¹ Ma yaco ni sa oti na vei a taucoo, sa teivu me mao 'o Jisu i na veioro lelevu ei na vei vanua me vunau, qai acivaina voli na i tu'utu'u sia me baleta na mata nitu ni Alou. Dratou ma ti'o vata ei 'oya na tisaipeli, ² ma bau viroga ina e dua na yalewa, 'o 'oya ma va'abulai mai vei edra na yalo vekivela ei na tauvi mate. 'O Meri ma va'atoai vira 'o Makitalena, ma ba'abulai mai na vitu na yalo velavala. ³ O Joana na wati Kusa, na mata ni vanua nei Eroti, o Susana ei na so viro, edra sa qaravi oya ena vei a sa tu vei edra. ⁴ Ni sa soqoni vata mai e dua na wase levu ni tamata edra sa la'o mai na veivanua vei oya, sa 'aya o 'oya e dua na vosa va'atautauvata. ⁵ Ma la'o e dua na dau teitei me aburaina eso na nona i tei sore ni acu. Ni sa abuaburai lao sa lutu e so ina bati ni salevu, dra sa butulaina, qai la'o mai na manumanu vua medra ania. ⁶ So dra lutu ina dela ni vatu, ni sa qai adre ga mai, sa maloe viro, baleta ni maqa ni suasua va'asia na drea. ⁷ So dra lutu ena edra maliwa na acu votovotoa, sa tubu cae torolo na acu totorotoa sa va'aruguta sa qai mate. ⁸ Eso dra lutu ma drea sia, dra sa tubu cae sa vuataina na vua sia me drau sivia na vuana. Ni sa aya oti 'o Jisu na vei a tauco'o e sa qai aci, "O oya sa va'ataligana me rogoca, ia, me rogoca sara. ⁹ Dratou tarogi oya na tisaipeli se cara na i balebale ni vosa va'atauvata e? ¹⁰ Sa qai 'aya 'o 'oya, "Na ila na veia vuni ni matanitu ni Kalou sa soli vei mudou, ia, vei edra na so auy vosa ena vosa va'atautauvata me rawa ni dra rai rawa ia dra maqa ni raica, se, dra sa togoca edra maqa ni ila. ¹¹ Ie na ena i balebale; na sore ni acu na vosa ni Alou. ¹² "O edra na lutu i batini salevu sa i edra dra rogoca na vosa, sa qai la'o mai na meca sa qai yadia tani na vosa ma na yalodra, baleta me dra ua ni va'abauta me dra va'abulai. ¹³ O edra na lutu i dela ni vatu, sai edra dra togoca na vosa dra qai ciqo sara ina marau, ia e maqa na wa'odra, edra bula wale ga ina dua na gauna lelea, ena gauna e na yaco mai ina na vei vaatovolei, edra na si alutu viro. ¹⁴ "O edra na lutu ina loma ni a cu va'avotona sa i edra, dra rogoca na vosa, ni dra sa la'o taini dra sa va'awelei e na i lavi, ei na veia ni bula ni vuravura e sa qai va'a vuna na ena maqa ni vua sia na i tei. ¹⁵ Ia na sore ni tei e lutu ina drea sia, sa i edra dra rogoca na vosa ina yalo e marautaina ei na yalo sia, dra qai tara dei , ena vuataina na vua sia. ¹⁶ A maqa ni dua matamata e udreva na cina, qai ubia viro ina dua na a se biuta ina botoni otooto. Ena biuta 'ina 'e na i tutu qai va'atura 'ina dua na vanua medra raica ina na tamata. ¹⁷ A maqa ni dua na a e vuni me na maqa ni va'araita'i, se dua na a e nobotai e na basia mai na rarama. ¹⁸ Rogoci au sara va'asia, 'o 'oua sa tu vei 'oya eso na a, ena qai soli va'alevu vei 'oya, ia 'o oya a maqa ni tu vei oya na a, se nanuma me tu vei 'oya e so na a, ena yadi tani mai vei 'oya. ¹⁹ E dra sa la'o mai vei 'oya 'o tinana e i edra na taana, ia dratou maqa ni rawa ni yaco vei oya ni sa rui oso soa. ²⁰ Sa lai tovoli vei 'oya, "O tinamu e i edra na tacimu edra dei raici ro. ²¹ Sa vosa 'o Jisu qai 'aua, "O edra na tinaqu ei na ganequ a na taaqu, oa i edra dra rogoca na vosa ni Alou qai ca'ava. ²² Dua na siga sa vodo i waqa 'o oya ei dratou na nona tisaipeli, qai 'aya vei dratou, "Tou la'o mada i na batina i tai ni dano." Dratou sa la'o yae. ²³ Ni dratou sa so'o ti'o, sa moce o 'oya. Sa qai liwa mai e dua na cagi sa kaukauwa e na loma ni drano, sa la'o i loma ni waqa na wai, dratou saleqa. ²⁴ Dratou sa qai va'a yadrati oya na tisaipeli, "va'avuvuli, Va'avuvuli, datou sa volea ni mate." Sa yadra mai na moce 'o oya sa qai vunauca na cagi ei na ua. Sa ruru na cagi, sa maravu viro ga na waitui. ²⁵ Sa qai aya vei dratou, "I vei na nomutou va'abauta? Edra sa rere edra sa vei tarogi vataini edra," O cei e me va'arota na cagi ei na ua dra qai va'arorogo vei oya? ²⁶ Dratou sa so'o ina vanua va'a Katara, amu to'a osova na drano 'o Kaleli. ²⁷ Ni sa sobu mai vanua 'o Jisu, sa sota 'ei dua na tagane mai na oro levu, ma curumi oya tu na yalo velavela. E dua na gauna balavu ma sa dau maqa tu ni va'aisulu, maqa ni tio i vale, sa dau tu voli ga ina bulubulu. ²⁸ Ni sa raici Jisu 'o oya, sa tagi i na domo levu "Na cava" o rawa ni ca'ava vei au Jisu na Luve ni Alou Levu? Au erei io mo ua ni va'atogatogani au." ²⁹ Sa va'arora na yalo velavela 'o Kisu me la'o tani mai vei 'oya. E levu na gauna ni sa daucurumi 'oya mai, veita lia ni dau vesu tu ina sinudodo qai va'atawaci tu, e dau vuoala'ina ga qai dau yadi 'oya na tevoro i na loma ni alaulau. ³⁰ Sa qai tarogi oua o Jisu, "O cei na yacamu?" Sa aya 'o 'oya, "O vavacoo" ni lewe levu na tevoro edra sa curumi oya tu. ³¹ Edra sa erei' oya me ua ni va'atalai edra tani i bulu. ³² E dua na qete ni vua'a levu edra ma ana tu i baba, sa qai erei 'oya na yalo velavela me va'atalai edra ina, sa qai ca'avo o oya. ³³ Edra sa la'o mai na yalo velavela qai curu edra na vua'a, edra sa qai, ada mai na veivateivatu gatagata mai na baba, i na drano dra lai matalomo ina ³⁴ Nidra sa raica 'o edra na va'atawa vua'a tio na vei a sa yaco, dra sa la'i tovotovo ina veioro'oro ei na veivanua. ³⁵ Edra sa la'o na tamata me dra la'i raica na vei 'a sa yaco. Ena gauna edra sa yaco mai ina vei Jisu, dra sa raica na tamata curumi yalo velavela ni tio tu e na tu wai Jisu, sa bula sia, edra sa rere. ³⁶ 'O edra na raica na'a ma yaco, edra sa sa tovola vei edra na lao mai na nona va'abulai na tamata curumi yalo velavela. ³⁷ Edra sa va'amasuti Jisu na tamata mai Katara me la'o tani mai arai, ni dra sa rere valalevu. ³⁸ Sa qai erea na tamata va'abulai me drau la'o vata sa va'atalai 'oya tani 'o Jisu, qai 'aya, ³⁹ Mo lesu viro ina nomu oro, qai la'i tovola vei edra na we'amu na vei'a tauco'o sa ca'ava vei io'o na Alou. Sa qai la'o 'o oya me tovola voli vei edra tauco'o na vei vanua arai na a sa ca'ava vei oya 'o Jisu. ⁴⁰ Ni sa lesu mai 'o Jisu, sa lewe levu edra sa idavaini 'oya, ni dra sa namaini 'oya tio. ⁴¹ Raica e dua na tamata na yacana 'o Jairo, e dua vei edra na liuliu ni vale ni lotu, sa mai teiduru ma matai Jisu, me va'amasuti 'oya me la'o i nona vale, ⁴² baleta e dua ga na luvena yalewa dei yabai tiniarua sa volea ni mate. Ni sa la'o tiogo 'o Jisu, edra sa veibilibili atu vei 'oya na tamata. ⁴³ Ma tio viro ga'ina e dua na yalewa turu dra balavu sa yabai tiniarua. (1) ni maqa ni dua e va'abulai 'oya rawa. ⁴⁴ Sa la'o mai 'o oya ina yasai Jisu qai tara na bele ni nona kote, sa qai oti va'asauri na nona turu dra balavu. ⁴⁵ "O cei e tarai au?" Ma taro'o Jisu. Ni maqa ni dua e vosa, sa qai aya 'o Pita, "Va'avuvuli, raica mada na levu ni tamata dra veibilibili tu e? ⁴⁶ Sa ayo o Jisu, "E dua e tarai au ni'u vaila, ni dua na i wase ni kaukauwa e lao tani vei au." ⁴⁷ Ni sa ila na yalewa ni sa maqa ni nobo rawa, sa la'o sautariri mai ina ru'u ni tuwai Jisu. I na edra maliwa na lewe levu dra tu i arai qai aya 'o oya na vuni nona tavai 'oya ei na nona na sa bula va'asauri. ⁴⁸ Sa qai 'aya "O Jisu, " Luvequ na nomu va'abauta sa va'abulai io. La'o ina va'acegu" ⁴⁹ Ni sa vosa ti'o ga 'o oya, sa la'o ma e dua mai na nona vale na liuliu ni vale ni lotu, mai aya, "Sa mate na luvemu. Ua ni qai va'aocai 'oya na i va'avuvuli." ⁵⁰ Ni sa rogoca 'O Jisu sa aya vei Jairo, "Ua ni loma leqa, va'abauta ga e na qai bula na luve mu." ⁵¹ Ni sa curu mai 'o 'oya i vale, sa aya me ua ni dua me muri oya, va'avo ga 'o Pita, ei Joni, ei Jemesa, ei tama ni yaqiti ei tinana. ⁵² Edra sa veitagicai na tamata, sa qai aya o Jisu "Miau ua ni tagi, a ni aqa ni mate 'o 'oua, e moce wale ga." ⁵³ Edra sa va'aliali ai 'oya ni dra ila sa mate na yaqiti. ⁵⁴ Sa qai tarai 'oya ina ligana qai aci, "Qiti yalewa, tucae." ⁵⁵ Sa lesu viro mai na yalona sa tucae va'asauri. Sa va'atori edra me dra yadia mai e dua na magiti me ania. ⁵⁶ Drau sa urabui 'o drau na nona i tubutubu, sa qai va'aroti drau 'o Jisu, medrau ua sara ni tovola vei dua na a sa yaco.