¹ Mi Pol, wan aposol blong jisas kraes we God hemi putumap mi, mi stap raet i kam long yufala ol Tabu man blong God long efesas, we yufala i stap feitful long Jisas kraes. ² Pis mo gladhad blong God Papa blong yumi mo Jisas kraes masta blong yumi i stap wetem yufala. ³ Yumi presem God we hemi Papa blong Jisas kraes masta blong yumi, we hemi bin blesem yumi wetem evri samting we i stap kamaot long spirit blong God long Heven Tru long Jisas kraes. ⁴ God hemi jusumaot yumi finis tru long Jisas kraes, long taem we hemi stap createm wol ia, blong yumi kam ol tabu man blong hem mo yumi stap lavlavem yumi, we i nogat wan fasin nogud hemi luk long yumi. ⁵ God hemi bin singaotem yumi finis blong yumi kam ol pikinini blong hem tru long Jisas kraes.from glad had blong Go Hemi mekem olsem from gudfala fasin blong hem nomo. ⁶ God hemi givhan bigwan long yumi tru long Jisas kraes we hemi lavem hem tumas. Mo oltaem yumi mas presem God from glad had blong hem we i givim long yumi. ⁷ Tru long blad blong Jisas kraes nomo we i mekem yumi kasem fogivnes from ol sin blong yumi, hemia from glad had blong hem God nomo we i bigwan tumas long yumi. ⁸ God hemi givhan bigwan long yumi tru long gladhad blong hem, long fasin blong hem we hemi luksave evri samting mo long fasin we hemi waes. ⁹ God hemi soemaot finis plan blong hem long yumi we fastaem hemi haed, nao hemi soemaot tru long kraes, from we hemi harem nogud blong soemaot plan blong hem. ¹⁰ Hemi mekem olsem from plan blong hem long taem we i stap kam, bambae hemi tekem ol samting long heven mo long wolya oli kam tugeta, andanit long hem, we hemi hed blong olgeta. ¹¹ Tru long kraes yumi gat wan ples blong stap long hem, we hemi bin talem long yumi finis, follem plan mo wok blong hem we hemimakemaot we i stret follem wok mo pepes blong hem. ¹² God hemi jusumaot yumi blong yumi kasem ol samting long hem, from we yumi ol ol fes man blong trastem kraes,yumi sud presem God from Gladhad blong hem we hemi soemaot long yumi. ¹³ Mo tru long kraes, yufala tu we i no laen blong Israel, taem yufala i harem tru tok, we hemi tok blong God i sevem yufala, nao taem we yufala i bilif long kraes, God hemi makem yufala wetem Tabu spirit blong hem. ¹⁴ Tabu spirit ia we i stap long laef blong yumi, hem bambae i soemaot long yumi olgeta samting we God hemi makemaot finis se bambae yumi kasem. Oltaem yufala i mas leftemap nem blong God i go antap, from we Tabu spirit i soemaot finis we God bambae hemi mekem yumikam ol fri man. ¹⁵ From risen ya, stat long taem we mi bin harem we yufala i stap bilif strong long God mo yufala i stap lavlavem ol tabu man blong God, ¹⁶ oltaem mi stap tingbaot yufala long prea blong mi mo mi no stop blong talem thankyu long God from yufala. ¹⁷ Prea blong mi se God papa blong Jisas kraes masta blong yumi, we hemi gud tumas, bae hemi givim spirit blong hem long yufala, blong mekem yufala i waes mo bae hemi soemaot God long yufala mo mekem yufala i save gud hem. ¹⁸ Prea blomg mi se bambae hemi openem tingting blong yufala, blong yufala i stap putum tingting blong yufala i stap strong long plante gudfala samting we hemi promes blong givim long yufala finis ol man blong hem. ¹⁹ Long prea blong mi oltaem, mi stap askem long hem blong hemi mekem yufala i luk save bigfala paoa blong hem, we i stap wok long laef blong yumi we yumi stap bilif long hem. Hemi bigfala paoa we hemi stap mekem wok long hem. ²⁰ Hemia semak paoa we God hemi wok tru long kraes blong leftemap hem long ded bageken mo mekem hem i sidaon long raet saed blong God long heven. ²¹ Hemi putum kraes hemi hae moa long evri narafala samting. Hemi putum kraes blong hemi rulum evri samting mo hemi gat paoa we i hae moa long evri paoa. Nem blong hem i hae moa long evri nem we oli gat paoa, mo hemi stap rulum olgeta naoia mo long taem we i stap kam yet. ²² God hemi putum evri samting i stap andanit long leg blong kraes finis mo hemi putum kares hemi hed blong jioj. ²³ Jioj ya hemi bodi blong kraes, we kraes i fulfap gud long jioj mo kraes i fulap gud long olgeta samting.