¹ Lewe levu sara edra sa veivuetaina na ena biu vata na veitu'utu'u eso ni vei 'a sa ca'a ena eda maliwa. ² Meva'u na ena va'adewatai sobu mai vei edra na raica ena matadra elina me i vaadin'adina. ³ E bau ma asia viraga vei ay, ni'u ma sa va'ataroga sara va'asia na vei a tauco'o, me'u rawa ni viuta va'a i vola e dua na tuvatuva vei io, Ceofilo na a levu, ⁴ me rawa ni'o ila na vei a dina ni vei a 'o sa va'atavulici ina. ⁵ E na gauna nei Eroti na tui Jutia, ma ti'o voli ina e dua na bete na yacana 'oSakaraia. mai na yavusa 'o Epaia. Na watina 'o Ilisapeci e dua na awa mai vei Eroni. ⁶ Drau tamata dodonu ru a rua ina mata ni Alou, drau qa' dau la'o va'adodonu i na i vunau ei na va'aro ni Turaga. ⁷ Ma maqa na luvedrau, ni'o Ilisapeci ma maqa ni va'aluveni rawa, ni drau ma sa matua ruarua viro ga. ⁸ Mayao ni sa ti'o ina mata ni Alou 'o Sakaraia, me ca'ava na ca'aca'a me baa na i tuvatuva va'abete. ⁹ Me bau na va'arau ni veiqaravi va'abete, sa digitai o 'oya me curu i na vale ni soro ni Turaga va'atara na 'a boi sia. ¹⁰ 'O edra tau co'o na tamata e dra masumasu tio i tuba e na gauna e va'atari ti'o ina na a boi sia. ¹¹ Ma qai basia vei 'oya e dua na agilosi ni Turaga, mai tu ca'e tu i na yasana i matau e na vanua dau va'atari ina na a boi sia. ¹² Ni sa raici 'oya o Sakaraia, sa loma leqa qai tuburi 'oya e dua na rere levu. ¹³ Sa qai vosa mai 'oya na qgilosi, "I Sakaraia ma 'ua ni rere, sa rogoci na nomu masu. Na watimu "O Ilisapeci, e na va'asucuma vei i'o e dua na luvemu tagane, Mo na va'ayani oya 'o Joni. ¹⁴ E na yadia mai vei io na marau ei na rei, e na levu viro ga edra na marau e na nona sucu. ¹⁵ E na a levu 'o oya ena mata ni Turaga Me ua ni unu waini se so viro na vei unu kaukauwa, e na va'asinaiti ga ena Yalo Tabu ena etei tnana. ¹⁶ E na levu na luvei Isireli edra na lesu mai vei oya na Turaga na Alou. ¹⁷ E na la'o veli 'o oya ena kaukawa, ei na yalo i Ilaijia ena mata ni Turaga, ena qai vuica na yalodra na tamadra vei edra na luve dra, ei edra na dau talaidredre ina nodra vu'u na yalo dodonu, me va'arauta'i na tamata vei 'oya na Turaga. ¹⁸ Ma taraga na agilosi 'o Sakaraia, "Au na ila va'acava na a e? E i rua sa matua ruarua ei watiqu. ¹⁹ Qai sauna na agilosi, "O ia 'o Keperieli au dau tu e na serau ni Anlou. Au talai mai meu mai va'adewaina vei io na i tu'utu'u sia e. ²⁰ Raica, o na galu, o na maqa ni rawa ni vosa me yacova na siga sa na yaco ina na vei a tauco'o e. E na yaco e baleta nio maqa ni va'adinata na vei a e tovoli ti'o vei lio, ni na va'ayacori ena e na gauna. ²¹ Edra sa waraini Sakaraia tu na tamata, se cava sa rui tuwai tio ino i loma ui vale ni soro. ²² Ni curu mai tuba sa maqa tu ni vosa rawa. Edra nanuma ga ni ma raica e dua na raivotu ena gauna ma ti'o ina i loma ni vale ni soro. E Ca'ava tio ga vei edra na va'atailai'la ni vosa galu. Em maqa ga ni vosa rawa. ²³ Ia ni sa oti na nona veiqaravi, sa lesu viro i vale. ²⁴ Ni oti e vica na gauna, sa