¹ Yene nio na yam ndu tilia mani ne tax miane vianten ne sanga an nio yam pis na yam me pesilin ne Jisas ka yap ongane nge. ² Te farasis miane skraib nio yam ndu kermari ne Jisas te ndu ka, '' Vianten entak ma ongane muwu ka we esi vianten ne sangaan niontak, ah pwe hen miane nio.'' ³ A Jisas ma soro vian miane nio yen jioptean, maka, ⁴ ''Si ne kimim ka an sipsip wui wan hanret a swa wa sea, te mwi lingone nainti-nain yam ndu yan horwiwi, a mo kobiakilye swa na masea vian te esi? ⁵ Te mbilina ka te siokiline, ma ongane muwutevian, mwe viose te wene yan mbarvyan. ⁶ Ka tu kuoli me tenem te mwi kie san mbivian nio a vianten nio na yam ndu pesili ne nge yam me sukuo te maka miane nio, 'Kip ongane wuwu miane nie tevian nam siokiline hok sipsip na ma sea'. ⁷ Nap ka miane kimim, ongane wuwuan ka we pwer yen tongtong usili vianten ne sangaan swa kuon na ka te kone nge motene san sangaan ka wa save nainti-nain na yam ndu wuk. ⁸ Mente viaven tuswa ka san silva koin wui songavi, a tangkilie swa sea, saka nu tungane laet a tewes kukuone hem wuwuten tene ka we esi? ⁹ Mbilina ka te esi, ka wui kie san mbivian nio a vianten nio na yam ndu pesiline nge te ka, 'Kim me ongane wuwu miane nie tevian nam siokiline koin na ma sea tak.' ¹⁰ Yan sinisie ente, nap ka miane kimim, ka ongane wuwuan moh ne angel se God nio tevian snagaan swa kuon na mokene nge.'' ¹¹ Te Jisas maka mon ka, ''Vianten swa naten yemi lo, ¹² te na totoan maka miane san dada, ka, 'Dada, kop sengene sukuok nio na mwe mior ane nie.' Te san dada ma bibine sukuon nio kio nia. ¹³ mbung vitjio kuon mwe vian, te natenman na misye ma tilia sukuon nio te vian yan vilye swa sioten, ate nge mwe mawane sukuon nio yen meuan ne movivisye an. ¹⁴ Mbilina ka te mawane sukuon kevene tonok, te wembung ane miakierkier na towo mwe me yan vilye ente, te nge mwe pwer yen ndimiane-an. ¹⁵ Te nge mwe vian nkies se yapu swa na mwi tikien ane vilye ente, yapu enta ma sengene nge vian yen san lor ka we pwe luluwuo an mbarar nio. ¹⁶ A mia mahate te ma ndimiane ka wa sungane towan miane ndimehs an mbarar nio teviana tuswa toh sengene mehs tuswa miane. ¹⁷ A mbilina pwe niornior suwuon vian, te maka, 'Epepeso ves na yami se sok dada, yam hen te ndi mehs mundu, a nie kanap mer tevian miakierkier atak! ¹⁸ Nap tavia te vian teve sok dada, te kanap ka miane nge ka, ''Dada, nam ngene sie na masanga miane tongtong a miane ngok. ¹⁹ Nato wet wese ka kop kie nie nawi natom, kop ngene nie nawi sam epepeso tuswa kuon.''' ²⁰ Nge me tavia te vian teve san dada. Bilina pwe me sioten ngabak, san dada mwe esi nge te ma ongane ma sanga tevian, mu kuo vian te saa yan nge te kis miane nge. ²¹ A naten maka miane ka, 'Dada, nam ngene sie na masanga ne tongtong a miane ngok. Nato mior ka kop kie nie nawi natom.' ²² A san dada maka miane san epepeso nio, ka, 'Lie sesear tuswa na muwu wamanga te me lingi yan nge, a lingi ring tuswa yan vyan, a lingi sandel tuswa yan lien. ²³ Te ye vian lie neti buluk tuswa na ma kio kyo muwu te tiye. Rap hen yen ongane muwuan ²⁴ netuk entak te mer,ah yene mey meu . Nge te seia,yene yam esi nge.'Te yene yam tu hen. ²⁵ ''Yene naten man na mi tomo mey per yen tor.Pilina nge meymey pesili ne tenem,nge ma hongane kolir an ah sap an . ²⁶ Nge mi kye sa servant swa te husi seve sa per. ²⁷ Te servant maka meyane nge,'Sam bivian meymey tenem te sam dada ma tye buluk swa na ma kyo teven nge mi lyep ta se naten yen helt na mowu.' ²⁸ Naten man na mi tomo yon mi yaa te toy vyan pyan hem, te san dada meymey vilye te soro movu meyane nge. ²⁹ Ah naten man na towo ma ka meyane san dada,'Esi , tom pispis nyontak na nam kyes sam ,meyane na toy towane sam daa tuswa na kom ka, sikya yene ko toy sengene nani ka nap hen meyane sok pivian nyo, ³⁰ ah natom meymey ,na mey hen seia sam vyor meyane viaven nyo ne seli,kom tye mene nge buluk na ma kyo.' ³¹ Te dada maka meyane ,'netuk, ngok kom per meyane nye webuong kevene ,te sye kevene na mi sok mi sam . ³² Ah mey myor ne er ka rap hen meyane hongane wuwu,teven sam bivian ti mer , yenentak mey meu;nge te seia,ah yene yam esi.'''