¹ Pharisees nio miane scribes nio wosua yam me jerusalem yam me du buo kio nge. ² Yam esi na san Epupeso nio yam hen a ya too kase vea nio. ³ (Pharesis miane Jus nio, ka yap kase vea nio we wonok te wet hen pon, yam gumkate sinisie san Elder nio. ⁴ Pharesis nio ka yat me yan mili puos mesan ya to hen tene ka yap liung liung we wonok te kase bwe ne min an, bwe ne piane meesan harrna ka yap hen arran wa mesa we wonok te yap hen.) ⁵ Pharisees nio miane scribes yam usi miane jesus, ''Tevian sowe sa sam disciples nio yam du usili tradition ne elders, are yam hen miane vea nio na motong kion?'' ⁶ A maka miane nio, "Isaia be sorousili kim mim wuk. Meka vanten niontak yam meumeune nie yen bunguo kuo a sa meuan me per seuten metone nie. ⁷ Yen ormes an yam yunggate a memeu ne nie yam usili nior nior miane petenan san vanten. ⁸ Kim mawane dio yapu na me peten, are du usili sinisie san vianten.'' ⁹ Maka miane nio mon,''mangivi sa kito dimiane dio yapu are tu usili semim sinisie an nio. ¹⁰ Moses maka yuongta pian sam tata miane sam nana,'are tusua na ka te be soro lilinne san tata miane san nana, ka yap lingi wepe mierr.' ¹¹ Are kim ka,'ka vianten tosuwa ka te ka miane san tata miane san nana,''akat dimiane kune an aka wesi yan nie''' (ente meka,' mi gift'), ¹² Koto wet ka miane nge kawe ngene sie tosua se san tata miane san nana. ¹³ Kom be gene dio yapu me sanga yan sam sinise, yan selli na kimim kim du usili wuk me, sie nionte kim du gene.'' ¹⁴ Mi tive wo vanten nio tetes te ka miane nio, yungta ne nie kimim kevene a kuowilie. Sesie tusua na me per vilie ne vanten ka wa mawane vanten wonok tevan yen gne. ¹⁵ Sisie na mo sowile nane vanten sa ma mawane gne. ¹⁶ Vanten na gelinian me per lingkowene wa ongane. ¹⁷ Jesus mi lingone vianten nio te be van pianem sua miane san disciples nio. yam du usi nge usili paraple nio na me ka nio. ¹⁸ jesus me ka, kimim mon kito lie kouwilie an ngambak? Sewe sa me perr vilie dou kene yapu kane ongane ne sanga. ¹⁹ To van yen vevus ane kimim, are me van yen towemim monok te sowilie motone tawilienbierr.'' Jesus maka mess kevene ma messa. ²⁰ Maka tetes mon, ''mi betenten an na sinise na ma sowilie yen vianten me mawane gne. ²¹ Maka yen vanten sisie na mo sowilie nane wevios niornior sanga an teene mon a vianten,ne yas an miane juop vianten an. ²² kie mon viaven, dimiane sukon vianten sean, sanga an dokone niornior an viose gnokan sanga an kevene. ²³ Dah sangsanga niote meme yen mewuan san vianten sa ma mawane vianten.'' ²⁴ Bili na jesus miane san discipes nio, yam lingkone vilie galilee te duh vian tyre miane sidon ate me vian peanem sua tevian saka yan esi gne a towese kawini. ²⁵ Bili ente kion viaven sua na natenvaven malie ninmeu an san temiar ma ongane gne te me mur yentan tevian lien. ²⁶ Te viaven entemi ten vilie greek a syrophonician, ma usi jesus ka we liep kuvu temiar metone naten- viaven. ²⁷ Te maka miane gne sangane miehs miane temili ente we tovu ka kop lie mehes e temili ente te towane miane kuli. ²⁸ Te viaven ente maka miane jesus ewe yapu kuli mane suku mhes e temili ente pian table kion. ²⁹ Jesus maka miane nge, ''Tevian sewe sa kom ka, vian tenem. Nam kosiane temiar metone natom wuk.'' ³⁰ Viaven ente mukuli vian tenem te essi naten mbe berrmiaik yan san ntink temiar na te berr ne ma kuon ane. ³¹ Jesus miane san disciples yam lingkone vilie Tyre te vian Sidon, usili tess ne Galili, aran na yam ka mi decaolis. ³² Yam lie vanten sua na mi biyo a tosoro nuwu. Te me usi Jesus ka wa linki vian yan nge te sioku san mese an. ³³ Te Jesus ma liep kuwu nge metone vianten nio te lie nge vian suwuon. Te linki bokosin vian yen gelinkian. Monok te kusve a sikia mian. ³⁴ Kuon te vian yan vilie yen tongtong miane san yas an me ka Ephphatha,'' na mangemiane me ka sengep!'' ³⁵ Viasua kuon gelinkian ma sengep. A mbe tembesie soro an ³⁶ Jesus mbe kiebini miane vianten nio ka saka yan wartai, a vanten nio yam pipine Dah an piniorr. ³⁷ Vianten nio yam essi ma tutupuos mengene biyo me yuogta a burr ma soro.