1 Pi kanata Isu kamana ugaitegina-va ige waya wawala, kanala ageva wama asuva-sitaema Kapenaumu-vindisa taunivi-ndi. 2 Ka kepteni ayaema sodiya-minda age mitaema, pigo agendava ka uga eliya kina mita-ema. Pi eliya yagalawapta tave inu uma agalaka ageva pulitaema. 3 Pi kanata kepteniva avitaema piyamba Isu mindiema, ageva isagataema ige anaya-mbu kina Judaisa wama avigai-yoma Isu, ageva kanama inu-wa kanalasa-kiyema agenda eliya masiwa-kaga. 4 Pi kanata ige Isu-ta avolandi-niva ige mala igewipa atama pigo avigatae-ma agepa piyamba, "Pi kepteniva ageva aogi yagalaema. 5 Ageva avumaema tage kantrigava, pigo agewa tagenda mono namapa kilataema." 6 Kanala Isu-va kapi igege wataema. Pikanata Isu na wakaala kanata-ginava, kepteniva isagataei-ye ige agayavala agenda wamagini Isu-pa pigo omitaema agepa piyamba, "Uga kageva ativoku-penema, nageva kamba aogi yagalala-kandaema kage kanakena-va nage namati. 7 Piyamba-kanda pigo nageva kamba kanau-wema kagetiva. Kageva egana pigo eliya masinepa nagenda ageva kanala penama. 8 Nageva piyamba uwema, nana-viema nagelova nageva mindu-wema amendapi-ndi ige wasanami namba uma nagepa aevavundega. Pigo nagendava ige sodiya minda-ema nage amenda-pindiva, pi kanata nage ka sodiyaga ekanava, 'Waoma,' ageva wagaviema. Pigo pikanata nage to sodiyaga, 'Kanao-ekanava,' ageva kanaga-viema. Pi kanata nage omima nagenda eliya kinandeka, ka eliya pomai ageva pugaviye-ma." 9 Pikanata Isu pikamana avitegina-va ageva pami-votatama-gina, pigo ageva awaema pigo oimitaema ige okaena kina waya wawa aegala-ta age piyamba,"Nageva ulimu-wema tigepa, nageva kamba agayosauwema age piya amatiti-ena ulindi ka Israeli-va." 10 Ayaema kepteni kinapa isagata-gini wataiye Isu agakena, igeva to nati kanate-gini pigo igeva agataema eliya masiva kanala-sa-watai. 11 Aindi amanata Isu-va wataema ka taunili, agewapa ageva naini-ema. Ayaema disaipeli wake agenda pigo okaena kina waya wawa-ge wataema kapi. 12 Pi kanata age wakala avolatai-pa pitauni-oma kago indi kage-oma kavela. Ige wasanami ka puwanda yagala avavulite avei ilosata ema. Pi yagala-ma anawa-mbaua ageva pi ka yagalando-wanema. Pi-waemba awae-galimava ago puwa-ndiema. Okaena kina waya wawa-va mitaema pi waeke. 13 Tave Yagalamava pi wae agate-gina, pigo ageva andala puma pigo agepa omitae-ma pi waekava piyama, "Kageva ha kuwepa ataoma." 14 Pigo Isu-va wama ayakulita-ema pogisi pipulinda kina witami-taitapa ageva, pigo ayaema kina avavutae-pa pi pulinda kina pasema asita eiye. Isu-va utaema, "Masima-vi yagalaoma, Nage ugamuwa kageka, kageva asiyoma." 15 Pi pulinda yagalama asima pigo kamana utaema, pigo Isu-va amitagina age anowa-mbati wataema ageva. 16 Aya ema waya wawa-mi agategini pindana-ena pigo igeva kalu-vutegini, pigo igeva Anutu age aisesata-ema, pigo utaema piya-mba, "Ka tave amonda kina avola-waema tage tavaka-pi." Pigo igeva utaema, "Anutu aogi anda ayaema waya wawa-wa poitaema ageva." 17 Pi istoliva Isu-nda waga ka na putaema ayaema distrikili Judia-ive pigo ige kaisa distrikililove. 18 Aya ema wani uitana Joni-nda disaipeli-miva omita ema agepa ayaema-ena avolatai-ndanaga. 