¹ Ni sa devu a vei'a ai, au a rogo a odra domo a lewe vuqa mai lomalagi e dra sa tovele e, "Aleluya! A bula, va'avnavina'a, ei na kaukauwa me a velea a Alou. ² Ni sa dina, a sa dodonu, a ona lewa, ni sa lewai a yalewa dautagane valevu 'oya sa va'ulu'uluta'ini vuravura ena ona dautagane, a sa sauma ve'eya a ordra dra a ona tamata. ³ Adra sa tovelee leqa: "Aleluya! A sa uru cadra a ena ubou me maqa ni mudu." ⁴ A sa daroo sobu o odra a matua edra lewe ruasagavulu'ava ei na 'a bula e lewe va a dra sa va'ar'o'oro'o ve'eya a Alou, o 'oya sa no tu ena onai nono vaturaga a sa tovelee, "Emeni. Alauya!" ⁵ A sa qai voqa mai e tila a vosa sa lao mai ena ona i nono vaturaga, a tovelee, "Me da vakainavina'a i na noda Alou o oda a ona tamata, ei emudou tauco'o sa dau rerevaini eya se dou tamata lalai se dou turaga." ⁶ Au sa rogo a 'a, me va'a a domo ni lewe vuqa a va 'a a domo, ni wai, e vuqa a va 'a a domo ni 'uru'uru lev'u, sa tovelee, "Alleluya! sa lewa a Turaga, a Alou, kaukauwa sara. ⁷ Medatou marau a re'i a ia a va'aro'oro'o ve 'eya! Ni sa yaco a vawati ni lami a sa varauta'ini oya va i eya, a watina lewa. ⁸ A sa soli vei eya me vaisulu e na i sulu lineni matailalai sa matailalai savasava sa lumilunisa" (ia sa lineni matailala a odra i valavala dodonu a tamata yalosavasava). ⁹ A sa tovelee vei au a agilosi, "Mo vola ni: sa 'alougata o odra e dra sa 'tarogi ena vawati ni lami. "A sa tovelee vei au, "o eya ia i i, sa vosa dina ni Alou." ¹⁰ Ia au a daroo i na ona la meu varo'oro'o vei eya, A sa tovelee vei au o oya, "Igavia mo 'ua! Oi au a sa na nomu i to'ani au sa tila ve'edra a we'amu edra sa tauria no ai tu'utu'u ei Jisu. Varo'oro'o vei eya a Alou ia ei ai tu'utu'u ei Jisu sa yalo ni parofisai." ¹¹ Ia au a igavi lomalai ni sa dala tu a sa igavia e tila ose vulavula. O oya sa vodo ina sa na vatoai o dodonu ei na dina a sa lewa vadodonu. O oya a sa vayacoria a i valu. ¹² A ona mata sa tautauvata a yameyame ni quto, sa no tu e na ona ulu ai sala vaturaga e vuqa. A sa volai a ona yasa ia sa maqa a tamata e 'ila o 'oya tilatila ga. ¹³ A sa darama inia a ona i sulu sa ceburai tu 'ina a ona dra, a sa aitai ni ona yasa a Vosa ni Alou. ¹⁴ Ia o odra a mataivalu mai lomalagi edra sa muri oya ni dra sa vodo e na vei ose vulavula, 'a savasava. ¹⁵ A sa basi'a mai e na ona gusu e tila ai selewau gata me vamatei edra ina a veimatanitu o 'oya. Ia e na lewai odra e na odra i tito 'o kaukamea. A sa siavia o 'oya ai 'eli ni waini ni civo waqawaqa ni Alou kaukaukauwa. ¹⁶ Ia a ona yasa, sa volai e na ona i sulu sa volai leqa ga e na ona saga: "Tui ni vei Tui qa odra Turaga leqa qa a vei turaga." ¹⁷ Au a igavia e tila agilosi sa no tu ina matanisiga, a sa taro vadomoilevu o oya, a tovelee ve'edra tauco'o a manumanu vu'a ena maliwa 'ei lomalagi; "Dou vasoqoni emudou vata mai i na i vataranavi ni Alou levu. ¹⁸ Dou la'o mai mo dou mai 'ania a lewedra a Tui, ei na lewedra a turaga ni valu, a lewedra a tamata qaqa, a lewedra a ose 'ei 'edra edra dau vodo ina, a lewedra tauco'o ga, se dra tau'ei se dra bobula, se dra tamata lalai se dra tamata kaukauwa. ¹⁹ Au a igavia a manumanu 'ei 'edra a tui ei vuravura ei na odra i valu, edra sa uluni vata mai. ²⁰ A sa tauria a manumanu ei 'edra a i liuliu, a sa tauria vata 'aya a parofita vaiseni o oya sa dau velee a ca'aca'a mana e na ona mata o oya sa dau lawa'ita'ina edra odra edra sa rolai ena i va'ataila ila ni manumanu ei edra edra e ra sa varo'oro'o ta'ina a ona matakau, o dru ruarua ai edra sa dai bulabula i na drano quto rea, sa vereani e na sulifure. ²¹ O odra a ena vo edra sa vamatei ena i sele i wau oya sa vodo e na ose, ai sele i wau sa dara mai e na ona gusu, ia odra tauco'o ga a manumanu vua e dra sa mamau e na odra lewe.