1
Peter ten John iem vian milia ien em me yapu yem vian ane temtemiap an.
2
Viantten sua na me per ate to kowile ne oko tevian wembung na ma saor lien mesanga te wembung kevene san mbivian niyo yam lie nge vian lingi nge tevian pelem me yapu na yam ka sanis sa pelem na mie bias muwuten.
3
Ka te esi peter ten John iem pis pianem te musi nga ka yiep sengene sietusua mene nge.
4
peter me teusilie vianten ente te ka kop esi kenma.
5
Me teusilie enga dimie ka ien sengene sietusua mene nge.
6
Te peter maka sok money midianga ka nap sengene mene ngok ah sewe na me per ka nap sengene mene ngok ien is se Jesus na mie te nazaret, kop tavia te oko.
7
Mokomu vian na miato te sane nge ma tavia te tinio.
8
Viasua kiun nge ma oko te mu usily ngante vian pian yem ne temtemiap an me yapu te mbe ka sipa mene yapu.
9
Vianten niyo yam esi na mbe oko mo onangane muwu te be ka sipa mene yapu.
10
Vianten niyo yam te kowilie nge na mbe tas wembung kevene pun belem me yapu tepe usi mani yam kulie na ma oko.
11
Mo komu vian Peter ten John, vianten niyo yam ongane te ko vian esi niyo sie bian vranda me solomon.
12
Ka peter te esi na vianten niyo yam du vian te maka mene niyo ka kimim niyo na israel tevian sewe sa kim kulie motone na ma oko,kim dimie ka nat kene ien senma yas an kiun,mitianga.