¹ I na gauna i mada ma vosa a Alou mai ve edra a parefita qa vadewatai sobu mai ve edra a oda matuai na cevu a gauna qa duidui a ena salevu ni ena vadewatai mai ina. ² Ia i na gauna mari ai e sa vosa mai i na luvena me vosa ve eda, o oya sa lesia o oya mei tau ei ni a taucoo ga, i na vuuna ga sa buli ina a vuravura taucoo. ³ O oya a cola ina a on ai serau ei na yaloyalo ni onai tavo, sa tokona ina a a taucoo ga i na kaukauwa ni ona vosa. Ni sa solia eti a vabooa ni valavala ca, qa sa no ina i na liga i matau ei ea sa Levu sara mai cae. ⁴ Sa qai yaco ina me uasivi sara mai ve edra a agilosi, ni sa tau ena a yaca e uwaisivi duadua mai ve edra tau coo. ⁵ Se o cie ve edra a agilosi sa bace aya ina a Alou, "O io a luvequ, ni ua o au sa tamamu?" Se o au sa na tamana qo oya sa na luvena?" ⁶ Ia ni sa dia mai a ona luumatua a Alou i vuravura, sa qai aya, "Me cuva ve eya o odra taucoo a agilosi ni Alou." ⁷ I na vaudra a agilosi sa aya o oya, o oya sa qisi edra a ona agilosi me cagi, ei edra a ona i talatala me yameyame ni rea. ⁸ Ia i na vuu ni luvena ga sa aya, "E na tamu mudu rawa a omi au i nono vaturaga, o miau a Alou: Sai titoo ni vala dodonu ai titioo ni omi au matanitu. ⁹ Ni miau sa retia a i valavala dodonu, qa catia ai valavala ca, o oya ana a Alou, a omiau Alou sa lumiti emiau valevu cae ina i na waiwai ni rei mai ve edra a omiau i toani. ¹⁰ E aya leqa ga, "Mai nai vateivu, Miau a Turaga, miau ma tauyavutainia a yavu ni vuravura ai, ei na lomalagi a omiau i ca'a ca'a ni liga. ¹¹ E dra na vusa taucoo, qa miau na tu ga, qa dra na vuca taucoo ga me tautau vata ai sulu. ¹² Miau na lobia me tautauvata, a i yoro, qa visautai me tautauvata a masi uvui. Ia o miau a dei tu ga, ia a omiau vitaba yabai e na maqa ni mudu rawa. ¹³ Se o cei ve edra a agilosi sa bau aya ina a Alou, "Na ina oqa tutuna i matau qa meu qisi edra oti mada a omu meca mei tutu ni oqu la?" ¹⁴ E dra sa maqa li i ni yalo dau viqa ravi o odra taucoo sa talai waqe me qa ravi edra o odra na yaco mei tau ei ni bula?