19 Kanala Joni-va tala disaipeli-waka kegae uti aema agenda, pigo isagata-gini igeva wamagini Tave Yagala-gava avigataeiye agepa piya-mba, "Anutu wali kamana uma kaisaga-kuwe utaipa age kageva pi yagala kana-pelai o tageva to kaisaga igavavuku-nema?" 20 Pi kanata ige Joni disaipeli Isu-ta avolandi-niva, igeva utaema, "Wani uitana Joni-va taisaga-gita kanau-nema tagepa kanama kageti avigai-yoma kagekaga piyama, 'Piyamba Anutu wali kamana uma kaisaga-kuwema utai kage pi yagala kanapela, o tageva to kaisaga agavavu-kunema?" 21 Pi-kanatapa Isu-va eliya putaipa kanala saita-mamitae-iye tomatoma inu aya-ema waya wawa. Pigo ageva okaena kamba aogi awamu-sa agalu-wataei-ye ige waya wawa-mipindi mitai. Pigo ageva kanalasa-itataei-ye okaena waya wawa iyo ige tikaewatai, pigo igeva agataema. 22 Isu-va ige Joni disaipeli-ga awaema oimitaeiey, piyamba, "Pikanata tige to wandilipa, omiyoma Joni-pa nana-ena tige agasepe pigo avepe. Iyolikae-wandapa aga ema, igisa kaogi puwanda-pa nasema, aguwatawanda wawa-va kalini puwaema, ige akuwandapa avema, puwanda kinapa to asima ima ulegana pigo kavona wawa-va aogima avvema iguguya kamanapa. Isu-va piyamba meua-puma igepa oimitaema." 23 Anutu-va amunda-na imima ayaema waya wawa nageta imatiti puma pigo kamba ika nameka nage." 24 Pikanata tala yagalala-misi Joni kamana mete kanata-mapa Isu-va wagaita-ema kanala Isu-va oimitaeiye ayaema waya wawaga Joni-ka piyamba, "Tigeva nana ena agakena=pe-oma pikanata wasana kaminda asawa-nda mali tige waepa? Piyamba-paya tigeva agakena-uema esioma ka kavi wakegai kivi a? 25 Pigo tigeva nana-enalaka agakena waema? Piyamba-paya ka yagalama aogi ena-ge pigo amaviena-vaya pikivi-kavayaema,a" Aviyoma, ayaema waya wawa ige aogienage pigo amavi kukenage pigo mamuge iuta pulepa, ageva ayaema pikinapa kini namapindi miye-ema. 26 Pigo tigeva nana-enalaka agakena-ga wa ema? Piyamba-paya tigeva ka amonda eliya kinapa-ya agakena-ga waema,a? Mageva ulima-wema tigepa pi-amoida eliya kinapa ageva igasima-ema igce kaisa amonda eliya kinapa. 27 Pi yagalamataka Anutu isa omava iyema, 'Avoma, nageva ka yagala aisagaka-na waki yema kagetapa. Ageva ke yoke pugata-kiyema kagenda.' 28 Nageva ulimuwe-ma tigepa, tige tivakapi wayama uatakivipa, kamba kawinava agaikiyema Joni-pa." 29 Ayaema waya wawa-mige kapi ige takisi ule kinambi-geva pi kamana avitegini-va pigo igeva uma avolata-ema Anutu-va ageva ayaema yagava alaketa pundi-yemai Ayaema pikina Joni wani uitatai. 30 Pigo ayaema Farasi-ge pigo wali kamana-omanda napikina Judai-sava igeva kamba wanipa ulita ema Joni-tasava. Piyamba kana pigo igeva ika imigaita-ema Anutu-nda avuwa-kenaenagava. 31 Isu-va meva-puma umamitaema wani uitana Jonikava piyamba, "Nageva ayikiuwema tige ayaema waya wawa minde pi kanata iva, tigeva hayamba mindaema? 32 Igeva piyamba-nema ayaema yakala-ndo-ndo mi tete-ena puma nasana aisana kumata pigo malamima pigo andale uma towinave towinave pigo eyema, 'Tage ka pukaombe-pa, pigo tigeva kamba ta nisi-enava pema. Tage tindala ini yombe-pa pigo tigeva kamba kuwepa ataema.' 33 Wani uitana Joni kanaipa kamba breti na-kenage pigo waeini nakena-geviyema, pigo tigeva eyema piyamba, 'Pi yagalava kamba oigi awa-musaoma aevavo-taema agepa.' 