¹ Nageva Polinaema, Ka Isu-Mesaiyanda eliya yagarawa Anutu agewa aumara utana-tataema nagepa, pigo Timoti tage tanandol emba, isa vaema aisagatae-ma Anututunda mono andavipi-ndi Kolini, pigo wataema ayaema imatiti wawala ayaema aukaisa Kumata Akaiyai. ² Paluena-wake pigo anda paluena geva Anutu tavahamba-ndage tagenda pigo tave yagara Isu-Mesaiya-ndageva wikiyema tigege. ³ Tageva Anutu age aisesakunema ageva tagenda Tavelemba Isu-Mesaiya avawambagata. Ageva ayaema Paluenama-nda Avawambage pigo ageva ayaema anda Paluena pikenae-namake Anutu-ema. ⁴ Anutu-va anda paluena tamigaviyema pi-kananta ayaema kunda ena tageta avoraginava, paviyambato tagelova tanda Paluenalasa ige kegivaya ayaema Kundu ena wikivekinapa-aogi poitanoma igepa. Tageva tanda paluenarasa aogi poitanoma ige kaisa wawava kamasa puma tanda paluenava piyamba Anutu anda palu-enawa tamima pulataisa puma tage pi-kanata tageta kundaena kanagina pisapuma. ⁵ Tave kunduenage pigo aukivakienage Mesaiya tage tavavikenaga ulitaisa puma. Piyamba-kana tagenda tanda paluenava Mesaiyatisa Kanaema. ⁶ Pigo tage kundaena pi-kanata wokanava, ageva Anutu anda paluena tige pimimagina pigo Anutu-va tigepa tivavikiyema, pigo Anutu anda paluenawa tage timikivipa, ageva tigenda tinda paluenaema. Tigenda tinda paluena wambava aogi eliya Pugagaviyema pi-kanata tige pasema mima pigo esegima asima pigo kundaena piyamba tagelo wambe-sapuma. ⁷ Tageva esegima tamatiti punema piyamba, Pi-Kanata tigelo esegima asima ayaema Pi-Kanda ena ulikivepa, Anutu-va timikiyema anda Paluenawapa Piyamba tage timigavisa-puma ageva. ⁸ Nana-viyema tageva tavuwaema tigekava agaiyoma, ayaema yakalaoma, ayaema tave Kunda ena tage Esiyai Wombepa. Tageva tave tanda tausugu-ena ulunema, ageva taverakane-ma tageva tova Kamba Wemamba, Pigo okaenara-Kanema pigo tageva napima kamba tova mikunema awma umava. ⁹ Pina andavipindi-va, ageva Kamasa Pundiyema piyamba ayigini Kinambi-va utama tagekava puriyoma-mba. Pigo pindanamava piyema tagekava kamba timatitiena-va tigetitapa ataiyoma, pigo tageva atanoma tamatiti ena Anutu-pindi; Kevaya ayaema purinda kina asi-itagagavi yagarara. ¹⁰ Anutu-va tagepa tavavuta-ema Kamba aogi ena-vindisalaka kanata tagepa taeguma taivurikena-enavindisa, pigo ageva tavavikiyema tagepa ka Kanatato. Tageva ataunema tamatiti-enava Anutu-pindi piyamba ageva tavavu-mamikiyema tagepa ayaema yaga. ¹¹ Anutu-va tavavikiyema tagepa tige nunam-urakaga. Aindiva oka ena waya wawami-va aisa Kamana ikive-ema Anutu-ka age tamitaika tavela paluena wake pigo agama-napima taoputi-kaga tage, nana-viyema okaena waya wawami nunamu utaema tagekaga. ¹² Tasigeva meva puma amu pugagavusema pi-ka enagava, tasigeva agausema tasindavindi-ge pigo napiena le-sipindigeva piyamba, tasigeva akita ka ena puma pigo ayaema waya wawalapa tagandana puwaema. Tasigeva alataka-enama andavipindi nasitausema age pi alatakaenava Anututi-sa kanatagira pigo tasigeva kamba ma-mavisa kinambi mitae-sapumava piyamba mitausema. Tasigeva pi ayaema alataka enava tigepa tigasima ma mavisa kamasa napiena-rasageva Kambae, pigo kapi anutu-nda paruena watasae. ¹³ Tasigeva ayaema kamanapa tige kamba Kanata isuma Kamba aogi napiena wikive-mbapa kamba kaegavusema ageva. Nageva piyamba agauwema. ¹⁴ Kaisa Kanatapa tigeva aogima agama napiye-e ayaema kamana nage kaeyopa, pigo nageva amupuwema tigekava ayaema kamana nage kaeyopa aogima agowapa agaiyoma-ema pigo Tave Isu tagenda puritaipa tasigeva agowapa amundona avorakusema tige-nda, piyamba-kana pigo tigeva amundana-manda agowapa tasigenda-ga avorakive-ema. ¹⁵ Nana viyema ege napiena nagenda windiyema piyamba, pigo pina agorakaga nageva tigeti kanagate-enoma puwema, pigo aogiena avolanoma tigetapa tala kanata nageva kanauwema tige tigakenava. ¹⁶ Nageva kamana uma akunutu wema kanama tige tigakenava pi kanata nage Masedomyai wakena punda. Aindisa kanata nageva Masedoniya-iva kaitau wema, nageva navu wataema tige tiga kenava toge, pigo aindiva tigeva naisaga kive-ema nagepa Judiyai waomava. ¹⁷ Pi-kanata nage napimagi pi-kamana uma akunitaopa nage, tigeva napita ema nagekava kamba aviyema? Nageva kamba ige ma-mavisa kinambi paieenarapa iyegama ka kamanapa akukaga-vuwema, pigo nageva kanara ikenava. "Tagane, tagane" pigo "Kambae, Kambae, Konava" Ka kanata-amanane? ¹⁸ Pigo Kamasa puma piyamba Anutu ayaema agewa kamanta agegaraisa puma, tageva kamba kapi tala kamanapa ukunema "Tagane" pigo Kambae." ¹⁹ Pi anutu yagarama kamanapa, ageva Isu-Mesaiyae, pigo ageva Silvanusi-ya, Timoti-ya pigo nageva tige avakapi uma avorauwema, ageva kamba "Tagame" pigo "Kambaeva." Ayaema yagava Mesaiyava "Taganema." ²⁰ Mesaiya-piniva, ayaema Anutunda wali kamanapa taganema ageva. Piyamba-kana pigo Mesaiya pindiva tageva "Taga takane" ugavunema pigo tageva Anutu age aisesaga-vunema. ²¹ Anutu agewa tageke kapi tigekeva Mesai-yapindi esegi purataga-viyema, pigo ageva agewandaga tagepa utamarandi-yema. ²² Ageva maki atata ema agewanda tage tavovola pigo tamita ema Awamusa ageva tage tanda-vipindi piyamba pigo tageva aganoma tagamba-nema ageva tamikiyema tagpa ayaema kaisaena-lova. ²³ Pigo, nageva Anutu-ka kegae uwema nagenda iguguya kamana-ta mima tanoma nagata nana-ma agoraka-ga nage kamba Korini kanaokaga. Nageva kamba Korini kanaopa, nana-viyema, nageva kamba tigepa mevapuma kunduena timenomae. ²⁴ Kamba tageva tige timatiti-enarapa aevavikenae. Piyamba-kana, tage kapi tigege eriya pombepa amundanae tigenda, pi-kanata itgeva asima egevikivekae timatitienara tigeva.