1
Nao mi stap tingting finis blong no save kam luk yufala, mo i no blong mekem yufala i stap harem nogud.
2
Spos mi mekem yufala i harem nogud,huia long yufala bae i save mekem mi mi glad? Be yufala ya nao i stap mekem yufala i harem nogud i stap mekem mi mi glad?
3
From samting ya nao mi stap raetem leta ia i kam long yufala long stret fasin from taem mi kam luk yufala bae mi no save harem nogud long olgeta we oli sud stap mekem mi mi glad. Mi mi save yufala everiwan finis, taem mi stap harem gud i semak nomo olsem we yufala tu i stap harem gud.
4
Mi stap raet i kam long yufala from ol bigfala trabol blong yufala,wetem trabol hat, mo fulap harem nogud.Mi stap raet i kam long yufala blong mekem yufala i no mas harem nogud. Be, mi wantem blong yufala i save bigfala lav we mi gat long yufala.
5
Spos eni man i stap kosem harem nogud, hemi stap kosem harem nogud ia i no blong mi wan nomo, be long nara samting-ino blong trabolem yu-long yufala everiwan.
6
Panismen blong man ya we majoriti i kasem i stret ya na.
7
So i no blong yufala i panisim hem, yufala i sud fogivim hem mo helpem hem. Mekem olsem blong hemi no tingting tumas mo harem nogud.
8
Be mi wantem blong yufala i soem lav blong yufala long hem.
9
Risen blong leta ya we mi raetem i kam long yufala, hemi blong testem yufala mo save se yufala i save obei long everi samting o nogat.
10
Spos yufala i fogivim eniman, bae mi fogivim hem tu we i semak olsem we yufala i fogivim hem.Wanem we mi fogivim -spos mi fogivim enisamting -hemia mi stap fogivim long fes blong kraes finis.
11
Hemia hemi from blong setan bae i no trikim yumi. Mo i no save winim yumi long wan samting.
12
Wan doa we Masta blong yumi hemi openem long mi taem we mi kam long bigfala taon blong Traos blong prijim gudnius blong kraes long taon ia.
13
Mi fraet tumas mo wari from mi no save faenem brata blong mi Titus long taon ya. Nao mi lego olgeta mo aot i go long Macedonia.
14
Be tankiu i go long God,we hemi Kraes i lidim yumi long viktri ya.Tru long yumi God i soemaot mo yusum yumi olsem wan naesfala smel blong flawa blong talemaot kraes long everi ples.
15
From yumi olsem naesfala flawa we i gat smel blong hem,from yumi ol man blong God blong talemaot Kraes, long olgeta we oli sef mo olgeta we oli no save long Kraes.
16
Long olgeta we oli no save long Kraes, bae naesfala smel ia i olsem smel blong wan ded man we i smel nogud. Be olgeta we oli sef, bae naesfala smel ia i stap long laef blong olgeta oltaem nomo. Huia nao i save mekem ol samting ia?
17
From yumi i no olsem fulap man we oli stap yusum mo salem tok blong God blong winim mani. Be God i putumaot mifala, blong talemaot Kraes, from mifala i olsem ol wokman blong God.