¹ Ia ena gauna maiei e kai ni a vakauta yani ko Sisa Akosito e dua a i vakaro me tauri a i wiliwili ni lewe ni vanuta e vuravura. ² Kaiei a i matai ni wili lewenivanua ka vali i na gauna ka kovana kira ko Qorini isi i Siria. ³ So era sa lako taucoko kina o ona koro, me la’ki volai ki na odra vanua. ⁴ Ko Kosefa e lako cake talega mai Kalili, mai na koroturaga e Nasareci ko Judtia ki na koroturaga i Tevita ka na vakatokai ko Pecelievna baleta ko koya e lewenivuvale ka kawa i Tevita. ⁵ E lako ki ei me la’ki volai vata kei Meri, ko koya ka sa la’kovi tu vei ko koya ka sa bukete jiko. ⁶ Ia ni sa yaco mai a gauna ka rau jiko kena i vanua maiei, sa yaco mai a gauna ni ona vakasucu. ⁷ E a vakasucuma e dua a gonetagane a ona ulumatua, ka doni ko koya ina jikijiki ni sulu ka vakotara ina odra jikina a manumanu baleta ni sa sega bau a rumu ina vale ni vulagi. ⁸ E ra jiko a i vakatawa ni sipi ina vamua maiei ka ra jiko ina loga co, ka ra yadrava tu a sipi ena veibogi. ⁹ A rairai vei ira e dua a agilosi ni Turaga, ka qai cilavi rau wavoki a i serau ni Kalou, ka rau sa rere vakalevu. ¹⁰ Sa kaya vei rau a agilosi, “Kakua ni rere baleta au sa kauta mai vei iko a i tukutuku vinaka ka na kauta mai a reki vei ira taucoko a tamata. ¹¹ Ni kua sa sucu kina vei iko e dau a i vakabula ina koroturaga i Tevita! Ko koya a Karisito a Turaga! ¹² Karei ai vakatukilakila ka na soli vei iko: Ko na boka e dua a gone ka doni e na jikijiki ni sulu ka sa koto no i na valenimanumanu. ¹³ Vakasauri ga e ra sa vakavinavinaka mai ko ira a agilosi kei ira da i lawalawa mai lowalagi ka ra kaya, ¹⁴ Me vakarokorokotaki a Kalou cecere duadua kei na vakacegu me jibo i vuravura i na edra maliwa a tamata era lomani ira” ¹⁵ E yaco iei e na gauna era lako yawo yani kina a agilosi ki lowalagi, e ra veivosakivaka ira a i vakatawa ni sipi, “me keta mai lako ki Peceliema me keta raica a meca sa yaco, ko koya sa vakatakea vei keta a Kalou.“ ¹⁶ Era vakatototo yani ka boki Meri, Josefa, kei na gone, ko koya sa koto no i na valenimanumanu ¹⁷ Ni ra sa ki bo koya oji, e ra sa qai vakatakea a meca sa ka’l gi vei ira me baleta a gone. ¹⁸ Ko ira taucoko era rogoca a meca e ra kaya a i vakatawa ni sipi e ra ka kurabui. ¹⁹ Ia ko Meri sa vakagama takina jikoga a meca taucoko ka rogoca, ka sa tugana sara ki lomana. ²⁰ Era lesu tale a i vakatawa ni sipi, ka vakacaucautakina ka vakavinavinaka takina a Kalou i na vei meca taucoko e ra rogoca ka raica, me vaka sara ga a veimeca e a kai jiko vei ira. ²¹ Ni sa oji a i kawalu ni siga ni ona kanai lekutu, sa vakayacani ko Jisu, a yaca ka solia mai a agilosi ni sa bera ni kunekunetaki. ²² Ni sa oji a siga ni odra vakasavasavataki, me vaka ga a lawa i Mosese, era sa qai kauji ko i koya cake mai kina valenilotu mai Jeruisalemi me laki cabori ko koya kina Kalou. ²³ Me vaka sa volu i na lawa ni Turoga. ²⁴ Sa ra qai cabora a i sorokama me vaka sa kai ena lawa ni Turoga, “me rua a ruve se rua a luve ni ruve lalai.” ²⁵ Raica, e dua a turaga mai Jeruisalemi a yacana ko Simioni, a turaga i valavala dodonu, kei na yalodjina. E a warakina jiko a veivakacegiu i Isireli ka sa jiko vei ko koya a Yalo Tabu.l ²⁶ Ka vakatakea vei ko koya a Yalo Tabu ni tawa boka a mate