¹ Bebelien merin yan wembung na mimo ne wik, viaven nionte yam meh tevian tomb (mili tevin-an), yam tilya sa yesukuo nio na mpuon moko muwuten, na yat naknak ane nio wuk tundu. ² Kayat mey te esi na mbili tomb ma sengep, vior na te ber kio mukuo nane wuk. ³ Yem mbis vian pyanhem ah yetoh esi tawilinbieh Jisas. ⁴ Te ka niosi yet ndu tinio te ndu nior biakilye tikitak, viaswa kuon, vianten nia lo yem tino teviasi, seya sesear-an ma bibio ah sye mi towo. ⁵ Viaven niosi ente hosi menekten te ka yet ndu senur vian yantan, vianten nianteh yem soro vian ane niosi ka, ''Tevian sewe sa kasim ndu tehaneh vianten na me meu tuaneh nio na yam merr? ⁶ Nge towet ber atak, nge ma tavya lili wuk! Kasim ndimye na te ka mianeh kimim yan vilye kalili, ⁷ na ka yap sengeneh Neti Vianten vian yen vyeh vianten ne sanga-an nio te ka yap tiye nge, te yan wembung si-an kawa tavya tetes.'' ⁸ Viaven niosi enteh yem ndimieh ndio Jisas na teka mianeh nio, ⁹ te yem kuo naneh sidan te vian ka mianeh disaipol niosi na yemi songavi- a- swa, ah vianetn ndisye nio mon. ¹⁰ Viaven niosi na yem vain ka nda nionteh mianeh aposol nio yemi, Meri Magdalen, Joanna, mianeh Meri nana se Jemes, mianey viaven an woswa mon. ¹¹ Aposol nio yam onganeh nda nionteh kati soromiar an kuon, yatoh niorkateh viaven niosi enteh. ¹² A pita ma tavia te kuo vian yan sidan, me senur te teeh vian yen mboli vior, te me esi kaliko na yat lungu tawilinbien ane kuon a doh esi siye tuswa mon. Kuonteh muiyaseh nge te be hoko vian tehnem a be niornior mi towo husili siye nio na me esi. ¹³ Te yan wembung enteh ngambak, disaipol nia lo yem ndu hoko vian tevian mbili tehnem swa yam ka mi Emeasn, Jerusalem vian ateh, kilometa kawi songavi-a-swa. ¹⁴ Yem ndu sorousili siye kevene nionteh sa ndu hoko vian. ¹⁵ Te bilina ka nia yet ndu sorousi te ndu husi mianeh nia ka sewe sah mangiteh, Jisas ma hoko meh teveya te be husili nia. ¹⁶ Yem esi a yetoh teeh suneh na mi nge, ¹⁷ Jisas ma soro mianeh niah ka, ''Kam hoko ah ndu sorousili weweh?'' Yem tinio ah yetoh onganeh nu wu kion. ¹⁸ Te swa na san is mi Kleopas, ma ka mianeh ka, ''Nogk komi tolir tuswa yen vilye Jerusalem sa kotoh kowilye seweh sa be hapen usili wembung nio meh?'' ¹⁹ Jisas ma husi ka, "Ah seweh?" Yem ka, "Siye nio na yam ngene kio Jisas te Nasaret. Nge mi provet swa, siye nio na mue ngene, ah nda nio na mbe ka muwuten yen meteh Yapu ah vianten nio. ²⁰ Ah jif prist mianeh sarr lida nio yam liye nge vian ka yap jajem nge ka wa mas merr, te yam tukateh nge yan lempuowo. ²¹ Kiniet ndu niorkateh ka nge kuon ka ne sakuwu Israel motoneh sarr enemi nio, ah yeneh, wembung si wuk mu kuokio san merran. ²² ilye yan, vyanven woswa yen seniem sukuo an yam vian yan sidan bebelien te kuoli meh ka nda woswa na me ngene kiniem niorseaneh . ²³ Yam ka na yatoh esi tawilinbien, ah yam esi pipisien an swa na Yapu me ngene angel na maka nge mey mehu ²⁴ . Venten yosah na yam du meane nkyem yam yan meyane kinyem teven tomb, te syo kyleyene na vyaven nyo yam ka.Ah nyo ya to esi nge." ²⁵ Jisas maka mianeh niah, ''Teminiah, kim