¹ Dou raici Kemudou vinaka mo dou Kakua ni valata a omudou loloma ina matadra tamata me ra boki Kemudou Kina, Kevaka esa na vakaiei ena Segabau a omudou i sau mai na tamai Keitou sa jiko mai lomalagi. ² Ko koya ni ko sa valata ai loloma, ko Kakua ni uvaca a davui i matamu, me vaka era dau valata a dau veivakaisini i batini wakolo, me ra raici kina veiira tamata a odratou i sau. ³ Ia, ni ko sa soli kani loloma, me kua ni kila a ligamu i mawi a meca e solia a ligamu i matou. ⁴ Me vuni a omu i loloma. Ia a tamada e boka a ka vuni ena sauma votu vei iko. ⁵ Ni ko sa masu, kua ni ko vakai ira na dau veivakaisini, me ra tu ina vei vale ni lotu keina wakolo me ra masu, me boki ira kina tamata, au sa kaya vakaijina vei kemudou era na qai taura a ona i sau. ⁶ Ia, ko iko ni ko sa masu, curu kina omu rumu, sogota omu katuba ka masuta a tamada, ko koya e boka a ka vuni ena Sauma votu vei iko. ⁷ Ni ko masu kua ni vosa balabalavu me vakai ira era tawa lotu, me vaka era sa nanuma sa rogoci a odra masu. ⁸ Me Kemudou kua ni vakai ira, baleta sa kila tamamudou a meca dou via kerea. ⁹ Kemudou me masu vakaiei, Tamai keimami mai lomalagi me vakarokorotaki a yacamuni. ¹⁰ Me yaco mai omu matanitu, me vala a lomamu me vaka e vala jiko mai lomalagi. ¹¹ Solia mai a kakana e rauji keimami. ¹² Ni bokoca mada a weimami valavala ca, me vaka Keimami sa vosota odra era sai valavala ca vei Keimami. ¹³ Ni kakua ni kauji keimami kina vere, mo ko vakabulai Keimami mai na ca, Ni sa omunu a matanitu Keina Kaukauwa Keina lagilagi ka sega ni mudu emeni. ¹⁴ Kevaka dou tawa burisitakini ira a valavala ca, ena tawa burisitakini Kemutou alega a tamamudou. ¹⁵ Ia Kevaka dou burisitakini Kemudou talega a tamamudou. ¹⁶ Ni Kemudou sa lolo, kua ni vakapepeku mata, me vakai ira na veivakaisini, era sa rai vakatani vei ira tamata. Au sa kaya vakaijina vei Kemudou sa tiko vei ira ona i sau. ¹⁷ Ia ko iko , ni ko sa lolo, walia a ulumu, ka tafia matamu. ¹⁸ Me ra kua ni kila a tamata omu lolo, ko tamada ga sa tawa laubo, Ia a tamamu sa tawa laubo ena gai sauma votu vei iko a ka vuni. ¹⁹ Dou Kakua ni Kumuna Kivei Kemudou ai yau i vuravura, ena vakacacana a sarasara Keina veveka, a sa ravabasuca ko ira a dau driva mera drivata. ²⁰ Dou Sogona mai vei kemudou ai yau mai lomalagi, ena tawa vakacacana Kina a sarasara Keina veveka, sa tawa dua talega a dau driva mena drivata. ²¹ Ni na jiko a yalomudou ina vanua e jiko knia omudou i yau. ²² A cina ni yago a mata, Kevaka ena vinaka a matamu ena rarama a yagomu taucoko. ²³ Ia Kevaka e ca matamu ena butobuto a yagomu taucoko. Ia Kevaka Sa butobuto a rarama ka tu i lomamu, e vakaivei tu a levu ni butobuto moi. ²⁴ E segabau a tamata e rawa ni qarava e rua turaga, ni na cata e dua ka lomana ona i karua se kabita e dua ka beca ona i Karua. ²⁵ Ko Koya kau kaya kina vei Kemudou, me kemudou kua ni leqatakina na ka ni bula ina meca me kemudou Kania, se meca mo dou unuma, se kani yagomudou ina meca mo dou dara. Sa sau levu a bula ka lailai a lakana se sega? A yago talega e sau levu ka lailai ai sulu se sega? ²⁶ Dou raici ira manumanu vuka era tawa dau veikabukaburaki se dau tamusuka, se dau soqona vaa kina i lololo, E vagani tamamudou vakalomalagi Dou sa tawa yaga cake vakalevu vei ira? ²⁷ Ko cei vei kemudou esa lomaocaoca, Sa rawa me tomana vakalailai a siga ni omu bula. ²⁸ Ia dou lomaocaoca vakaivei ina i sulu? Dou vakasamatakina a viavia ni lekutu era tubu vakaivei, Era tawa dau cakacaka se dautali. ²⁹ Ia, au Kaya vei Kemudou, ko solomoni a onai ukuuku taucoko, sa tawa vakaisulu vakai ira Kaiei. ³⁰ Ia kevaka sa vakasuluma vakaiei a Kalou a co ni ledutu ka jiko e daidai, ka biu kina lovo ina mataka ena tawa gu vakalevu cake me vakasulumi kemudou, ko kemudou sa lailai a omudou vakabauta ³¹ Ko koya mo kua ni loma leqa ka Kaya, a cava keta na Kania? Se cava keta na unuma? Se cava keta na vakaisulu kina? ³² Ni ra sa dau yasava a meca taucoko iei ko ira lewe ni vanua, ni sa kila a tamamudou mai lomalagi a meca e rauti Kemudou. ³³ Ia, dou yasava mada a matanitu ni Kalou, Keina ona yalododonu ena qai Soli me ona i toma vei Kemudou a meca taucoko ga. ³⁴ Ko koya mo dou kua ni leqtakina a mataka ena vuku ni ona ka, sa rauta a siga ona ca.