¹ Te jesus me husiane nio yan juptene an lilie . Ma ka"Viaten sua me mbea toh ne grapes .Me ngene mbiep mber kio,kion te me heli buluwu sua moun,arna ka yap nkene wine aran.Me nkene hem sua moun,te ma sengene toh miane ka we pe koane,te nge ma hoko vian yan vile sua suten. ² Meme mior ane wembug an,ma sengene San ebebeso sua vian esi niosi na yieh ndu nges yien toh.ka wa bakuli weh tisio. ³ Ah niosi yiem tie te senge kuwu ma hoko mes te vian. ⁴ Ma segetase san ebebeso sua mun me vean tevea si,yiem juptase ente mun,segene kil yen mbaten te ngene hon masa. ⁵ Ah nge ma senge tase sua mun ngambak vian,te ente bon yam mbet juvini.yam mawakote nio yam pisten yam way nionte yem tie wosua ah juvini wosua. ⁶ Ah vianten sua mun ngabak na nge ka wa sengene,mui naten man na yion mui keskes ane ente mui laswan na nge masengene vian te ma ndimie ka yien wet memio ane te vian na mui naten. ⁷ Ah niosi na yiet ndu nges yen toh ka yiet esi yiem ka mene niosi ka vianten entak sa timian ma lingi raet yan,yem me sip tie te siekevene niontak kawi sansi. ⁸ yem saane nge vian tie nge monok te saane vian kupane sioten motone toh. ⁹ tevian ente,kom ndimie ka sowe sa ka yapu ne toh ka we nkene?nge ka we me te jupseha vianten nio na yat ndu koane toh,te sengene toh mione vianten minies nio. ¹⁰ Kit rit whusili nda endak mente?viorr na viaten ne nkes hem an nio yato ndimiene,meme e mbeti viorr na ma buesetilia hem. ¹¹ Ente mui nkesan se yapu,te mui sietupuos ne err. ¹² Te yapu ne vilie jew nio yem tuvuliesi ka yep nkumkate nge teviane na yem kowilie na nge mbe ka jioptene an nion te mui a masi,ah osi muenek tevian vianten nio yam puisten te yem lingone nge te vian ¹³ Te yam sengene pharisees miane herodians wosua ka yep vian ka nda wosua miane te ongane ka ya ka sewe. ¹⁴ Mbilina yem vian yam ka,tija tehan san vianten nio tho nkemiane sam tehan,tevian a ngok yiom mui keskes ane vianten kevene.Mi beten ngk kom mbe whusian vianten nio ne seli se yapu God.Kop ka miane kinim ka temiorr ka yan ndu nkilie tax vian ane caesar? mangivi ka err mon ka rap nkilie? ¹⁵ Ah jesus mokowilie sasi nior nior sang sang an nio monok te me sene te kaa,tevean sewe sa kasim ndu tuwili esi nie?kap teane silver coin tusua me te nawesi.