ngimianeh vianten na mbaten maseah te toh tee koleh siye, yenemaneh kimim ma montoh ka wu miorkateh siye kevene na provet nio yam ka! ²⁶ Temior ane ka Mesaia ne viantaeh kienkien an entak te vian tas arna muwuw te liye yasan na ka we per meato ten.'' ²⁷ Te nge me tempesiye na mbe puon mianeh niah yen buk se Moses ah provet nio husili siye kevene na nio yam tisi usili nge. ²⁸ Bilina yem me besili ne mbili tenem na yem ndu vian arran, Jisas me ngene ngimiane ka we be hokosah. ²⁹ Ah nya yem kiekateh nge, ka, ''Kop pwer mianeh kenmah weh, teviana yiah meh vian ah horr mon monok.'' Te Jisas me vian ka we pwer mianeh nya. ³⁰ Te mbilina yem vian tas ka yep hen, nge ma liye bred, ma husi nkunkunean tevian, mwi mbirkoteh te sengene mianeh nya. ³¹ Kuon te meteya ma sengep te yem tee kowilye na nge mwi Jisas, ah nge ma seya yen bistuwuo ne nya. ³² Kuon te yem ndu ka mianeh nya ka, ''Bilina nge pwe soro mianeh anta yan seli, ah pwe ka daa nio na yen buk yio, ndam ongane muwuten.'' ³³ Yem tavya bili ente kuon te kuoli vian Jerusalem. Yem vian esi na leven aposol mianeh nio woswa mon yam ndu sukuo monok. ³⁴ Yam ka, '' Yapu ma tavya monok, Simon mwe esi nge.'' ³⁵ Te nya yem ka siye kevene na nya yem esi yan seli, ah na nya yem teekowilye na nge mwi Jisas bilina nge mwi birkote bred. ³⁶ Bilina ka yat ndu soro ndu ka siye nionte tikitak, te Jisas ma pisya yen mbistowo ne nio, te maka mianeh nio ka, dumarmar ka we pwer miane kimim.'' ³⁷ Ah nio homenek ten teviana yam ndimye ka yat esi mop. ³⁸ Ah Jisas maka miane nio ka, ''Tevyan sewe sa homim mwenek? Tevyan sewe sa kim ndu tilya niornioran na mankite yenemene kimim? ³⁹ Kiwesi weyok ah esi liyek. kip sikya nye te esi. Mop tawilinpyen ah bosi ne nge mwe ndyanga, wa kimyane na kim ndu esi nye yene.'' ⁴⁰ Bilina nge ma ka mankite, te nge ma pisyen ane vyan ah lien miane nio. ⁴¹ Te ya to norkate tevan yam onagane muvu, monok te yam kuliye. Jisas maka mene nyo kim liye mestu swa ka kip ane." ⁴² Yam sengene mesiyo na me pya mene nge, ⁴³ te ma liye te ane te yam esi. ⁴⁴ Jisas ma ka mene nyo," entak mye sok daa na nam pwer ka mene kimim bilyna na pwer mene kimim ,na yam tisye yen lo sey moses mene profet nyo mene yen buk sye psalms ka wya pisya ⁴⁵ Te sar nyonyo an nyo ma sengnep, teven ka yap kowilye sewey na mye tis per yen tio . Kon te ma ka ," ⁴⁶ Entak mye tis pwer, na yapu ka wye kenken monok te yan webung si ka wye tavea tetes. ⁴⁷ sakou kouane mene yor miline sye na ma sangane ka yap ka yen san is yan vilye kevene, tempe sye Jerusalem. ⁴⁸ Ngok kom mi sok witness ne sye nyon tak. ⁴⁹ Esi,ka nap sengene se weh sa sok Dada mo promise.Ah yong per yen city sikya ngok kop sese arr m yasan na meymey milye." ⁵⁰ Te Jesus ma tomo ne nyo vyan sikya pelili ne Bethany. Nge ma tavigyo wehan yan milya te nku nkuone nyo ⁵¹ Ma pisa na ,pilina pe nkunku ne nyo , nge maling kone nyo te per vyan yen tongtong. ⁵² Te nyo yam worship nge te kyoli yan Jerusalem meyane hongane movu an na towo. ⁵³ Nyo yam continue na yam tu worship pyan temple, wehweh pyan is se God.