¹ Bivian nio, ka yat sikia tusua yen san sangan, ngok na ninmewan mi sam kuone nge yen ninmeuan ne dumarmar an, dimie nigi kon esi tuwili esi an. ² Kuone pakuonan san vianten sean, mangite kim pisien ane law se kraes. ³ Ka vianten tusua wa dimie kati vianten sua. ne nge mi ormes kuon, ma mawane nge suwuon. ⁴ Lingkowene vianten wa pisien ane san gies an suwuom, te ongane wuwu tevian saka ni vianten sian. ⁵ Vianten kevene yap vyose sa pakuon an. ⁶ Lingkowene nge na be usii ane ndaa, wa pipine miane ngena be pisien ane sie kevene na muwu. ⁷ seka kon niornior miar, yato pyospyos ane yapu, sewe sa vianten me gene, ka wu kulili vian ane nge tetes. ⁸ Nge na ka ti pisien ane tawilinbien, yen tawilienbien ka we esi sanga ten an. A nge ti pisien ane ninmeuan, yen ninmeuan kawa lie meuan na me per miato ten. ⁹ Saka ran niornior ane sarr wuan nio na ram gene, wembung tusua ka we kuolili me, saka kon dimie ni ormes. ¹⁰ Ka rat esi tuwu ne err te rap gene wuwu miane vianten nio wi mho ne viale nio yam du tenem husili beangru. ¹¹ Kim esi nam tis mi towoten venek ane kimim ne veok kuon. ¹² Nio na yam dimiane ka rap gene wuwu yen sa niornior an ne tawilinbio te tuwili hesi ka yap gene kip per biakvi, yam gene ente tevian na ho menek ka yap ote nio metone lee buowo, se kraes. ¹³ Nio na yam per biakvi mon yato tangjijie lew, yam per biakvi tevian yam dimiane ka yap tepuon tawilinbionio ¹⁴ Yapu mi kietase na saka nan ongane nuwu mess, a ka wi tevian yapu jesus kraes na tanapian mu jovini nge teviok, a nie vian ane tanapian. ¹⁵ Yen kraes jesus, toi na kop per biakvi, a saka kop per biakvi, mi na kom me lie meuan vivi. ¹⁶ Ka yap pis yap hoko yen petenan, dumarmar an mi sa miane yosan vian miane Israel se yapu ¹⁷ Yene vian saka kin gene nan kienkien, yan tawilinbik mi pisha se yapu Jesus. ¹⁸ Bivian nio memeo an se yapu Jesus kraes, ka we per miane semim ninmeuan amen.