¹ Au a vola ai vola imada; Ceofilo kei na meca tauco ko sa tekivu me valata ka vakatavuvulitakina ko Jisu ² Me yacova a siga sa kau ca kina ko koya, ni oji a ona solia ai vakaro ena Yalo Tabu ki vei ira ai apositolo sa jigitakini ira ko koya. ³ Ni sa oji a veika rarawa ka lako curu ko koya, sa gai vakaraitakini koya vei ira e lewe levu ai vakajina jina ni sa bula tale mai na mate, ka sa dau rairai vei ira ka vabagavulu na bogi, ka vosa takina a veika ni matanitu ni kalou. ⁴ Ia ni sa soqoni vata kei ira ko koya sa vakaroji ira ko koya me ra kakua ni lako tani e Jeruisalemi me ra warakina ga a vosa ni yalayala i Tamana, ko koya dou sa rogoca mai vei au. ⁵ Ka jina ni dau vei papitaisotaki ko Joni, ena wai, ka sa bogi vica mada ga do na qai papitaisotaki ena Yalo Tabu. ⁶ Ia nira sa soqoni vata mai era sa Tarogi koya ka kaya, Kemunu a Turaga, ko ni ra vakayacori ira a Isireli mera matanitu tale i na gauna iei se sega. ⁷ A sa kaya vei ira ko koya, sa sega ni omudou modou kila a ona gauna, se a kena yabaki, sa lewa duadua ga ko Tamaqu ⁸ Ia dou no rawata na kaukauwa ni sa lako mai vei kemudou na Yalo Tabu, dou na gai dau tukuni au mai Jeruisalemi kei Jiutia Taucoko, kei Samaria, ka yacova nai yalayala kei vuravura. ⁹ Ia ni sa kaya oti a veika iei kokoya sa qai kau cake, nira sa vakaraica jiko a sa dua a o sa tabonakini koya mai na matadra. ¹⁰ Ia nira sa rai matua jiko ki lanalagi, ni sa kau yani kokoya, raica e lewe rua a tamata sa tu volekaji ira erau vakaisulu vulavula ¹¹ A rau sa kaya, Oi kemudou kai kaleli dou sa rai matua ki lanalagi i na vuku ni cava? Ko Jisu iei ko koya sa kau tani cake vei kemudou ki lanalagi, e na lakotale mai vakina me vaka dou a raici koya ni sa lako ki lomalagi. ¹² Era sa qai lesu tale ki Jeruisalemi, mai na delana ka vakayani kina veiolive, sa voleka ki Jeruisalemi me vaka ga na kena yawa sa dau lakovi ena siga tabu. ¹³ Ia nira sa curu ki vale era sa cabe cake ki na taba loma ni vale e cake era sa dau jiko kina, ko Pita kei Jemesa kei Joni kei XXXX, ko Filipi, kei Tomasi, ko Pacolomiu kei Maciu, ko Jemesa a luvei Alifio, kei Saimoni e dua vei ira sa vakatokai na gumatua a taci Jemesa ¹⁴ Ara sa gumatua kecega ko ira iei, ara sa lomavata ena kenekere kei na dau masu kei iratou talega a yalewa kei meri a jinai Jisu, kei iratou a Tacina. ¹⁵ Ena siga koya ea tucake ina odra maliwa a veiwekani e rauta beka ni ra lewe dua na drau ka ruasagavulu tamata ¹⁶ Oi kemudou a vei wekani, e dodonu we vala a jiki XX vola Tabu iei ka vosatokina i mada a Yalo Tabu i na drakai Tevita, ia ena vukui Jiatasa ko koya ka liutakini ira mai a mai vesuki Jisu. ¹⁷ Okoya e dua a usilivata kei keta ka sa taura ai votavota ni ona cakacaka ¹⁸ A sa volia e dua a jikini vanua ina silini ka i voli ni ona i valavala XX; asa lutu vaka na ulu sobu ki ra, ka kabasu a ketana, a sa kapura kecega a ona wawa. ¹⁹ Ko ira taucoko era jiko mai Jeruisalemi era a rogoca a vei ka sa yaco, ara sa vaka yacana na jiki ni vanua koya ina odra vosa “Akelitama,” a vanua ni dra. ²⁰ Ni sa volai enai vola ni sawe; me lala jiji a ona vale. Ia me kakua ni dua a tamata me jiko kina; me dua tale me taura a nona itutu ni veiliutaki. ²¹ Ko koya iei, e dodonu kina me dua vei ira a tamata sa jiko vata kei keta ena gauna taucoko sa jiko kei keta a turaga ko Jisu Karisito. ²² Me vakatekivu mai ua papitaiso i Joni kina siga sa kau cake kuna ko koyamai vei keta, ka dua iei vakajina jina vata kei keta ni sa tucake tale mai na mate ko Jisu. ²³ A ra sa lesia e lewe rua ko Josefa sa vakayacani ko Parisopa, a yacana talega ko Jusitu kei Mataiasa. ²⁴ Era sa qai XXXX ka kaya, “Kumunu a turaga, ko ni sa kila rawa a loma ni tamata taucoko. Mo nu vakatakita mai, se ko cei vei irau iei nu sa jigitakina. ²⁵ Me taura a cakacaka vaka i apositolo, sa sa sivo tani unai kina ko Juitasa, ni sa lako yaui kina ona yasana ²⁶ A ra sa vakawiri madigi ina vukudratou; a sa bale vei Mataiasa; a sa wili vata kina ko koya kei ira ai, apositolo e ratou lewe jini karua.