¹⁸ Bedi leh na muluk muwu saka ni lingi weh na ma sanga, te bedi leh na muluk sangsanga saka ni lingi weh na muwu. ¹⁹ Beti leh kevene na yato lingi weh na muwu ka yap siepkuwu te towane nio vian yen abiang. ²⁰ Te akop tee kole nio yan weh na yam lingi. ²¹ Toi vianten kevene na yam kie kie ka ''Yapu Yapu,'' ka ya vian yien villie ien tongtong. ²² Yan ngili wembung vianten ya pis kayap ka mene nie ka ''Ypu Yapu, mangivie yien sam his kiniem kokuwu temiar, yien sam his kiniem kene mbanggaho, ka wa kivie ne kiniem?''. ²³ Ah nie ka nap ka miane nio ka nato kowolie kimim kimie vianten na kim ndu mom vivi sisye, kip vian suten. ²⁴ Tevian ente vianten kevene na yam hongane nduluk te yam yungta bian ka yap kemene waes vianten na me kene man hem yian vior. ²⁵ Hos kawi kin wieb ka wo puo, yieng ka wa wuwup wi yias, ah man hem hem saka nu mur tevian me kene man hem yian vior. ²⁶ Ah vianten nio na yam hongane ndiok ah yato yungta bian yam kemiane vianten na maa dendene te me nkene man hem yian mbewuon. ²⁷ Hos mi kin wie mu puo te yeng ma wuwup mi yias te man hem mu mur vian yian tan te toi sie tusua ka ni tinio per.'' ²⁸ Bilina ka Jisas te soro vian tonok, vianten nio yam kuliye motone sie nio na nge be ka, ah way na nge ma soro ma minies seaten. ²⁹ Teviana nge ma soro ma ngimiane swa na ma liye yasan a kowilye an na towo, te maninies ane sa scribe nio.