buete na watina 'o Ilisapeci, qai vunia voli me yacova ni sa vula lima. Sa aya, ²⁵ " Ie, sa ca'ava vei au na Turaga, me yadia tani vei au na noqu madua ma matadra na tamata. ²⁶ I na i a ono ni vela, sa tala mai na Alou na agilosi 'o Keperieli i na dua na oro levu mai Kaleli, 'o Nasareci na yacana, ²⁷ vei dua na qiti yalewa sa la'ovi oti tu vei dua na qiti tagane, 'o Joseva, e dua na awa mai vei Tevita. Na yacani qiti yalewa e 'o Meri. ²⁸ Sa aya vei oya, "o io sa daulomani, Na Turaga sa ti'o vata ei io" ²⁹ Sa velilecayai va'alevu o Meri e na vu'u ni nona vosa, qai va'ananuma se mataqali vei 'idava'i va'acava e. ³⁰ Sa aya vei oya na Agilosi, "Ua ni rere Meri, 'o ro sa une loloma mai vei 'oya na Alou." ³¹ "Raica 'o na buetetaina e dua na qiti tagane, o na va'ayacani 'oya 'o Jisu." ³² Ena levu 'o 'oya ena va'ato'ai na Luvei 'oya sa Cecere Sara Na Turaga ra Alou ena solia vei 'oya na i tiotio va'a turaga nei tamana 'o Tevita. ³³ Ena lewa 'o oya ena vale nei Jekope me tawa mudu, na nona matanitu e na maqa ni oti rawa. ³⁴ Sa aya 'o Meri vei 'oya na agilosi, "E na yaco rawa va'acava na ae? Au sa maqa va'adua ni vei'ilai ei dua na tagane?" ³⁵ Ma sauma vei oya na agilosi, Ena va'arurugi io na Yalo Tabu ei na kaukauwa nei Oya sa Cecere Sara. Ena sucu mai na yaqiti va'atabui e na va'ayacani me Luve ni Alou. ³⁶ Raica na weamu 'o Ilisapeci sa bu'eteta'ina tio e dua na yaqiti ni sa matua. Sa i a ono ni nona vula e, dina ga ni ma tovoli tu ni maqa ni va'aluveni rawa. ³⁷ E maqa ni dredre vei oya na Alou e dua na a. ³⁸ Sa aya 'o Meri, "Raica 'o au na vada ni Turaga. Me yaco mada vei au me ba'u na nomu vosa." Sa qai lao tani vei oya na agilosi. ³⁹ Sa tucae o Meri me la'o ina dua na oro muria na veidelana ina oro 'o Jutia.. ⁴⁰ Curu 'o oya ina vale nei Sakaraia mei vei idavai ei Ilisapeci. ⁴¹ Ni sa rogoca 'o Ilisapeci na vei'idavo'i nei Meri sa ida na yaqiti i etena. Sa va'asinaiti, 'o Ilisapeci ena Yalo Tabu. ⁴² Sa tagi ina domo levu qai aya, "Sa alougata 'o io vei edra na yalewa tauco'o, me alougata viro ga na vua ni etemu." ⁴³ Na cava,m e yaco ina vei ay na a 'a o me lao mai 'ina vei au na tina ni noqu Turaga? ⁴⁴ Raica, ena gauna au rogoca ina na domo ni nomu vei'idavai'i, sa i da i na marau na yaqiti i etequ. ⁴⁵ Sa 'alougata 'o 'oya sa va'abauta ni na yaco na vei a ma vosa ina vei 'oya na Alou. ⁴⁶ Sa 'aya 'o Meri, 'Sa va'acaucautaina na Turaga na yaloqu, ⁴⁷ Na yaloqu sa marau vei oya na Alou na noqu i va'abula. ⁴⁸ Ni sa raica 'o oya na lolovira ni noqu bula, raica me teivu e edra na aya na i taba tamata tauco'o niu sa alougata. ⁴⁹ Na sa ca'ava, vei au na vei 'a lelevu sara e na vu'u ni yacana o Oya Sa Cecere Sara. ⁵⁰ Na nona sa yacovo veitabatamata ina veitabatamata 'o edra edra rerevaini 'oya. ⁵¹ Sa raraitaina 'o oya na nona kaukauwa ina ligana, sa va'asesei edra 'o edra na do'a do'ataina na vei 'a edra nanuma. ⁵² Sa va'amalumalutaini edra na kaukauwa mai na nodratou i tiotio. Sa laveti