¹ Au a rogo edua domo rogo levu mai na vale ni soro ni sa aya vei edru a lewe vitu a agilosi, "Dou lao i vuravura qa dou lai sove ina a vitu a boulu ni civo ni Alou." ² Matai ni agilosi sa gole waqe qa sove amatai ni boulu i vuravura, sa tauvi odra tamata sa tu vei odra a vata'ilaila ni monumanu a vidi'oso mosi qa ca sara. ³ Sa sove a arua ni Agilosi a ona boulu in a waidui sa vu'i a waidui me dra, me arua a dra ni tamata mate, sa mate tauco'o a vei a bula i loma ni waidu. ⁴ Atolu ni Agilosi sa sove a ona boulu i na vei uawai vata vanua sa vure tu mai ina a wai sa vui me dra a wai. ⁵ Au qai vogo ni sa vosa a Agilosi e lewa tua wai, "Emiau sa yalo dodonu, miau sa bula na gauna ai, miau na bula tu ga, Alou yalo tabu. ⁶ Evia vu'u ni omiau vadave a dra odra tamata savasava vata ai talatala ni Alou, sa soli mai ina vei emiau me sa omiau votavota me emiau somi dra." ⁷ Au rogo dua domo mai na cabocabo ni soro ni saumia mai qa aya, "Sa dina nin sa Alou kaukawa sara, e dodonu a omiau vatulewa qai dina." ⁸ Ai a va ni Agilosi sa sove a ona boulu na matanisiga, sa soli ina a veivadonui me va'ata'ata ta'i edra a tamata na ata'ata sivia sava. ⁹ Dra sa yavu ena ata'ata levu mai na matanisiga, qa dra sa vosa vacacatainia a Alou, oya e lewa a vei a vavawa ai, ia qa maqa ni dua e veivutuni se vacaycauta'inia a Alou. ¹⁰ Sa qai sovara'inia a lima ni Agilosi a ona boulu ina nono vaturaga ni matanitu ni manumanu, sa yaco me iloilo a matanitu ni manumanu. E dra atia odra meme e na levu ni mosi. ¹¹ Dra vosa vacacatainia a Alou ni lomalagi ena levu ni mosi ni vidioso, qa dra se rita ga ni veivutunita'inia odra i valavala. ^{14 12} Sa sove a A ono ni Agilosi i na uciwai levu a Euferetisi a ona boulu, sa maca a ena wai sa caramainia a sala vei oya Tui lao mai na To'alau. ¹³ A igavia e tolu a yalo velavela e igaigavi tu ni boto rido ni sa lao mai na gusui oya gata levu, na gusuni manumanu saraga yalo ni tevoro ai dru dau ca'a mana. E dru sa gole vawoi vei edra veiluta'i i vuravura me vasoqoni edra vata ena i valu ena siga bibi ana, a siga ni Alou Kaukauwa. ¹⁵ "Igavia, au na lao waqe me arua e dua dau butao! Sa Alougata a tamata e yadra no, qa vaisulu ta'i oya tu va re, me ua ina ni veilaoya'i luvaiwale tu ni na qai vamaduta'i tu." ¹⁶ . E dru sa vasoqoni edru vata mai na vanua e vatoai va-Ipenu o Amaketoni. ¹⁷ Sa qai sove a vitu ni Agilosi ona boulu i maliwalala Oa' rogo mai dua domo rogo levu mai na vale ni soro vata ai nono vaturaga, e ve ai oto, "Sa vele oti!" ¹⁸ Sa tibi a liva qa logo a u'ru'u'ru, yavala dua uneune levu, uneune levu duadua mai na vei uneune i delai vuravura donuya mai na odra tawani vuvavura tu ira tamata. ¹⁹ E dra avida tolu q vei Oro lelevu qa dra varusai a vei matanitu. Sa qai nanumai a Oro levu a Papiloni a Alou me soli ina a bilo tawa na waini buli mai na ona vibo a Alou. ²⁰ E dra reva a vei yanuyanu qa dra reva leqa ga a vei ulunivanua. ²¹ Sa qai mata ni uca lelevu e rautia ni 50 a kilokaramu a ena vadomobula ni uca cevata vata varereva'i ni veivararawata'i ai.