1
Mi Pol, mi kam wan aposol blong Jisas Kraes folem wil blong God, mo brata blong yumi sostenes,
2
mi stap raetem leta ya igo long yufala long corin mo yufala we i biliv long God,long olgeta we God i jusumaot olgeta we oli blong hem from oli ol man blong Jisas Kraes we God i singaot ol holi man,mo evriwan long evri ples we i singaot long nem blong Masta Jisas Kraes,we hemi Masta blong olgeta mo hemi Masta blong yumi.
3
Prea blong mi se God papa blong yumi wetem Masta Jisas kraes bae givhan long yufala mo pis blong tufala istap wetem yufala.
4
Oltaem mi stap talem tankyu long God blong mi from yufala from se long glad hat blong God we Jisas Kraes i givim long yufala.
5
God i mekem yufala i kam rijman long evri wei long kristian laef.God hemi mekem yu save talem tok blong hem long ol narafala man long fulap wei mo God hemi mekem blong yu kasem save mesej o tok blong hem long fulap wei.
6
Hemi semak nomo olsem testimoni blong kraes we bae yufala evriwan i talem se hemi tru oltaem.
7
From wanem wemi jestalem hemi tru,yu gat evri gift blong holi spirit mo yu stap tumas blong wet long taem we Masta blong yumi Jisas Kraes bae i kam tru.
8
Bae hemi stap wetem yu mo givim paoa long yu blong stap strong kasem las dei ya we Jisas kraes,Masta blong yumi bae jajem olgeta man,long dei ya bambae i nogat wan samting blong hemi jajem yufala from.
9
God hemi feitful,mo i joenem yufala long laef blong pikinini blong hem Jisas Kraes,we i Masta blong yumi.
10
Nao mi stap tok strong long yufala,ol brata, long nem blong Masta Jisas Kraes blong yumi,mi wantem tingting blong yufala ikam wan nomo ,yufala ino mas seraot long ol narafala difren grup.Yufala imas joen gud we yufala igat wan tingting mo semak tingting nomo,mo fasin blong yufala iwan nomo.
11
Ol Brata mo sista ol famli blong kloe oli talemaot nius ya long mi finis se yufala i seraot wanwan olbaot.
12
Mi stap minim olsem:Sam long yufala i talem se, ''mi mi stap wetem sam long yufala i talem se, ''mi mi stap olsem blong Apollos,''mo sam narafala i stap,talem se, ''mi mi blong kefas''mo sam oli se, ''mifala i blong kraes tu''.
13
Be olsem wanem?Yufala i ting se kraes i seraot long plante pis?Yufala i ting se mi pol,mi ded long kros blong sevem yufala?yufala i ting se yufala i baptaes long nem blong Pol?
14
Mi talem tankyu long God from aot long yufala evriwan mi baptaesem krispas mo Gaeas nomo.
15
Mi mekem olsem blong bae inogat wan long yufala i save talem se hemi baptaes long hem blong mi.
16
[Mi baptaesem stefanas mo ol famli blong hem tu.Afta long hem ya mi nomo save tingbaot se mi baptaesem sam narafala bekegen.]
17
From we kraes i no sendem mi blong baptaesem ol man be blong mi talemaot gud nius blong hem-hemi sendem mi blong talemaot gud nius ya,i no long waestok blong ol man,from spos mi mekem olsem bae ded blong Jisas kraes long kros bae hemi blong nating nomo.
18
Ol tok blong tokbaot ded blong kraes long kros oli olsem kranke tok nomo long ol man blong lus.Be long yumi ya we God i sevem yumi,tok ya isoemaot paoa blong hem.
19
Baebol i talem se, ''Bambae mi mekem ol waes man oli lusum ol waes blong olgeta,mo save blong ol man we oli gat hed,bae mi sakemaot.''
20
Wem ol waes man?Wem ol man we oli gat save?Wem ol man we oli stap rao from ol samting blong sistem blong wol ya?God i soemaot finis se waes blong wol ya i kranke nomo.
21
Waes blong wol i no save mekem man i save long God,be God i waes,nao hemi glad blong sevem olgeta we oli harem mo bilif long tok ya we ol man blong wol oli stap talem se i kranke.
22
Ol man Jiu oli wantem luk ol saen blong merikol mo ol Gris oli lukaotem waes.
23
Be yumi stap talemaot se kraes i ded long kros,tok ya i mekem ol man Jiu oli stambol mo ol man we oli no laen blong Isreal oli harem olsem we i wan kranke toktok nomo.
24
Be long ol man Jiu mo long ol man Gris we God i singaot Olgeta,Yumi talemaot se kraes hemi paoa mo waes blong God.
25
From we wan samting we i blong God we ol man oli luk se i kranke ,hem i waes moa i bitim ol man .Mo wan samting we i blong God we ol man oli ting se i nogat paoa,hemi strong moa i bitimol man.
26
Ol brata mo sista yufala i traem tingbaot se taem God i singaot yufala,yufala ol wanem kaen man?Hamas long yufala nomo we long fes blong ol man oli talem se oli waes,oli gat paoa,mo oli kamoat long famli blong ol hae man.
27
Be God i jusum olgeta we ol man blong wol oli ting se oli kranke,blong mekem ol waes man oli sem.Mo God i jusum olgeta we ol man blong wol oli ting se oli nogat paoa blong mekem olgeta we oli gat paoa oli sem.
28
Mo God i jusum ol samting we oli no impoten,mo ol samting we ol man oli stap lukluk daon long hem.Mo ol samting we oli nating nomo,blong mekem ol samting we oli stap naia oli kam nating nomo.
29
Hem i mekem olsem blong i nogat wan man i save toktok flas long fes blong God from samting we hemi gat.
30
From wanem we God i bin mekem,yufala i joen long kraes Jisas we hemi waes ya we ikam long God.Hemi mekem yumi kam stret man long fes blong God,i mekem yumi holi,mo i givim ransom blong mekem yumi kam fri.
31
Olsem we i stap long Baebol, ''Man we i flas,i gud hemi tok flas from Masta.''