ni na raica mada i mada a Turoga a Karisito. ²⁷ E vakauji Simione a Yalo Tabu ki valeni lotu. E na gauna rau sa kauji Jisu mai kina a i tubutubu me vala vei ko koya a meca me vaka a lawa ni odra i tovo, ²⁸ e tarai ko koya i liga na ka vakavinavinakatakina a Kalou, ka kaya, ²⁹ “me lako ena vakacegu a omunu tamata, Turaga, me vaka a omunu vosa. ³⁰ Me vaka sa boka a veivakabulou a mataqu, ³¹ Me vaka kemunu sa vakarautakina e matadra a tamata taucoko: me vakacaucautaki ko ira a omunu tamata na Isireli.” ³² A rara me i vakatakulakula vei ira kai matanitu tani.” ³³ Alona Ta kei na ona Na [2] e rau sa rideu e na meca sa kai me baleji ko I koya. ³⁴ E na ona vasa vakalougatakini rau ko Simioni ka kaya vei Meri a jivava, “Raica, a gone sa djigitaki e odra na lutusobu kei na tubu cake i Isireli kei na i vakatakilakila ka na tawa vakadonui_ ³⁵ Kei na i seleiwau ka na coka a utomu_ me rawa ni vakatakei kina a vakasama ni levu a yalo. ³⁶ E dua a parofita a yacana ko ana ka jiko kina ko i koya a luvei Penueli mai na kawa i Asa. E bulu balavu. E vitu a yabaki a odra jiko vata lako kei na wagina ni a ona vakasavasavataki, ³⁷ Ka dawai lako i na walu sagavulu – ka-va a yabaki. ‘E tawa dau biuta a valenilotu ia dau qarava a lolo kei na masu, bogi kei na siga. ³⁸ E na gauna sara ga maiei e lako voleka mai vei rau ka tekivu me vakavivavinakatakina a Kalou, ka kaya a meca taucoko me baleta a gone vei ira taucoko e ra warakina jiko a vakavoui i Jeruisalemi. ³⁹ Ni sa ogi a meca taucoko ka vinakagi vei ira me ra valata me vaka a lawa ni turaga, e ratou sa lesu tale ki Kalili ki na odratou koro ko Nasareci. ⁴⁰ Sa tubu cake a gone; ka sinai i na vuku ka sa tu vei ko i koya a loloma soli wale ni Kalou. ⁴¹ E rau dau lako ki Jeruisalemi a ona qase e na veiyabaki me rau laki solevutakina a lasosivia ⁴² Ena gauna sa yabaki jini karua kina, e ratou sa qou lako vata tale ki na solevu me vaka a odra i valavala, ⁴³ Ni, oji a odra jiko ina siga taucoko ni odra kava magiji, era sa tekivu lesu tale kina odra vale. Ia a gone tagane ko Jisu e jikoga i Jeruisalemi ka rau tawa kila a ona qase. ⁴⁴ E rau kayaga da ka jiko vata kei na dua a i kila ka ra lako vata jiko kei rau, e rou sa qai lako i na dua a siga. Ja rau sa qai tekivu vakayasavi ko i koya vakavinaka i na okra maliwa a wekadrau kei ira a odrai i lala. ⁴⁵ Ni rau sa tawa boki ko i koya Tekivu vakayasavi ko koya vakarinaka kina. ⁴⁶ Ka yacova ni gi e tolu a siga e rau sa qai boki ko i koya i na valenilotu, ni ece toka ina odra maliwa a i vakavuvuli ka vakarorogo toka ka vakatarogi ira jiko. ⁴⁷ E ra qoroqoro taucoko ko i ra era rogoci ko i koya ina ona kila kei na ona i sau ni taro. ⁴⁸ Ni rau sa raici ko i koya e rau sa sqoroqoro. Sa koya vei kiua ona Na, “a cava ko valata kiva vei keirau a i valavala kaiei? Raica, ko Ta kei au keirau sa drakai a vakayasavi iko.” ⁴⁹ E kaya vei rau “A cava kemudrau vakayasavi au jiko kina? [3] ⁵⁰ Ia e rau tawa kila a i balebale ni ona vosa. ⁵¹ Sa qai talairawarawa vei rau me ratou lesu tale ki nodratou vale ki Nasareci. E vunia i yalona ko jinana a veimeca taucoko iei. ⁵² Ia e duria jikoga ko Jisu a ona vuku kei na ova i vgurgo, ka taleitaki vakalevu mai vua a Kalou kei ira a tamata.