¹ I na gauna kemam a mei vuna mai kha khemam kilatia ni yanuyani kwe a vayacani me o malita. ² Ara vagani vafiketa na kwai vanua nayalovina boto ia ara a boto kha kidavaki vatiketa taucoko ina vuku ni uca tu dei qa na kali kaliwa. ³ Ia ni sa kumunia oti o vaula e lia na i vau khai kha viutia ina quto udre , sa lakha mai na vuvu ina vuku ni katakata kha vesukia kha e lima. ⁴ A ra tolavia na kwai vuravura na manumanu sa lili no mai e lima ara sa vitataki vakhai khora. Na tamata kwe sa vamate vakhai du mai wai taci, sa lala ni vadonua na lewa vina me cola. ⁵ Ia age I Khureitaki na manumanu ina qutoudre kha lala ni va mavoataki. ⁶ Ara sa waraki ni koya no me tubu yata si lakha civo vasauri mate. Ia ni ru sa tolavi khoya no mai ina lia na gauna kece kha dania ni lala ni liana kwa e caka ca vua, ara visautaki na ledra numia kha kwaya ni o khoya i Kalou. ⁷ Ena lia na vauna sa no kha nai yau vua na turaga ina yanuyanu e lia na tamata kha e yaca na leweni vanua. E kidavaki mamtou qei varau taki na vikwa me bale tia maru me rolu na siga. ⁸ A yaco ni a lawha no mai na tamata ni tabausi kha tauvi khoya no na katakata qa na yalosewa. Ni a lawha yati vua o Vaula, a masu, derei khoya kha vacolai khoya. ⁹ A devu kwe, area sa lakha muni mai na vo ni tamata ina yanuyanu ara tauvimate kha ra sa vacolai. ¹⁰ Aru rokovi vatikemam muni na tamata ina bi ni kwa dokai. Ni maru varau ni soko, ara vagania va khemaru na kwa maru gadrevia. ¹¹ A devu e tolu na vula khemam a soko vali ina lia na waqa mai Alexandria, qa na kwa "Kalou drua" me kea i tuvaki. ¹² Ni maru sa yaco yati ina korolevu kha siga dede. Khemaru a no kha me tolu na siga. ¹³ Mai so keni vatikemam a soko yati kha yaco ina koro Regiumi ni devu e lia na siga sa la cake na cagi ina ceva, kha vatikemam. Sa yaco ina koro kho putueli ina rua na siga mai kwe. ¹⁴ Vatikemam a dani khora kha aso na vitacini kha sureti vati keta no vata kha khora me vitu na siga ina calevu kwe maru a lakha mai kha i Roma. ¹⁵ Mai so keni ara sa lakha mai kha na vitacini, a ra sa rogo i keta ara sa lakha mai vo vatiketa me yacovia na makete nei Apiusi qa na were ni vatawa Tolu. Ni tolavi khora na vitacini o Vaula a va vinavina vua na Kalou kai kai. ¹⁶ Ni kemaru rusu yati i Toma, a va dere va Vaula me no talia vata qa na lia na sotia kha va a maroroi khoya. ¹⁷ A qei yaco ni devu e tolu na siga sa covi khora vata mai na tamata ara liuliu ni Jiu o Vaula ni devu e tolu na siga. Ia ra soqo vata qa mai a kwaya va khora, "Vatikem na vitacini, a duu bo to ga ni qu a lala ni tara e lia na kwa cala va khora na tamata se na ledra i vararu na tuqwaqwa, qu vagania me qu kwaivesu mai Jerusalemi dru lima na kwai Roma. ¹⁸ Ia devu la lera tarogi yau, ava gwadrevia me ru sereki au, baletia ni lala e lia na vuna me totogi mate ina lequ kisi. ¹⁹ Ia ana sa tata vacacania na ledra qwadrevia na Jiu, ara sa vararawa me ru kerevia va Sisa. E dhu ga ni lala na wetai ni qu mea mai e lia na kwa vateni, me Saqatia na lequ matanitu. ²⁰ Ina vuku ni kwa kwe, qu sa covi ikho mequ tolavi ikho kha tata va ikho ni qu taqa vali kwe na Sinucodo kuve ina vuku ni ledra i nuinui na Isireli. ²¹ Ara sa qei kwaya va khora, "Vatikemam a lala ni digomia e lia na i vola mai Juita me baleti kem, kha kwaya e lia na kwa ca me baleti vatikem. ²² Ia vatikemam mata rogo mai va vatikem na kwa o ba numia ni sa kwa ni lotu kwe baletia ni kemam sa kilatia ni a tata vacaca ni ina vauna taucoko. ²³ A ra lesia e lia na siga me baleti khoya, ara sa lakha mai lewe vuqa yata na tamtata ina lea nono. A varaitaki va khora na kwa kwe kha vadudunia na matanitu ni Kalou. A vatovolei me vauqetu khora me baleti Jisu mai na lawa i Mosese sqa na i vadewa, ma i na qwata ina yavi. ²⁴ Aso ara sa vadei taki na vikwa ara lala ni lai kwau kha. Ia aso muni ara lala ni vabautia. ²⁵ Ara lala ni lia vata, ara deidei ni a lai kwai devu na tata kwe o Vaula. A tata vina na Yalo tabu mai va Aisea na i vadewa va khora na vatilem tuqwawqwa. ²⁶ A kwaya, lakha i na lea tamata, kha kwaya, "O ba sa rogo vali, la o na lala ni kilatia, tolavia o na tolavia, la o na lala ni kilatia. ²⁷ Ia sa malai na yalo ni lea tamata kha ra sa lala ni rogo rewa dru taliga, kha ra sa kabulu dru ma ta. E lala, ara na tola mai dru mata, kha rogo dru taliga, ha kilatia e yalo kha lesu leqwa qu na vacolai khora. ²⁸ O khoya, mo ba kilatia kha, ni a vamei na vivacolai ni Kalou kwe va khora na kwai matanitu Teni kha rogocia.v ²⁹ Ni ba kwaya devu na vikwa kwe, a ra sa lakha teni na Jiu khora sa veiba vali vai khoru. ³⁰ Ia vai nono o Vaula, kha sa mai yacovia kece ara lakha mai vua. ³¹ A vace wania vali na matanitu ni Kalou, kha sa vavuliua vali ba veikwa ma baletia na Turaga o Jisu Karisito ina yalo. Vina kha lala ni vataotaki.