¹ Eau ino maei, te Eau ino e Sipsipi magiri oata Mapaitsi e Saioni. A detsi ita, vara iru gotaro iva ra taoseni (144,000) re vararua ari abia mapa ra aisare Tama ra muga oata gammara auto gitou oio tomie eia. ² Mate Eau no ta tsirora ita oroio a mauiu ra marokara a tsirarira mae a tsirarira manu ari tari kerira vau ma e a meimasi. Eau no-o emi rou maei, a tsirari o meaea musiki. Ea mae vararua kokue a gita bubau o. ³ Gitou bau a birau araba muga oio a purourou ra marokara me muga oio te a totsibo ari mauri mae a taro tomie gitou e muraruga ari savuru gotaro irua o. Taro ita gamma rovia birau aro, e gitou e vararua ari a detsi ita a varara ita-gotaro e tao seni iva (144,000) mori tsi rovia o. ⁴ Gitou e vararua arei te gitari gamma igo bunue gitou oio a tavavuro ra ri ga taurai e tasema, ire gitou bomurie gitou ga pou makaro a . Gitou e vararua are re te gitari e Rature Sipsipi gomai mae a posaragu ari-abi rivue vararua oio a tavovuro bunu te ra ri ga pou mae vararua tetara me Ratura e Sipsipi. ⁵ Gitou gamma kogono; gitou makaro a. ⁶ Mate Eau ino rou e engeli ita veve kabiri oio a nagi, ea ri taoke a pepere ra kokora te ra ri vei a soio te a maututu kakara, maratatsira nau o, e gitari a pepere ra kisau me vararua ari a vovo gitou bisau. ⁷ Eia are kasa ra tsirora veivei maei, "Matou e Pago veisare eia. Ira rogo ra vaimatata ra teta ra ea gomai etsi. Totu tavue eia, eari taua mautu ra maroka ra, a Tabu, aro, ma-ago, me a nunanu nau ei." ⁸ Engeli ari tao-tsitsiri rou e engeli-ari soko veivei vera a ruma kerira a Babilonio bunu etsi. a moutu kerira mori e Babiloni ere tsi igo e vararua kakara goiro a tavovuro bunuo. Ea mae gitou niu a waeni ari vavaga o. ⁹ Mate engeli ita tsirimuri rou e gire engeli ari-iru tsi gomai to. Te engeli ari vaka itoruo tora kerira maei, "Arige taro ita ga rotu tavu e kanina-o mea kanura ari mae gitou puia oioa aobuo, tai abia mapa oio a nagura mea rimara, ¹⁰ ea ga niu tai a waeni sari ra temasi ra te Pago, a waeni ari e Pago gamma vuro tomia nanu soio a waeni ari soko o Ouka, Ea ga sigitaroa temasi ra tetara soiroa kapu tera ri koria temasi ra. Taro ari niua ga abi vau a tsivura ra ga mae a avi o muga oio te engeli te Pago me Sipsipi. ¹¹ A tutuvu ra avio ga abia gitou a tsivura ra ari gamma ga karuvu, ge gitou gamma ga maira maira oio a rarogo mea aro a tsivuro ra ga pou mori maeo-- e gitou ari rotu tutavue kanina o mea kanura o, me gitou e vararua ari abia mapara aisara o. ¹² Oio ari mae a tavovuro ari maei ga garita ra, e vararua te Pago ari tautau rairo rariga tsirimuria vaimatata ra te Pago ga magirivavaga. ¹³ Eau noa taro ita tatora oio a mautu ra maroka ra veivei maei, "Eme ga kikesi maei: Gitou e vararua ari tautau rairo oio te Taro Kerira peo, ga momoge "I-ino Karuru vei a, ire e gitou ga maira, ira a tavovuro ari neneki tegitou e gitou ioigoao tsi goio tomi te gitou o. ¹⁴ Eau ino rou te Eau ino a karu pakakea. Oata oio a karuo eita mae rature taro pou eata karuo. Eia tovo a a-atsi mae a go ulu o oata autora ge oio a rimara eia sautore a a viso mata-a vau. ¹⁵ Mago te engeli ari ita rou o gogara oio a ruma ra kiraka tsi tora kerira soio te eari pou oata karu o: Abia viso taume sokoa ari aibaia airari. Ira a togo ra ruruku a airari garitara tsi, goio kara oio a rogo ari maea airari kakara oio a tabu ei ga matua tera ri ga ruruku a." ¹⁶ Mago te eari pau oata karu o vakuri ta aviso teta ia mata a o oata atara tabu ei te eia tagutu ta airari kakara oio a tabuei. ¹⁷ Engeli ita rou gogara oroio a tuma ra kiraka oio a mautu ra marokara: eia abi taia a viso ari mata. ¹⁸ Te engeli ari ita rou o eietaro a alta tsi gomai o, eageli aro eia a vagagari ra terari ga bomuria avi. Eia tora kerira soio te engeli ari sautore a viso mata o veivei maei, "Raratura waeni ra tabu ei momogo nau, tsi mae eme ga abra a viso taume ari mata re ga boroutu nau e ruratura aobua waeni ra tabue re sara oru tomia oio a ba its taburi." ¹⁹ Mago te engeli abia a vits tetara te eia tagugutu te ruratura waaeno nau o tsi sara oru te gitou, tsi pipigi nau a waenio soiroa a watsi ita kerira oio a auruvara gea a vatsi o ga sarigi oata vora. Arere ea vainoa temasi ra te Pago. ²⁰ Te gitou toatarua waeni nau a aro oio a tengi ari ogara mautu kerira, ta kasoso sari vorua-aba ra tabu go ata kara vau mae a taoseni ita goio maea detsi ina mata-a sagaporo ita a marau ra. (1,00).