1
Gaeas, wan olfala fren we mi lavem mo mi trastem hem.
2
Gudfala fren, we mi stap prea blong evri samting i stap ko gud wetem yu blong yu no kasem sik, mo wetem gudfala fasin blong yu.
3
From mi glad tumas taem ol brata oli kam mo talemaot trutok ia, olsem we yu wokbaot long trut.
4
Mi no save talemaot ol harem gud blong mi ia, we taem mi harem ol pikinini blong mi, taem oli wokbaot long trut.
5
Gudfala fren, evri taem yu stap fetful blong mekem ol wok blong ol brata mo ol narafala man
6
we oli bin karemaot witnis blong laf blong yu blong ol man we oli stap long jej. Yumi mekem i gud tumas blong olgeta blong sendem olgeta long wan longfala rod long wan fasin we God i glad long hem,
7
from long nem blong hem oli aot oli no karem wan samting long ol jentael.
8
From samting ia yumi sud welkamem olgeta olsem yumi ol wokman blong talem trut.
9
Mi raetem samting ia i kam long yufala long Jej long Diotrefas, we i laekem blong stap fastaem long olgeta be i no akseptem yumi.
10
Nao spos mi kam bae mi talemaot ol fasin we hemi stap mekem i stap kiaman agens long yumi wetem ol rabis toktok. We i mekem yumi no glad long hem, hemi no wantem welkamem ol brata nomo mo tu hemi stap stopem olgeta we oli stap welkamem ol narafala man mo i stap lidim aot Sam man long Jej.
11
Yufala we mi lavem yufala tumas, yufala no mas mekem ol samting we nogut be yufala i mekem ol samting we hemi blong God. Man we hem i mekem i gud hemi blong God, be man we i mekem i nogud bae no save God.
12
Demitrias i risivim wan gudfala testimoni long evriwan we oli talemaot trut nomo, mifala i testifae abaot hem mo yu mas save se testimoni ia tru.
13
I gat fulap samting blong raetem ikam long yu, be mi no ting se bae mi raetem evri samting ikam long yu long pepa mo pen.
14
Be mi hope se ino long taem bae mi luk yu, mo bae yumi toktok fes tu fes.
15
Bae pis istap wetem yu, ol fren oli talem halo long yu, yu talem halo long wanwan fren blong yumi