¹ Mi stap givim lo yu Phoebe sista blo mifala, ue emi wan wokman blo jej we hemi stap long Semkre, ² Blo putum hem gud blo yufala i save tekem hem insaed lo Masta. Mekem hemia lo wan gudfala fasen blo God mo ol holi man blong hem,mo givim long hem wetem enisamting we hemi save mekem blong woman ia hemi wantem long yufala, from woman ia hemi bin wan bigfala help iko lo plante man mo blong mi tu. ³ Talem halo iko long Priscilla mo Aquila, tufala wokman blong mi long Kraes Jisas, ⁴ We long laef blong me hemi bin mekem i had long laef blo olgeta. Mi givim tankiu long olgeta, mo ino mi nomo, be evri jej tu we oli no laen blong Jus. ⁵ Talem halo long jej we emi stap long haos blong olgeta. Talem halo long Epaenetus lav wan blong mi, we hemi fesfrut blong Asia igo long kraes. ⁶ Talem halo long Meri we ibin wok strong blong yufala. ⁷ Talem halo long Andronicus mo Junia,laen blong mi mo ol yangfala prisina. Oli save gud olgeta long medel blong ol Aposol, mo olgeta we oli bin stap long Kraes fastaem long mi. ⁸ Talem halo long Ampliatus, lav wan blong mi blong Masta. ⁹ Talem halo long Urbanus,ol yangfala wokas blong Kraes, mo Stachys, lav wan blong mi. ¹⁰ Talem halo long Apelles, hemi bin akri long Kraes. Talem halo long olgeta we oli bin stap long haos blong Aristobulus. ¹¹ Talem halo long Herodion, laen blong mi. Talem halo long olgeta we oli stap long haos blong Narcissus we oli stap long Masta. ¹² Talem halo long Tryphaena mo Tryphosa, ol wokman blong Masta. Talem halo long Persis lav wan blong mi, we hemi bin wok tumas long Masta. ¹³ Talem halo long Rufus, we oli jusum hem from wok blong Masta, mo mama blong hem mo blong mi. ¹⁴ Talem halo long Asyncritus, Phlegon, Hermes, Patrobas, Hermas, mo ol brata we oli stap wetem hem. ¹⁵ Talem halo long Philologus mo Julia, Nereus mo sista blong hem, mo Olympas, mo ol holi man blong God we oli stap wetem olgeta. ¹⁶ Talem halo long wan mo naraman wetem wan holi kis.Olgeta jejes blong kraes oli talem halo long yu. ¹⁷ Mi stap talem strong long yufala ol brata, se yufala i mas lukaot long ol man ya we oli stap talem ol kiaman toktok. Mo we oli stap mekem ol samting blong serseraotem ol man.Mo blong tekemaot tingting blong man long ol trutok blong kraes we yufala i bin lanem.Yufala i mas tanem baksaed long olgeta. ¹⁸ Olgeta man olsem, oli ol man we oli no mekem wok blong kraes Masta blong yumi. Be oli kam man blong wok from kakae blong fulmap bel blong olgeta nomo. Mo we oli stap pulum ol man we oli no stanap strong long kraes blong folem olgeta . ¹⁹ Be mi, mi glad tumas blong luk se fulap man i kam blong save ol trutok ia we yufala sta folem. be yufala i mas waes inaf blong luk save ol gudfala samting mo blong stap longwe long fasin nogud. ²⁰ Bambae God ia blong givim pis i givim paoa long yufala blong save kilim setan. Mo gladhat blong masta ia blong yumi Jisas kraes bae i stap oltaem wetem yufala. ²¹ Yangfala wokman ia blong mi, Timoti, mo ol famili blong mi ya, Lucias, Jason, mo Sosipata oli talem halo long yufala everiwan. ²² Hemia letta blong mi tertius, mo mi talem pis blong Masta blong yumi i stap wetem yufala. ²³ Gaius, man we i lukaotem mi mo everi jios i talem halo long yufala. Mo man blong lukaot long mani blong taon ia, mo brata blong hem Quartus i talem halo tu long yufala. ²⁴ Mo we bambae gladhat blong Masta ia blong yumi Jisas kraes i stap wetem yufala oltaem. ²⁵ Nao long paoa blong hem nomo, i save mekem yufala i kat strong biliv long gudnius blong kraes. Mo long ol toktok we i kamaot long Jisas Kraes. Tru long hem, hem i kam blong soem olgeta samting we oli bin haed long taem bifo, long olgeta we oli biliv long hem. ²⁶ Be naoia everi man long everi ples long wol i save god trutok ia tru long ol toktok we ol profet oli bin raetem. Mo hemi long paoa blong God nomo we i stap oltaem, everiman i save kat strong tingting blong folem ol trutok ia. ²⁷ Mo long God nomo we i waes mo pikinini blong hem Jisas kraes, we oli gud tumas mo we bae oli stap we oli stap, gogo ino save kat en blong hem. Amen.