¹ I du na tadra levu i tam yaga sara va keta. Ia qi na qei cavutia vuara na bubui qana vakadania na momo levu. ² A qi sa kilatia i lia na tamata sa no vata vali qani Karisito, Sivia na na tini qava na yabaki. Meda yago i buto na kea taudaku. Koya so kwe qi tam kilatia,. Na Kalou ga i kilatia. ³ Ia, a qisa kilatia na tamata- meda yago i buto kea taudaku, koya sokwe qi tam kilatia. Na Kalou ga i kilatia. ⁴ Ni sa laveti cake i parataisi, mequ rogo kwa na i tukutuku cola vi vavakurabuitaki vuara na tamata tam rewa mera tata taki. ⁵ Ina vuku ni mataqali tamata kwe qina tauni au cake kwa. ⁶ Mai sa lequ au digidigi mequ sa laveti au cake vakavo ni sa cedre na leqi au malumalum. ⁷ Mequ maroroi au mai. Sa lia na vaka votovoto ni kai sa vaka kau meda yago, mesa tala ki va Setani me vakararataki au, se vaka tadra samasama. ⁸ Vakatolu mequ na korovia cake vua na Kalou, me koudei va au na kwa qisa sota via no kwe. ⁹ So tata va au, na lequ loloma sa rautiko ya vina na noqu lolomo: Se vakata dra samasama na lequ qwaqwa, ni so malumalum i lia. ¹⁰ Koya kwe sa tia ivaka idudu ina yara i Karitiso na vi malumalum, na rarawa, na i vakatotogani, na vidraki ni cola lako curumi sa vu ni lequ kai kai na lequ i malumalum. ¹¹ Sa yoco mequ riva; Wetai o sa vakai kai taki ni au ka na kwa dodonu mo dau tata vavina taki ni au; mo dou uasivi civo vuara na avositolo sa uasivi i yata. ¹² I du me tara no na maliwa ni vakatakilakila ni avositolo ina dau vosotia tu na kwa kecega, na vi kwa mana, vi va kurabuitaki. ¹³ O na sewasewa vako yava mai vuara na lawalawa ni lewe ni lotu, du ni qu tam tia i vaka tatao i va kem. Vasoti au na vuku ni kwa cala. ¹⁴ Dania, o au qisa vakarau me qu laka vakatolu yati va vai kem qi na tam kuri ni bitabita va iko, qina tam kau dei muni na lem i votavota satau tu me lem. ¹⁵ Na lequ yalovina qina vokayagataki nia lequ gauna na kea va colai na yalo. ¹⁶ Me wetai ga qi tam tia ikuri ni dagidagi va iko. Sa naki va au na yalo qaseqase mequ rewa ni lawaki taki niko kwa. ¹⁷ Qu tara e lia na kwa me qu rewa kwa ka ne leqi au vatalave yati va iko. ¹⁸ Qi vakamasuti taito me laka yati ka tala vata qani lia na wei kai keta. Ba sa laka i qara ti tai to mai me baleti koya boto? Sa lala lia leqwa na tautauvata ni meda yalo qana itovo ni bula ni veiqwaravi. ¹⁹ O iko numia leqwa vaikemam mo ba tolavia leqwa na gauna kece vaikemam tataqomaki tu mai kwa. ²⁰ Qw isa leqataki nia baletia qina yaco yati ka e qi na qei tolavia na kwa sa vunikai sa lei tola no, sa lei tolavi no na kwa qisa numia no qisa leqa taki nia no vaikem na maliwa ni vivala qa na dau vuvu. ²¹ Qi sa dau ririko taki nia na malumalum ti au na Kalou mata ina gauna sa lesu yati, qi na dau tagi koa na i lawalawa.