34 Wama Yagalava ageva nasana nate pigo waini nate piyamba ige kaisa kinambi pesapuma pigo tigeva eyema piyamba, 'Pi yagalava okaena nasana nate pigo okaena waeni nate-viyema, ageva ige takisi ule kinambike pigo ige agunda-ena pekinambi iyokinanema.' 35 Pigo ayaema agoi napi enage pigo alaketa-enageva Anutu avelaema palutu-ena ayaema kina waya wawa-mi aegalace." 36 Ka Farasima kugae utaema Isu-ka kanama kapi agege nanoma. Pigo Isu-va wamagina pi Farasima nama-pindi pigo kapi agege nataema. 37 Ka wae mitaipa pi taunivi-ndi ageva agundaena pugakena waenema. Pikanata pi waemba avitegina piyamba Isu mitiema Farasimi nama-pindi, ageva ka aogi agunda ikena uweli ka-ave u-ulitegina pigo wataema. 38 Pi kanata Isu nama mitaginava, pi waepa age agisa agola wamagina pigo kuwe atataema. Aonu wani Isu agisala waya-manda tumitagina pigo wayamava aeyomata-ema aonu wanike kapi agenda anoviya-tasage ageva. Pigo Isu agisala amonama-gina pigo uwei umagina pigo agisala aeyovatata-ema agepa. 39 Pi Farasi Isu-ka kegae utagina wama kapi agege natai pindana-ena agategina-va, pigo ageva napitaema piyamba, "Piyamba pi yagala ka amonda eliya kina ikivipa age, ageva agakiyema nana waemba-vaya ayakulikana agepa. Ageva agunda waenema." 40 Isu-va age napiena-vindiva agagaite-gina pigo utae,a "Saimoni-oma, Nageva kamana windiema kagekava." Pigo Saimoni-va utaeiye "Posenda Yagala-oma, nana kamana kageti winda-kinapa nagek kageva yoma." 41 Pigo Isu-va utaema, "Ka yagala0mava aisaena tala yagalala isimi-taema. Ka winava 500 silva koins aisa-vutaema, pigo to kawina lova 50 silva koins aisa-vutaema. 42 Isigeva kamba kanala aisaena-wisipa pekimivema putasa-gana isigeva, piyamba pigo aisaena isimitai yagala-mava uisigaitaema isigeguvo-ena wisipa isigenda-va. Kanalanema ke isigepisava agekagava avikiyema?" 43 Saimoni-va awaevuta-ema piyamba kamanapa, "Nageva napuwema piyamba pi yagala kevaya tave aisaena putainae-a." Isu omitaema agepa, "Napiena-gapa kagenda-va taganema." 44 Isu-va awaema pigo pi wae agategina-va pigo ageva Saimoni-kava omitaeiye, "Kageva agaoma pi wai. Pi kanata kage nama-pindi nage kana ma asuvasopa. Kageva kamba namenema wanipa nage nagisa wasimi-vukuva-kava nage, pigo pi waemba-va ageva nage nagisa wasimivi-yema kapi aonu wanitasa ageva. Pigo ageva aeyowae-ma kapi agewa anoviya-tasa. 45 Kageva kamba namona-nema nagepa, pigo pi waemba-va nage nagisala amona-ema. 46 Kageva kamba uweliva uma painatamema nage nanotiva, pigo pi waemba nage nagisaliva painataema aogi agunda winda uwelilasa. 47 Piyamba-ka pigo nageva ugamu-wema kagepa pi waemba-va nageka avuwaema. Ageva okaena agunda-ena pipiyo Anutu uagawaema agenda agunda-ena wapa. Pigo wasanama napima piyamba agenda amana agunda-ena windiema pigo Anutu uagaiki-vipa agunda ena=wa agenda, kanala ageva amanata nagekava avikiyema." 48 Pigo Isu-va omitaema pi waekava piyamba, "Nageva agunda-enaga ukagasauwema kayendava." 49 Ayaema kina mitaepa pi kanata pigo agege paki nasana nama igewi ivakapi kamana utaepa piyamba-nema, "Piyagalava ageva keyema, ageva ige wasana-minda agunda-enava kasaya? 50 Pigo Isu-va omitaema pi waekava, "Kageva kama-titiena-gamba pegina uga fali pikivemema kageva kapi pasema kandali-sa wakivekama."