¹ Qi vinatia mo ba kila na, levu ni lequ loma ocaoca baleti vatikem, qa niru mai Leotisea, qa nira e ri si tamu kilati au se tolavia qu mata. ² Qu sagatia medra yalo me re bau lei vauqeti, me ra lia vata i na loloma i na sautu ni vasinaiti i na vuku, na ledra; kilatia na matanitu ni Kalou, na Karisito. ³ Sa naivuku tu vua na i yau ni vuku tau coko qa na yalomatua. ⁴ Qi ma vacedrenia kwe me kua ni lia e i vabebetaki ni vatikem i na vitukutuku ni visiwati. ⁵ E I du qi tam no qai vatikem vakayago la ei vakayalo lequ no qa I takikem Qi gadretaki ni vatikem ni o ba makumaku no qa toso cake no vatilem vabautia na Karisito . ⁶ Ni o ba sa qulumi Jisu Karisito , ba cola vata qaya. ⁷ Ba qulu katakata nia, qo ba buli vatikem vau vua, mo ba tosonia kace vatilem vabautia me wetia o ba sa lei vakavuli ka, qo ba valevutakinia vatilem vavinavinataki ni koyo. ⁸ Ba qaraunia sara me kua ni vativani vatikem e I lia na vuku vakayago sa tam du me wetai o kora dau tukunia na kwa lei coritaki me baleti a na vikwa gigilo i vuravura, tam lei vadudulaki ka na Karisito. ⁹ Sa tau kece i e yago na vikwa du sa sinai vua na Kalou. ¹⁰ O ba sa vasinai vutuvutu mai vua koya na teiteimata ni vuliutaki qai teiteimata muni vuara na dauni lewa. ¹¹ O ba cilivi mai vua i na vicilivi tam tara na tamata, i na kea kau dei na tiki ni yago vatamata, la na vacilivi mai vua na Karisito. ¹² O ba bacani vata i na vivataisotabu, ia mai vua o ba qei mafa cake mou na vabautia qa na lea kaikai na Kalou, a vadureniko mai na mate. ¹³ No o ba mate tu i na i valavala ca qo tam cilivi vakayago tu, a qei vacola ni vatikem vata qa ciqomi vatikem mai na vatilem i valavala ca. ¹⁴ A vakawabokotakinia kece na i vola ni vibeitaki a dau keda meca tu. A kau dei kece i na lea vakatia I na kauveilatai. ¹⁵ A sa livatia na kaikai vuara na teiteimatoi qa nira na daulewa a tolavira cece, qa tata nira vakaikai mai na kauveilatou. ¹⁶ Ia, me kua ni lia e I kidoi ti vatikem i na kani se som, i na gauna ni oga se vula vou, se na Siga ni Turaga. ¹⁷ O kwe na titi yalo ni kwa, e i na yaco mai, ia na kwa du na Karisito. ¹⁸ Me kua ni lia e i tovaviti vatikem mai na i sau ni vati lem vabautia sqa dau masutia na agilosi. Na tamata e i na rusuvia na kwa sa tolavia qa sa talave cake i na vuku vakayago lea vakasama. ¹⁹ E i tam vatakilia na tivokoni mai na ulu. E i vakatau mai na ulu, na yago taucoko, sa vikabikabi na i sema ni yago taucoko na viwawa ni yago ere viqulumi qa cakacaka vata, e i tubu vata qa na tubu a solia na Kalou, ²⁰ Ma ga e sa mate vata qa na Karisito mai nai vavuvuli vaka Vuravura, na yava o ba takucia qa cola taki no na i vavuvuli vakavuravura. ²¹ “Ba kua ni qulumia, kua ni drau cia, kia ni dere?” ²² Na vikwa taucoko kew e i na qeavu mau ni sa lei qulumi no, me wetai ni sa macala oti mai na i vunau tini qa na i vakavuvuli ni tamata. ²³ Na vakavuvuli kwe e i lei tolavi ka na kilatia na kwa, qa na yalomalum alumu qa no ledra sagatia ga ledra mata lotu qa na vakararawa taki ni yago. Ia sa lala ka na bibita ni vakavinataki ni yago.