¹ Au a qai igavia a lomalagi vou eina vuravura vou E sa taali waqe ai matai ni lomalagi eina imatai ni vuravura, qa sa reva a wasawasa. ² Au qai igavia a Oto Tabu o Jeruisalemi vou, ni sa lao sabu no mai lomalagi mai vei ea a Alou, qa sa varau tu a nanamai, me tauvata a yalewa me vawati ni sa u'ucavu we lai sota vata ei oya me watina. ³ Av qai rogocia e dua domo sa rogo levu mai na inono vaturaga, ni sa aya :"Igavia, sa notu ga vei odra a tamata a vale ni Alou! Ena notu vata ei odra o oya, edra na ona tamata. A Alou vatai oya ona notu vata ei odra, qa na odra Alou o oya. ⁴ Ena tavoya tani a wainimata taucoo mai na matadra o oya. Ena maqa leqa a mate, ena maqa a rarawa, se a tagi se a vutugul. Sa o eva tani taucoo a veia ma'awa. ⁵ Sa qai aya o oya a notu i na inono vaturaga, "Igavia, au sa vavoutainia a vein taucoo!" Sa qai aya leqa vei au, "Vola mada ai, ni dra sa vosa dina a veivosa ai qa rawa ni dra vadinati." ⁶ Sa qai aya vei au: "Sa vayacori oti! O au a Alifa ei na Omeka, ai vaateivu ei na vataotioti. Vei odra sa mata gunu, au na solia wale vei odra a wai mai na ivurevure ni wai ni bula. ⁷ O odra sa rawatia a qaqa edra na ciqoma mai vei au a'a ai : au na yaco me'u odra Alou, qa dra na yaco me luvequ. ⁸ Ia o odra sa dadatuvu, na tawa vabauta, o odra sa vasisila a odra varau, o odra sa dau laba, a dautagane ei na dauyalewa, a dau vatevoro, a dau qaravi Alou tani ei odra taucoo sa dau seseni--sa odra ivotavota ga a drano bua eina sulufuro. Sa oya ai a larua ni mate. ⁹ Sa qai lao mai e dua vei edra a agilosi e vilu qa dru tauria no a bilo e vitu sa sivai tu ina ai otioti ni oni veivararauatai e vitu, qa vosa vei au qa aya, "Lao mai, au na vataila vei io a yalewa me vawati, eno watina a lami." ¹⁰ Sa qai dia a yaloqu a yalotabu, qa sa di au a agilasi ina dela ni dua a delana recere sara, qa varaitainia vei au o oro Tabu, o Jersualemi, ni sa lao sobu no mai lomalogi mai vei ea a Alou. ¹¹ Qa sa sinai ena iseiau ni Alou. Oo Sa aila varama a oro levu mo tauvata a vatu talei so uneunei dredro sara, me tauvata a vatu Jasipa, qa sa maaro crua me tauvah a karisitala. ¹² Sa dua a ona bai cecere qa levu, qa taionia a ena matamata, qa dru so tu ina matamata e tiniarua a agilosi. Qa sa volai ina matamata a yara ni odra yomusa a luvei Isireli e tiwarua. ¹³ Sa tolu a matamata ina toalau, tolu a matamata ina vualiu, tolu a matamata ina ceva qa tolu matamata i ra. ¹⁴ Sa tiniarua a vatu qa yavu ni bainroro, qa sa volai ina a yacadra ai apositolo ni Lami e lewe tiniarua. ¹⁵ Io sa tu vei oya e vosa no vei au edua a gasau koula ni varau me vaiautaka a oro eina matamata eina ena bai. ¹⁶ Sa va a yasa ni oro sa tautauvata a ena balavu eina ena raba. Sa qai katumin a oro o oya ina ona gasau ni varau. E 2,400 a kilomita a ena balavu qa tautauvata a ena raba eina ena cere. ¹⁷ E katumia leqa ga o oya a ena bai: E 60 a mita a ena oere, ni taurivai a rvarau raraba sa vayagatainia a agilosi. ¹⁸ Sa caa a vatu Jasipa ina ena bai, io a oro sa caa ina koula diua sa maare sese me tauvata a iloilo savasava. ¹⁹ Sa uutai tu a yavu ni bai ni oro ena veivatu talei taucoo. A ena imatai a jasipa, a ena iarua a sefaia, a iatolu a aketi, a enai ava a emerelita, ²⁰ ai alima a onikisi, ai aono a kaneliani, a enai avitu a karisilaite, ai awalu a perili, ai aciwa a topasi, ai atini a karosipiraso, ai atiniadua a vatu araarawa, ai a tiniarua a amecisita. ²¹ O odru a matamata e tiniarua sa caa ena mataniciva e tiniarua ; a matamata yadua sa caa mai na dua a matanici. a. Io a gaunisala ina lomanioro sa caa ena koula dina, qa sa maare sese me tauvata a iloilo. ²² Io au maqa ni igavici e dua a valenisoro ina lomanioro, qa sa ena valenisoro ga a Turaga a Alou Kaukarwa oina Lami. ²³ Sa maqa ai yaga me vararamataa a oro ai a matanisiga se a vula, baleta ni sa vararamata ga ena iserau ni Alou, qa sa ena cina a Lami. ²⁴ Edra na lao voli na ena rarama o odra lewe ni veimatanitu, qa dra dia waqe ina a odra iyau o odra a tui ei vuravura. ²⁵ Eno maqa ni sogo a ena siga a ena matamata, qa na maqa leqa ga ina a bogi. ²⁶ Edra na dia waqe ina a veimatanitu a odra iyau eina odra lagilagi. ²⁷ Io ena maqa ni curu ina oro levu ai a veia sa tawa savasava, se a tamata dau raava a veia vasisila se dauseseni. O odro ga sa volai tu ina ono volo ni bula a Lami edro na curu ina oro.