¹ Haw-mu Isupindi awitata-ema, pigo ageva Jodenisa wanipa kaitegina pigo to wata-ema. Pigo Hawa-Musa-oma agepa avavuilte-gina wasana kaminda aga mavindi wataema, ² Isu-va 40-wa yaga asawanda mavindi mitagina pigo alu yagala-mava agepa ataka-avataema agepa. Pi kanatapa ageva kamba ka nasanava natagina pigo agepa agaena-ga avuta-ema. ³ Atu yagala-mava omita ema agepa, "Piyamba Anutu Yagala-gae-ekinapa kage, kageva egana pigo ma yava-omava awa ema breti avolanoma." ⁴ Pigo Isuva age kamana awaevu-taei-ye piyamba, "Anutu isa-omava iyema, wasanamava kamba nasana-lasava aumava uliyema." ⁵ Aindi alu yagala-mava Isu avavali-te inati itaema ka ava inati-laka, pigo avagata-ka ageva ayakita-ema agepa ayaema kantri. ⁶ Pigo alu yagala-mava omitaema Isu-pa, "Nageva kamuku-wema ayaema esegiena kagepa ayaema pi kantri-ge kapi igenda ateka pigo kotake ayaema aevavi-kivembeka. Pi ayaema-enava ageva nagenda-ema, pigo nageva amuka-wemu nage napo kepaya amikenava. ⁷ Piyamba-kana pigo, kageva kalaka-vima pigo nageta mononda-na pega, pigo kageva ulikiveme-ma ayaema pindana-enava." ⁸ Pigo Isu-va agekamana piyamba awae-vuta ema, "Anutu isa-omava iyema, 'Kageva Tave Anutu asa-anda mono-ndava potaoma kageva." ⁹ Pigo alu yagalama-va Isu avavulite Jerusalemui wama pigo agapa atataema inati-laka tempeli-oma, pigo omita ema agepa, "Ppiyamba kageva Anutu Yagala-ga ekinopa, kanara indosuma tumoma, ¹⁰ Nana-viyema Anutu isa-omava iyema, 'Ageva ayaema ankelo-wakago oime-kina agenda kagavama kagepa aogima aevavug- atakiveme." ¹¹ 'Pigo igeva kayaku-ligina kagepa ige iyatasa pigo yava-omava kamba kanala kagisavindi-va ikiyema kagepa." ¹² Pigo Isu-va agekamana aawaema, pigo utaeiye, "Anutu isuomava iyema, 'Kagenda Tave Yagala Anutu-pa ha atake-voma kageva." ¹³ Pi kanata alu yagala-mava toma toma kitisa Isu ataka-vugategi nava, ageva Isupa kaitegina pigo wataema. ¹⁴ Hawa-musa-oma esegienalasa Isu-va to wataema Galilu. Pigo ayaema waya wawa Galili mitaepa avitaema Isu to kanaema piymba. ¹⁵ Pigo ageva ige tempolivi-ndi agavima monokamana uma avolatagi-nava pigo igeva tave agi amitaema agepa. ¹⁶ Isu wataema Nasareti, age avalama anasatai mali ageva. Pigo Sabati-lapa ageva wama tempeli-vindi asuvaima pigo asimagina mono kamana uma avolataema. ¹⁷ Igeva amitaema agepa amonda yagala Aisaia isa. Ageva awimagi-na aguyosa-ta ema ige kaema-talae atu kamana-wa, ¹⁸ " Tave Yagalama-nda nawa-musa-wapa nagege mindiema kapi, nana viyema uweli nage nanota atamagina pigo nagepa utamalaema aogi kamana uma avalao ma ayaema waya wawa kavona minde. Ageva naisaga-ema nagepa igaluwao ma ayaema waya wawa igana-vindi minda kivepa uga waiyoma, pigo ayaema iyolika agai-yoena pama. Pigo ayaema kunda ena aesaga-vapa wawa-gava uga waiyo-ena poma, ige kaisa kamba aogi ena poitae igepe. ¹⁹ Pigo uma avolaoma piyamba ageva Pi kanata Tave Yagala-mava tigepa aogi ena pulitakena viyema." ²⁰ Pigo ageva isa akunita ema, pigo to imitaema, pigo malamitae-ma. Ayaema kina tepelivindi mitaepa esegima agataema agepa. ²¹ Ageva igeka utaema, "Iva pi kanata Tave Yagalama isapindi windipa ageva kanalas-gasaema." ²² Ayaemava tave agi amima agepa pigo ise-ena potaema ayaema aogi kamana uma avolaika. Pigo igeva avigata-ema, "Pitamba-paya pi ageva Josepe yagala-vaya ema?" ²³ Isu-va oimitaema igepa piyamba, taga-mba tigeva avima ige wasanami ikive kamanapa nagek pigo tigelova ikivema, Yava yagalamaoma, kageka kaupa kanala potama-yoma. Tageva avitau-nema aya ema-ena