¹ Oi au 'o Paula, e dua na i apositolo i Karisito Jisu, mai vei 'oya na Alou, vei edra na tamata ni Aloiu, mai Efeso, o edra sa dina vei Karisito Jisu. ² Me nomutou na loloma ei na va'acegu ni Alou na Tamada, ei na Turaga 'o Jisu Karisito. ³ Me va'acerecerei na Alou Tamada ei na Turaga 'o Jisu Karisito. ⁴ Sa digitaini eda na Alou mai na t'eivu ei vuravura me dina me da ua ni beitai i matana e na loloma. ⁵ Ni sa lesi eda na Alou meda luvena ena vu'ui Jisu Karisito, me ba'a na nona lewa dodonu. ⁶ Na noda wili me da luvena, sa yaco in a va'acerecerei na nona loloma levu soli wale vei eda, mai vei 'oya e lomani eda. ⁷ E na vu'u Jisu Karisito e da sa va'abulai ena vu'u ni nona dra ni sa bo oci na noda i valavala ca e na vu'u ni nona loloma levu. ⁸ Sa va'alevutaina na nona loloma vei eda ena vu'u ei na yalo matua. ⁹ Sa va'araitaina vei eda na Alou na a vuni me baleti oya, me bau na nona lewa, me bau sa mai va'araitaina 'o Jisu Karisito. ¹⁰ Me va'ayacori ina na i tuvatuva ina e na gauna, me yadia vata mai na 'o tauco'o mai lomalagi ei vuravura, mai vei 'oya na noda i li'uli'u levu 'o Jisu Karisito. ¹¹ E na vu'ui Karisito eda sa uvili e na nona votavota, me ba'a na nona i tuvatuva 'o 'oya e ca'ava na a tauco'o me ba'a na nona lewa. ¹² Na Alou e digitaini eda me da nonai votavota, o eda ma taumada na noda i nuinui vei Karisito, me va'acerecerei ina na nona lagilagi. ¹³ E na vu'ui Karisito, 'o eda viroga, ni da rogoca na i tu'utu'u dina ni Kosipeli ni noda va'abulai, me da va'abauti oya, 'o eda sa va'ataila'ilata'i ena Yalo Tabu yalatai. ¹⁴ 'O 'oya na i va'adei ni dona i votavota, me yacova na gauna edra sa rawata ina 'o edra na nona edra sa voli tu, me doai ina na nona loloma. ¹⁵ Ena vu'u ni a e, me teivu mai na gauna au ma rogoca ina na nomu va'abauta na Turaga 'o Jisu Karisito, ei na nomu loloma vei edra na tamata ni Alou, ¹⁶ Au sa maqa ni cegu na va'a vinavina'atain'a ti'o na loloma ni Alou baleti 'io, ei na noqu cavuti tio ti'o ina noqu qaqa ni masu. ¹⁷ Au sa masuta na Alou ni noda Turaga 'o Jisu Karisito, na Tama ni 'a va'a u'uu'u, me solia vei mutou na yalo ni vu'u, ei na i tu'utu'u matata, me mutou ilai 'oya ina. ¹⁸ Au sa masu me na va'araramatai na mata ni yalomutou, me rawa ni mutou ila na i nai ni nomutou acivi, ina u'uu'u levu ina edra maliwa na tamata tabu ni Alou. ¹⁹ I na noqu masu, au ma erea me mutou ila, na ena maqa ni va'atautauvatatai rwa, na levu ni nona kaukauwa vei eda o eda da va'abuatua, me ba'a na kaukauwa ni nona ca'aca'a. ²⁰ Na kaukauwa vata ga e, ma ca'ava 'o 'oya vei Karisito, ena nona va'aturi oya ca'e viro mai na mate, qai va'atiori 'oya ina liga matau i tamana sa i tio mai Lomalagi. ²¹ E va'ati'ori Karisito me siviti edra tauco'o na veiti'oti'o ni veiliutai, na kaukauwa, na lewa, ei na veiyaca tauco'o. 'O Karisito e na lewa, maqa walega e na gauna e, ena veigauna viroga sa bera mai. ²² Na Alou sa va'amalumalumutaina na 'a tauco'o ena ru'u ni tuwai Karisito, qai soli 'oya ina soqosoqo lotu me lewa na 'a tauco'o. ²³ Na yagona na i soqosoqo lotu, sa sinai 'o 'oya ina vei a tauco'o, sa va'asinaita na veia tauco'o ina a tauco'o.