¹ Mo volavola muni vua na i talai ni Sogosogo lotu mai Sariti. Sa kwaya na vikwa kwe kho khoya khei gulimia tu na Yalo ni Khala ei le vitu: Qu sa khila tia na lemu cakhacakha, sa mya tu boto mu yaca na cola, i sa mate tu. ² Mo yadra go vagwagwaniya na vikwa khei vo tu khei sa volekhe no ni mate, baletia gi tolavi no ni tamu vina sara ina mata ni Khalou na lemu caldracakha. ³ Vakhanumia na vikwa kho sa gulumia ga na vikwa i sa varogocia, mo rokhovia go vivutuni La ma khei tamu yadra mai na moce, gi na la yati me odakhi na daurenakho, go na tamu khilatia se na tikhi ni gauwa cava gi na la yati khe. ⁴ Ia, Khei nakhi no vakhe ikho e i vica na yaca mai Sariti, khei ri tamu vakhadukharmya ledra i sulu, ga ru na yali voli gai au go vakhaisuln sesevu, niru sa yaga. ⁵ Kho khoya sa gugumatua, khei na vakhaisidu i na sulu sesevu: gi na tamu bokhocia e yaca mai na i vola ni cola ia gi na kwaya e yaca i e mata li Tamayou, dra mata ga muni na leya agilosi. ⁶ Kho khoya khei nakhi e taliga, me vangocia sara na vikwa sa kwaya na Yalo Tabu vuara na visogosogo lotu. ⁷ Mo volarola muni vua nai talai ni sogosogo lewe ni lotu mai Filatelifia; Sa kwaya na vikwa kwe kho khoya sa yalo savasava, kho khoya sadu, kho khoya sa qulu tu na i dola li tevita, kho khoya sa dolavia ga tikhai tlia na tamata me sogotia, khei sogotia ga tikhai tlia na tamata me dolaviya rewa. ⁸ Qu sa khilatia na lemu cakhacakha: Toolavia gi sa dolaviya i mu mata e i tlia na sogotia rewa. Sa nakhi vica no boto ve khe ikho na gwagwa, la kho si gulu khata no ga na legu tata, go tamu cakhitakhiniya gu yaca. ⁹ Tolavia, gi lewai khora na i vavokhoso li setani, e ri kwaya tu ni ra te Jiu, ga tikhai, khei ri rekwa ga; tolavia gi na lewai khora me ra la mal ga ra mai kharuva i gu la, me ra Khilatia ni kho au gi lomani ikho. ¹⁰ Na meu maroroya no na legu vunau ga na lemu vosotia. kho au gi na maroroi ikho muni nai na yauwa ni vivkhtovelei kho khoya khei sa la no mai i vuravura khece, me lei vakhatovelei khe kho khora khei ri cola tu i vuravura. ¹¹ Kho au qi sa vakharau lesu yati. Qugulu khata niya na vikwa sa nakhi tu va khe ikho me ma khua ni tlia legwa me khau dei na lemu i sala. ¹² Kho khoya khei gugumatua gi na tara me te duni ni sue ni lotu ni legu Khalou. Khei na tam lesu legwa i tub, ga gu na vola vua na yaca ni legu Khalou, na yaca ni khoro ni legu Khalou (na Jerusalemi vou, khei na siro ciro mai Lomalugi mai ma na legu Khalou), ga niya ga muni qu yaca vou. ¹³ Kho khora khei vi vakhataliga me va vakharogicia na vikwa sa kwaya na Yalo Tabu i vuara na i sogosogo lotu." ¹⁴ "Mo volavola muni vua na i talai na sogosogo llotu mai Leotisea: A kwe na leya tata na Emeni, na, nuinui ga na i vakhaidudu, kho khoya khei lewa na vikwa buli ni khalou. ¹⁵ Qi sa khilatia na lemu cakhacakha ia i tamu driwadriwa Sara se mo Khatakhata sara. Qu vinatia mo khe tlia ga vuaru, mo khatakhata se mo driwaolriwa! ¹⁶ La, baletia na lemu tamu Khatakhata sara se mo driwadriwa sara, qi na luwerakhi ni kho mai qu gusu. ¹⁷ Kho kwaya kho ikho, 'kho au gi vutumyau, ga levu na legu i yau, ga gu tamu vinatia legwa e i tlia na kwa' kho tamu khilatia tu ni kho ikho na tamata vakhaloloma, dravudrauwa, matakhabulu go livawale. ¹⁸ Mo vakharorogoi na legu i vakhavuvuli : mo volia va khe au na khoula sa tavu i na mamaudre mo ma rewa ni vutuneyau khe, ga na sulu sesevu, mo ma newa ni vakhaisulu me vunitakhinia na lemu madua ni livawale, go lumitiya mu mata i na i kimu mo ma tola rewa. ¹⁹ Kho yau gi vakhavulici khora khece ga gi lomaniya. Mo gugumatua go vivuturi. ²⁰ Tolavia, qi sa dure tu ina matanisuwe ga gu tukhitukhi. Kho khoya ya tlia khei varogocia qu domo ga dolavia na matarisuwe, qi na rusu i na leya suwe qu qu na vayakhavi vata ga ya, ga na vayakhavi gei yau kho khoya. ²¹ Kho khoya khei gugumatua, gi na solia vua na dodonu me gatule gei yau i na. Nono gu gatule gai tamayau i na leya i nono vakhaturaga. ²² Kho Khoya Khei vakhataliga me rakharogicia na vikwa sa kuaya na yalo tabu i na visogosogo lotu.