¹ Poli me Tinoti e tauaro ra aigogoru te Karisti e Iesu kikesia tavo ra pepere ra soio te vararua te Pago oio a mautu e Filipai, tomi e muraruga ra rotu oiro a aisare Iesu e Kraisti. ² A girogo me a tsia magogo ra oroio te Pago e tama gatou tomie Taro Kerira e Iesu e Kraisti. ³ Eau vei neneki soio te Pago teaku a rogo kakara oio are Eau gabu tatare e me, ⁴ oio a rogo kaka ra oiro a kiraka te gaku tomia momoge ra ire mutou kaka ra ⁵ ira oio a siroko ra o kara igoei emutou tami titamie mitou oio a aigogoru ra vanono a pepere ra te Pago. ⁶ Te Eau rovi ta vere, eari soko emia aigogoru kokora oiro tamutou ga ta soro a aigogoru aro-o o goio kara oio a rogo re Iesu e Kraisti. ⁷ Ea neneki vau ire Eau ga gabutara ire Eau tau e mutou oiro a tsia gu. Mutou kaka ra e teitami gu oiro a girogo mae are Eau oio a kapirobo ra tomia aigogoru ra vano para ra ea pepere ra are tatou igo gougoru tomi ao. ⁸ Ire Pago noino e Eau, Eia rovia mae Kraisti e Iesu mori tsi veigaria masaga ra oio a tsiagu tera ri ino e mutou. ⁹ Tsi mae are re a kiraka tegaku: ge a masagara taume ga voru ira matagaga ra kakara mea gabutara ra ¹⁰ ma e are eme ga vaigaria tavovuro neneki tera ri magiri makaro a ira oio a vaimatata ra oio a rogo te Kraisti, ¹¹ voru ira kokora ra te Pago ari oroio te Iesu e Kraisti oio a momogera tomia veisare ra te Pago. ¹² Igoei e teitamigu, Eau masage mutou ga rovia mae arova garita ra omai te gaku ei, ga veivavage a pepere ra. ¹³ Tsi mae a vavua ra, aigogoru te Kraisti vaigaria miraga ra soio a ba ra palesiare tauaro ari bomuimuria o tomie vararua nau aro. ¹⁴ E teitamira komuko vau abia vagagari ra oroio te Taro Kerira oio are Eau oiro a ruma ra kapi tobo ra, tsimae gitou gamma matau, e gitou abia vagagari ra tera ri vanono a pepere ra. ¹⁵ Gitou sari ino mae vararua veisarea aigogoru te gaku ire Eau ioiogo te Kraisti. Sari ioigo a aigogoru tomia matagaga ra me a gabutara ra ari koko ra ge sari ioigo a tomi a gabutara ra ari bunu. ¹⁶ Gitou e vararua arere rovi vere Eau goiro a ruma ra kapi robo ra ira aigogoru ra vanono ra pepere ra. ¹⁷ Ge gitou e tauaro sari a gabutara ra me a matagaga ra ouka, e gitou ioigoa aigogoru ga e gitou abi ira aisa kerira oio vora. Gitou vera ga veigaria mausaka ra ga e Eau pou ira oio a ruma ra kapirobo ra. ¹⁸ A rova rou? Oio mori mae eari- a gabutara ra kokora- eari a gabutara ra bunuo e gitou vanono a pepere ra te Kraisti, arei igo a tsi a gu momoge vau. Eau momo ge, ¹⁹ ire Eau rovi ma e arei ga vaisu_urie Eau oio a kiraka tamutou tomia vaisuri ra te a Karuru Tabu te Iesu e Kraisti. ²⁰ Arei a masagara te gaku me a tautaurairo te Eau gamma ga mae ra, aramori Eau ga abia vagagari ra, igo ei oio a rogo kakara, Eau ga veisare Kraisti, oio are Eau mauri goio kara oio are Eau ga peo. ²¹ Omai tegaku Eau mauri re Kraisti ira oiro vora Eau ga abi ra mauri ra. ²² Aramori arige Eau pou mauri oio a vovo, ea tsiga veigaria vavu a ra tuavi ra aigogoru teaku. Arova ga e Eau vurobo a? Eau gamma rovi. ²³ Ire Eau a gabuta ra ra irua. Eau masaga sesere vau ra ri ga goiopou tomi e Kraisti, arere ea neneki vau, ²⁴ Aramori Eau ga so pou oio a magasai terari su-urie mutou. ²⁵ Eau tautaurairo ma e, Eau rovi a vere Eau ga pou tera ri ta so ro a aigogoru tomie mutou kaka ra, ira aigogoru tamutou me a momoge ra oiro a tautaurairo, ²⁶ ira oiro tegaku oio arige Eau ga pirivu gomai garitara oio ta mutou e mutou ga momoge ga veisare Kraisti e Iesu. ²⁷ Mutou ga tuga matata oio a tura ruga ra aigogoru ta mutou oio a tavovuro ra makaroa ra oio a pepere ra te KRaisti, ira arige Eau ga gomai tamutou o gamma ga gomai tamutou o, Eau ge no-ote mutou, mae mutou oio magiti vavaga oiro a Karuru ita, tomia gabutara ra ita tuayavi titomi ra tautaurairo oio a pepere ra. ²⁸ Mutou gamma matutau a vaimatata ra ari mae gitou e tau aro ari bubunu e mutou o tau a vere mutou ga tsitsiri a o. Arere ge a vurobo ra bunu ra ari te gitou o, ge a kokora ra tamutou ea ge oroio te Pago. ²⁹ Ire Pago ge igo emi te mutou oio are eia bae Kraisti somai a magasai, te mutou gamma ga tautaurairo mori re eia, e mutou ga goiro a mausakara me a tsivura ra oio a aigogoru teta ra, ³⁰ mae are mutou ino a omai te gaku, tai igo ei emutou no-oa omai tegakue.