kage putambepa kapeni amu, kanala kageva kamasa-ena poma magogata kageva." ²⁴ Pigo ageva utaema, "Tagamba nageva uli-wema tigepa, kamba ka amonda kina magomiva avigave-ema age' kamanapa ageva. ²⁵ Pigo nageva tagamba ulimu-wema tigepa pi Elaisa kanatapa okaena wae mitaepa, ayaema waegiva puwatae-gini mitaema Israeli. Pi kanata kakaga kavula pigo 6-wa u kava kamba tumi taema, tave-lataka kavoena avola taema. ²⁶ Pigo Anutu-va kamba aisagata-ema Elaisapa ka yagala Israeliva. Ageva wataema tain Sarefati distrik Sidonui ka wae awaegali-ma puwanda ageti. ²⁷ Okaena kina namotata inu uma mitaema Israeli-va amonda yagala Elaisa kanatapa, pigo kamba ka ivaka pisava kanala sataema igeva. Kamba-ema, Namani pigo kantri Siriaisa Kanala Sata ema." ²⁸ Ayaema waya wawa mitae tempeli-vindi avitegini pi kamana pigo igeva imo wigataema. ²⁹ Ayaema asimagini, pigo Isupa aguluwa ulite avei wataema ige amuti witi tauili. Pigo igeva pi amu-oma awali wata-ema napima agepa mevigina tumikuna. ³⁰ Pigo ageva ige ivakapi wama pigo wagaitaema. ³¹ Pigo Isu-va wataema tave tauni kapeniamui distrik Galili, pigo agovima kamana uma avalataema Savati yaga. ³² Ayaema waya wawa-mi avitegini kamana agenda igeva ise-ena potataema, nanalaka ageva uma avalaema kapi tave esegi-enalasava. ³³ Ka yagala tempeli-vindi mitaipa, ageva kamba aogi ahawa-musa uma mima andale=lasa kegae utaema, ³⁴ "E! Kage napembe-pa tageva nana pugata-kunema kagepa, Nasareti-sa Isu? Piyambapaya tage asole pikenaga kananema? Nageva kaganduwema kagepa. Kage pi alaketa Yagala Anutu-tisa kananema." ³⁵ Pigo Isu-va esegima utaema pi kamba aogi hawa-musaka, "Kageva ha kamanapa yama, kageva pi yagalava kasaoma!" Kamba aogi hawa-musa-oma waletataema piyagala ayaema yaya wawami ivakapisa, pigo agepa atategina pigo agepa kamba asole putaema. ³⁶ Ayaema waya wawa-mi agategini pindana pigo igewi ivakapi akaena kambana uta ma, "Ageva nana kamana-nma. Ageva omitaema kamba aogi hawa-musakava piyamba wasa nama-va tave agi ulindi ema pigo esegi enava kai kiyema pi yagalalasava. ³⁷ Isu kamana-oma putagina pindana-enava waga kana puta ema ayaema aukai pi malapa. ³⁸ Isu-va kaitegina tempeli-va pigo wataema Saimoni namati. Saimoni aendawa au yaku tawatai inu ulitagina, pigo igeva Isu-ka avigataema pigo agenda inuwapa kanala-sataoma. ³⁹ Pigo Isu-va age agola wama pigo pi inuka ka-avimagina wagusao omitae, pigo inuamava atate wataema agepa. Pigo avaga-taka pi waemba-va asimagina pigo nasana joke poitataema igenda. ⁴⁰ Pi ka nata yage-ao tupasima-mikena pumamita-ginava, ayaema waya wawa-miva ige inukina ivavulite kapi toma toma inu kanataema Isu-ka aogi voitano-ma igepa. Isu-va aya atama ige ivovola pigo kanalasai tataema unuwipa igenda. ⁴¹ Pigo age putagina okaena kamba aogi hawa-musapa itataema igepa. Ayaema kabu aogi hawa-musa-omava andaru-lasa kegae utaeema piyamba, "Kageva Anutu Yagalaga0ema! Pigo Isuva igepa ka ivima kamba aogi nawa musapa pigo kamba igepa itatagini kamanapa utaema, nana-viyema igeva agatae ma ageva Mesai-yaema. ⁴² Avayasa kanapaIsu-va tauni kaitegina pigo wasana kaminda ka aukai wataema. Tavo kina waya wawa-mi ageka aguyosa-tae-ma. Pikanata ige aguyosa-ndiniva age, igeva kamba napitai-ye ataigina age wakenava. ⁴³ Pigo Isu-va oimita-ei ye igepa, "Nageva wama-lo aogi kamana uma avolanoma ige kaisa wawa-lato. Nageva pi eliyato pikenaga kanatauwe-ma." ⁴⁴ Pigo ageva Judiaisa ayaema aukai pigo wama kamanapa uma avolata ema aya-ema tempeli andavipi-ndi.