¹ Sa vakauji Jisu a Yalo Tabu ki na lekutu me vakatovolei koya a tevoro. ² Ni oji a ona lolo siga vasagavulu ka bogi vasagavulu ka sa walokai vinaka. ³ Sa lako mai a tevoro ka kaya vei Jisu, "Kevaka ko sa Luve ni Kalou kaya vei ira a veivatu i ei me vuki me madrai". ⁴ Sa sauma ko Jisu ka kaya, " Ni sa volai. Sa sega ni bula na tamata ena madrai walega, mai na vosa sa lutu mai na gusu mi Kalou," ⁵ Sa qai kauti Jisu na tevoro ki na koro tabu ka biuji koya ena vanua cere duadua ena Valenisoro," ⁶ Saqai kaya ve koya ke ko sa Luve ni Kalou rika sobu mai ni sa volai " Ni na vakaroji ira a agilosi me ra qarauni iko ka ra na keveji iko cake ka na sega ni mavoa a yavamu ena vatu". ⁷ Sa baci kaya tale ko Jisu, Ni sa volai me ko kakua ni vakatovolea a omu Kalou". ⁸ Sa qai kauji koya cake ki na dua delana rewa a tevoro ka vakatakea vei koya a veimatanitu e vuravura kei na odra lagilagi sa qai kaya vei Jisu, " ⁹ A meca taucoko i ei au na solia vei iko, kevaka ko cuva sobu ka qaravi au". ¹⁰ Sa qai kaya ki na tevoro ko Jisu," Lako tani ki dakuqu Setani ni sa volai, " Ko na qaravi Jiova duadua ga a omu Kalou". ¹¹ Sa ai biuji Jisu a tevoro era sa qai basika mai a agilosi me qaravi Jisu ¹² Ni sa rogoca ko Jisu ni sa vesu ko Joni sa lesu ki Kalili. ¹³ Sa biuti Nasareci ka toki ki Kapenaumi, ena yasa ni Drano mai Kaleli ena i yalayala kei Sepuloni kei Nafitalai. ¹⁴ Sa yaco i ei me vaka a parofisai i Isaia a parofita , ¹⁵ “A vanua vaka Sepuloni kei NaCtalai ena yasana ki waitui vaka ki na Joritani vei ira a kai matanitu tani, ¹⁶ ko ira ka ra jiko ena butobuto era na raica e dua a rarama levu kei ira ena loma ni vanua i ei ka ra jiko ena yaloyalo ni mate sa cadra mai ena kedra maliwa e dua a rarama " ¹⁷ Mai na gauna mai ei sa tekivu me vunautakina ko Jisu, "Dou veivutuni ni sa voleka a matanitu ni Kalou". ¹⁸ Ena dua a siga ka taubale jiko ena yasa ni Drano mai Kalili ko Jisu ka raica e rua a veitacini ko Saimoni a yacana talega ko Pita kei Adriu ni rau viritakina jiko a odrau lawa ki waitui ni rau dauqoli. ¹⁹ Sa mani kaya vei rau, " Drau muri au mai ka'u na jigitakini kemudrau me drau gonedau ni tamata". ²⁰ E rau sa biuta vakasauri a odrau lawa ka muri Jisu, ²¹ Ni toso yani vakalailai ki mada ko Jisu sa raici rau ko Jemesa kei Joni a luvei Sepete. E rau a vodo jiko e waqa kei na Sepete na tamadrau ka ratou oneva jiko a odratou lawa. ²² A kacivi rau talega ka rau sa biuta a waqa kei na tamadrau ka muri Jisu. ²³ Sa veitosoyaki ena vanua va-Kalili ko Jisu me vakavuvuli ka vunau ena odra Veivalenilotu me vunautakina a kosipeli ni Matanitu ni Kalou ka veivakabulai vei ira a veimataqali baca. ²⁴ Sa tete yani vaka a buka ai tukutuku kei Jisu ki Siria taucoko ka ra sa kauji ira mai a baca, ka toto a yagodra kei ira a curumi yalo velavela kei ira a curumi manumanu soni kei na tauvi paralasi. A sa vakabulai ira taucoko ko Jisu. ²⁵ Era sa lewe levu a muri Jisu mai Kalili, Tikapoli, Jerusalemi, Jutia kei na tai kadua ni Joritani.