¹ Jisas ma puo ane ninmeuan,te kuoli metone wee na joden te ninmeuan ma domo ne nge vean yen or wiwi. ² Arna na meh per wembung wung vier na meh vean tae tuwiliesi miane temiar. ³ Temiar ma kaa miane nge ka kop i neti God te miane vior ente te we mhe i bred. ⁴ Jisas ma kaa miane nge,''mi tis oer veanten saka ne meu yan bred suwon. ⁵ Kuon tr temiar ma domo ne jisas vean milie te pisien ane king dom kevene ne tanapian usilie wembung na be mhe. ⁶ Tevean me kaa miane nge yasan kevene niontak ka nap sengene miane ngok a san pias an nio yam sengene miane nie te nap kaa sengene miane si,te ka nap sengene. ⁷ ka kop senur a wosip mene nieh,sie kevene ka wi sam. ⁸ Jisas me kaa maine vean tho ne nie setan mi tis per,kop wosip yapu san God tevian nge kuon ka kop husili nge. ⁹ Ma lie jisas vean Jerusalem te lingi nge milieten ane hem kuonkuon,te kaa miane nge,ka kop i neti God,te kop meu vean pian atak. ¹⁰ Mi tie per na ka wa sengene sen an. Mi tis per na ka wa sengene san angel nio yam mhe tevian,ka yap te puon ngok. ¹¹ A ne vehe ka yap sa kuwu ngok nigi lien nio ka wu suote vior. ¹² San ongane muwu an meper yan vehe,ka wa tewes kuwu suokuok te liep kuwu wit te ling kukuone yan milisie,a tilya suoksuok an te piane miane apiang na saka monok. ¹³ Kuon te jisas per Galili a mhe joden ka we baptais nane nge. ¹⁴ A john ma misien ane te kaa miane nge mi mior ka ngok kop Baptaisem nie,a kom mhe wet nie? ¹⁵ jisas makaa miane nge ling kavene we per wangemiane,tevian yan sele ente ka rp muwuan tene mioran kevene kuon te nge me dam ane. ¹⁶ A me mhe nasaret arna me meu aran,a mi san sinisie,me vean pian hem ane wosip an yan sabbat te tinio ka we tee yen buk. ¹⁷ Te yam sengene buk ne Isaiah bilina ka tesangave buk,me suokilie ne arna mi tis per,me kaa. ¹⁸ Ninmeu se yapu me per yan nie,ka yap kaa ndaa na muwu miane gigivetuan nio,a sengene nie ka nap sakuwu nio na sa meu an mumur,a kaa se kuwu an miane nio na yam gomu nio,a gene miarbang yom tee,a ling melumlum miane na yam kienkien. ¹⁹ A warteva ne na mi dimiane an ne dom yapu ²⁰ Mu kuokyo buk te sengene miane veanten te tas via yantan,te mian kevene na yam du pian hem ane wosip an yam tee du ne nge. ²¹ Nge me tembesie na me kaa miane nio,ka dema entak soroo usi ane ndaa entak,ma pisya yen geliniemim. ²² Kevene yam soro usili nge muwu a yam kulie metone ndaa ne soro vasea na mo,sowilie yen bunguan,te yam usi, entak tai neti joseph? ²³ Nge ma kaa miane nio,mi peten ka kip kaa ndaa ne kuowilie ente winie,Doctor,sa kuwu ngok suwomsewe sa kiniem ongane kom gene capernaum,te gene wangite yen sam taon. ²⁴ Me kaa,peten map kaa miane kimim,prophet saka yan dimiane yen san taon. ²⁵ A yen petenan nap kaa miane kimim na borna yam piss yan wembung se Elijah bilina mesa mu kuokuo sika dom sii a ambiate milipsies te mya kierkier na towo me mhe yan vilie. ²⁶ Yam sengene Elijah te too vean ane nio disie,a vean ane borna ne Zaret yan vilie sidon. ²⁷ Leprasi yam piss Israel bilina Elisha na prophet te per a nio tusua too mesha,a naaman ne vilie syrian kuon. ²⁸ Veanten kevene ne hem ne wosip yap miyaa bilina yam ongane sie nionte. ²⁹ Yam tavea te sukuwu nge metone taon mior ane pesyo tevesi weu arna taon me per aran yan dimiane ka yap towane nge via yan pesyo. ³⁰ A mu kuo tuwuane nio yen bistuwo ne nio te vean onganies. ³¹ Te mi vean pian yan vilie capernaum,siti ne Galiliee,te tembesie ka wa husi miane nio yan sabbath. ³² Yam ongane muwu ten tevian san husian tevian na ma soro yen ndaa ne yasan. ³³ Yen hem ne wosip veanten sua mu puo ane ninmeu an san temiar,te mi hiss vean milie. ³⁴ Me kaa, ling kowene kimim seniem sewe ka kiniep gene miane ngak,ngak jisas ne nasaret?kom mhe ka kop ka juop vini kiniem?nam kuowilie na nge kom kuon a mhe ne God. ³⁵ Jisas mi syap seane nge te kaa kop yongper a sowilie nane nge.bilina temiar ma toane nge vean yen bistuwo,te mu kuo nane a too mawane nge. ³⁶ Veanten nio yam ane te sosoro miane nio kaa sewe sa mangitak!miane yasan ma soro yen yasan te kuwu ninmeu na me sanga te yam sowilie metone nge. ³⁷ Te ndaa ne nge me vean orkevene kokyo contry. ³⁸ Mo sawilie nane synagogue de vean pian me simon a viaven se simon san nana ma mese ne pepiap an na towo te yam du tastene nge tevian. ³⁹ Me vean tinio tevian te kokuwu meyas ente te meyes mi lingkowene nge viasua kuon me tavea te kuone nio. ⁴⁰ Bilina yaa be vean pian,te kevene yam tilia sa mese an lilie nio mhe ne nge,mi ling via yan mese an kevene te yam meu. ⁴¹ Temiar mon yam sowilie nane nioo yom piss,yam hiss te kaa,ngok kom mi kraes na mi neti God.a nge me seap siane nio a kaa miane krees. ⁴² Bilina ka or tiyop,me sa te vean yen orwiwi veanten nio yam tene nge,bilina yam esi nge,yam dimiane ka saka nu kuo nane nio. ⁴³ A ma kaa miane nio,ka na vean soro usili king gom se God yen city minies mon tevian ente sa yom sengene nio. ⁴⁴ A me vean te sosoro yen hem ane wosip an ne vilie.