edra ca'e na yalo malumalumu. ⁵³ Sa va'asinaiti edra na dei ana ena veisiga, ia, sa va'asu ai edra lesu lalana vutuniyau. ⁵⁴ Sa solia na veivue vei edra na nona tamata na Isireli, sa vaaraitaina viroga na nona loloma vei edra ⁵⁵ (me ba'a ma 'aya 'o 'oya vei edra na tamada) vei Eparaama ei edra na nona 'awa me tawa mudu. ⁵⁶ Ma tio voli e Ilisapeci 'o Meri me vula tolu sa qai lesu i nona oro. ⁵⁷ Sa yaco na gauna me va'asuau 'o Ilisapeci, sa va'asumuma e dua na qiti tagane. ⁵⁸ Ni dra sa rogoca na weana ei edra na ti'o vole ati 'oya ni sa loloma va'alevu vei 'oya na Alou, e dra sa marau vata ei 'oya. ⁵⁹ Ni sa oti e bogi walu, edra sa la'o mai me sa mai ana i bure na yaqiti. E dra 'aya me va'ayaca na yaqiti vei tamana 'o Sakaraia. ⁶⁰ Ma sauma na no dra vosa 'o tinana, "Maqa me yacana ga 'o Joni. ⁶¹ Edra aya ni maqa ni dua na weana me vaayaca tu i na yaca arai. ⁶² E dra vosa va'agalu vei Tamana se yaca cava e siata me va'ayacani ina 'o luvena. ⁶³ Sa qai erea 'o tamana e dua na papa ni volavola, sa qai vola, "Na yacana 'o Joni," Edra sa urabui taucoo. ⁶⁴ Va'asauri sara sa tadola na dra'ana sa tasere viroga na yamena. Sa vosa rawa. Sa va'acaucautaina na Alou. ⁶⁵ E dra sa rere 'o edra na tu i arai. Sa rogo na ena i talanoa e na vanua 'o Jutia. ⁶⁶ Edra sa atona i lomadra na tamata dra aya "Ena va'acava be'a amu na yaqiti e?" Ni sa tib vei oya na yalo ni Turaga." ⁶⁷ Sa va'asinaiti 'o Sakaraia ena Yalo Tabu, sa teivu me parofisai, ma aya, ⁶⁸ Me va'acerecerei i na Turaga na Alou ni Isireli, ni sa va'ayacora 'o 'oya na veiva'abulai vei edra na nona tamata. ⁶⁹ Sa va'atubura 'o oya e dua na daunivei va'abulai me noda e na vale ni nona tamata 'o Tevita. ⁷⁰ (me bau ma vosa 'o oya vei edra na nona parofita ena veigauna sa oti), ⁷¹ Na veiva'abulaimai vei edra na edra meca mai na ligadra viro ga 'o edra na dau cati e da. ⁷² Ma ca'ava eni 'o 'oya me va'araitaina na nona loloma vei edra na tamada, me nanuma viro tio ga na nona vei yalayalati tabu. ⁷³ Na vei dinadinati ma ca'ava 'o 'oya vei Eparaama na tamada. ⁷⁴ Ma yalataina 'o 'oya vei eda ni na sera eda mai na ligadra na noda meca me da doudou ena qaravi oya ei na maqa ni rere. ⁷⁵ ina bula va'a tabui ei na savasava vei 'oya, ina noda bula tauco'o. ⁷⁶ Io, o sa na vabatoai me dua na parofita nei OYA sa Cecere Sara, ni'o na la'o taumada ina mata ni Alou, mo va'arautaina na nona salevu, me dra va'arautai na tamata ina nona lesu mai. ⁷⁷ MEdra va'avulia viroga, ni salevu ni veiva'abulai vei edra na tamata sai 'oya na veiva'abo'oci ni nodra i valavala ca. ⁷⁸ Ena yaco na a e ena vu'u ni nona loloma levu na noda Alou, ni sa la'o sobu mai' na rarama mai cae me cilavi eda. ⁷⁹ me va'araramataini edra 'o edra sa tu ina butobuto vata ei na yaloyalo ni mate. E na va'adodonu taina na noda i la'ola'o i na salevu ni va'adegu. ⁸⁰ Sa tubu ca'e na yaqiti sa yalo matua mai, mai tio voli ga i loma ni le'utu, me yacova na siga me mai va'araita'i 'ina i Isireli.