¹ Bae yumi talem wanem? I stret nomo blong man i mekem rabis fasin olsem we gladhat blong God i bigwan tumas? ² Nogat nomo. Yumi we yumi ded long fasin nogud, olsem wanem nao yumi sta liv long hem iet? ³ Yufala i no save iet se fulap man we oli baptaes long Jisas kraes, oli baptaes tu long ded blong hem? ⁴ Mo taem yumi ded wetem kraes, yumi baptaes tu wetem hem long ded blong hem. Hemia i semak we kraes i kirap bakeken long ded, blong soemaot bigfala paoa blong papa blong hem. Long semak fasin, yumi tu i save wokbaot i go insaed long niufala laef we kraes i kirap long hem. ⁵ Mo sipos yumi kam wan olsem kraes long ded blong hem, bae yumi save kirap bakeken tu wetem hem. ⁶ Yumi save se,yumi mas ded wetem ol rabis fasin blong yumi long kros, hemi blong mekem ol rabis fasin ia i nomo save rulum laef blong yumi bakeken. ⁷ Man we i ded, i save talemaot se hemi wan stret man olgeta long ol rabis fasin. ⁸ Be sipos yumi ded wetem kraes, yumi biliv se yumi save laef bakeken wetem hem. ⁹ Yumi save gud se taem kraes i kirap bakeken long ded, bambae i no save ded bakeken samtaem. From se ded i nomo kat paoa ova long hem. ¹⁰ From ol rabis fasin blong man, kraes i ded. Hemi ded wan taem ia nomo mo i blong everi man long wol. Long semak fasin ia nao, laef blong kraes long wol ia hemi laef blong God. ¹¹ Long semak fasin, yufala tu i mas ded wetem ol rabis fasin blong yufala. Olsem blong bambae yufala i save laef bakeken tru long God wetem niufala laef long Jisas kraes. ¹² Mo long semak fasin , yufala i no mas letem ol rabis fasin i rulum bodi blong yufala. Blong mekem yufala i folem olgeta samting we i nogud, we blong mekem wanem we bodi blong yufala nomo i wantem. ¹³ Yufala i mas mekem olgeta pat blong bodi ya blong yufala i mekem olgeta samting we ino stret. Be yufala i mas soemaot se yufala i ded mo laef bakeken wetem kraes. Mo blong soemaot ol gudgudfala fasin long fes blong God. ¹⁴ Yufala ino mas letem ol rabis fasin i rulum laef blong yufala. From yufala i nomo stap long taem blong loa, be hemi long gladhat blong God nomo. ¹⁵ Naoia wenem? yumi mekem rabis fasin from yumi no stap antanit long loa,be from yumi stap antanit long gladhat blong God? bae no save olsem. ¹⁶ Be yufala i no save se taem yufala i olsem slef, yufala i kam slef blong man we yufala i stap folem Ol toktok o tingting blong hem,? sipos yufala mekem fasin nogud bambae yufala ded from.Sipos yufala jusum blong mekem stret fasin bambae laef blong yufala i stret gud nomo. ¹⁷ Be yumi talem tankiu lo God Nomata se fastaem yumi mekem fasin nogud be hem i tanem hat blong yumi blong yumi folem ol toktok blong hem we hem i stap givim long yumi. ¹⁸ Yufala i nomo man blong mekem fasin nogud ,be yufala stap mekem ol gudgudfala fasin we i stret nomo. ¹⁹ Mi toktok olsem wan man folem fasin nogud blong yufala. Mo long semak fasin mi mi givim ol haf pat blong bodi blong yufala we i no stret mo i no folem loa . Mo long semak fasin mi mi givim ol narafala haf pat blong bodi blong yufala we oli stap mekem gudfala fasin, mo mekem yufala i kam klin man long fes blong God. ²⁰ Mo long taem we yufala i stap mekem ol fasin nogud iet, yufala i nomo save mekem ol gudfala fasin. ²¹ Mo long taem ia wanem samting nao we yufala i karem we i stap mekem yufala i stap harem nogud long hem iet?Mo we ol samting ya oli mekem yu yu save ded. ²² Mo long fasin ia yufala i fri long ol fasin nogud ,mo yufala i folem God we i givim laef we i no save finis samtaem long yufala. ²³ fasin blong man we i stap mekem i nogud hem i ded nomo.Be stret fasin blong kasem laef we i no save finis samtaem ,hem i tru long masta jisas kraes.