiane vianten na me merr, te yam pis yam ka, ''Nge me merr.'' ²⁷ Ah Jisas ma sasa te nkomu vihan te tavijio nge te ma tavia. ²⁸ Bilina Jisas ka te me vian pian hem, te sa hepepeso nio yam me vian esi nge suwuosi kuon te husi, ''Tevian sewe sa kisito wese ka kisip kokuwu?'' ²⁹ Nge ma ka miane niosi, Toi sie tuswa ma wese ka wa kokuwu sie na mangete, ah temtemiap an kuon.'' ³⁰ Te yam kuo nane ate te vian pisia yan vilye kalili. Nge to ndimiane ka tuswa ne kowilye. ³¹ Tevian na nge ma pisien miane san hepepeso nio. Ma ka miane nio ka, ''Neti vianten ka yap sengene nge vian yan vihan vianten nio, te ka nio yap tie nge. Wi toh ne na ka yap, te ka wa tavia tetes yan wembung sii.'' ³² Ah yato kowilye ndaa na nge be ka, ah omenek ka yap husi nge. ³³ Te yem me Capernaum. Bilina ka yiet mbis vian pian hem te nge ma husi nio ka, ''Sewe sa kasimm ndu toh ndaa miane kamsi tevian, yan sili?'' ³⁴ Ah tuswa toh soro. Ah yan seli yem ndu warr miane niosi na ka, ''Si sa kawi towo?'' ³⁵ Ma tas te kie nio na yemi songavialo me te ka, ''Ka tuswa ti ndimiane ka we me imo, nge ka we me ito ne kevene, ha i hepepeso san kevene.'' ³⁶ Ma liye temili swa te lingi mbistuwuo ne nio. Ka te liye nge yan vihan te ma ka miane nio, ³⁷ ''Si vianten na ka te liye temili tuswa na mangetak yen sok is te ma liye nie; sisa kate liye nie, toh liye nie kuon ah ma liye swa na ma sengene nie mon.'' ³⁸ Jon ma ka miane ka, ''Masta, kiniem esi vianten swa mbe kokuwu demiarr yen sam is ah husili err, te kiniem kietase tevian na toh husili err.'' ³⁹ Ah Jisas ma ka, ''Saka kan kietase, toi vianten tuswa ka ne ngene mbangao yen sok is tonok te soro wa sanga ne nie. ⁴⁰ Vianten na toh tetes ane err me ber miane err. ⁴¹ Si vianten ka te sengene wie miane ngok yen sok is, tevian na ngok komi se Kraes, nam ka memior miane ngok, nge saka ne tangilye san wili ngesan. ⁴² vianten na ka te mawane temili swa na ka te niorkate nie, tuwune ka yap pisi vior na towo kio piandion te ndion ane yen tes. ⁴³ Ka viham te mawane ngok, te takuwu, tuwune ka kop enti meuan miane viham swa, save na kop hoko miane viham lo te vian yen apiang na saka ne nok. ⁴⁴ Arna ntoh toh mer, te apiang saka no nok. ⁴⁵ Ka liem te mawane ngok, te takuwu, tuwune ka kop enti meuan miane liem swa, save na ka kop hoko ne liem lo te yen apiang. ⁴⁶ Arna ntoh toh mer, te apiang saka no nok. ⁴⁷ Ka metam te be mawane ngok te, takkuwu, tuwune ka kop enti meuan miane metam swa, save na ka kop hoko miane metam lo te vian yen apiang. ⁴⁸ Arna ntoh toh mer, te apiang saka no nok. ⁴⁹ Vianten kevene ka yap i sol yen apiang. ⁵⁰ Sol muwu, ah ka san kies-an te seah, akop liep liline san kies-an wagivi? Liye sol yen ngok, te ber yen ndu marmar-an miane vianten sian.