¹ Ena gauna sa vosa ti'o ina o Pita ei Joni vei edra na tamata edra sa la'o mai vei drau o edra na Bete, ei nai liuliu ni vale ni lotu, ei edra na Setoki. ² Sa dua tani na nodra leqa ena vu'u ni nodra vei va'avulici tio o Pita ei Joni ena tuca'e viro, oya sa va'adinadinata'i ena tuca'e nei Jisu mai na mate. ³ Edra sa qai tarai drau me drau biu ina vate ni veivesu, ni sa yavi na vanua, me drau qai sere mai ni Siga torava me bau ni sa bogi tio na vanua. ⁴ Levu vei edra na tamata edra sa rogoca nai tu'utu'u edra sa va'abauta sa edra i wiliwili na tamata va'abauta e rauta ni lima na udolu na tagene. ⁵ Ena siga torava edra sa soqoni vata o edra na matua ei edra na dounilawa ei edra na vunivola i Jerusalemi. ⁶ O Anasa na bete levu ei Kaita, ei Joni, ei Ale Kisada ei edra na veiwe'oni vei oya na bete levu. ⁷ Edra sa qaibiuti Pita ei Joni ena edra veimoma me drau tarogi, "Ena kaukauwa ni yaca i cei drau sa ca'ava ina na a'e?" ⁸ O Pita sa sinai ena yalo tabu, sa aya vei edra, o emudou nai liuliu ni tamada ei mudou na matua. ⁹ E bau eirau va'atarogi ni u'a me baleta na ca'aca'a si'a sa ca'a vei dua na tauvi mate ei na salevu, cava be'a ma va'abulai ina. ¹⁰ Me ila'i vei emudou na Isireli tauco'o ni o oya na tamata e tuca'e sa bulabula si'a tu, ena yacai, Jisu ga na ai Nasareci oya mudou ma va'ota, sa va'aturi oya ca'e mai na mate na Alou. ¹¹ Jisu Karisito, o oya na vatui oya ma cata nai matai ni vale sa yaco mai va'adei ni a'bu ni vale. ¹² Sa maqa viro ni dua na bula vei dua na tamata, se dua na yaca e ru'u lomalagi me rawati i'na na bula. ¹³ Ni dra sa raica na daudau nei Pita ei Joni edra sa ila yawa ni drau maqa ni tamata vuli va'asia edra sa i'dacala ni drau dau raici vata voli ei Jisu. ¹⁴ Baleto nidra raici oya ma va'abulai ni sa tu vata voli ei edra, ia sa maqa ga ni dua na vosa edra sa aya rawa. ¹⁵ Edra sa va'aroti drau na apositolo, medrau biuta na matabose, medra vei vosa'i va'aedra ga. ¹⁶ Edra sa aya, "Na cava meda ca'ava vei drau na tamata e. 'E dra sa ila tauco'o na ti'o e Jerusalemi na ca'aca'a mona levu drau sa ca'ava na tamata eni, ia sa maqa ni rawa ni da ca'ita'ina. ¹⁷ Ia me tarova na ena dewa va'alevu na a'e ena edra maliwa na tamata, meda va'aroti drau me drau ua viro ni vosota'ina na yaca eni vei dua na tamata. ¹⁸ Edra sa qai a'civi drau, sa qai va'aroti drau me drau ua viro ni vosa se veiva'avulici viro ena Yaca i Jisu. ¹⁹ Sa qai aya o Pita ei Joni vei edra, "Evei e dodonu meu eirau va'arorogo vei miau se me eirau va'arorogo vei oya na Alou. ²⁰ "Keirau sa maqa ni rawa ni tarova neirau vosa ena vei a e'irau sa raica se rogoca." ²¹ Sa qai va'aroti Pita ei Joni, drau sa qai va'agalalata'i. Sa maqa ni raica edua na ulubale medrau totogi tai ina edra sa qai va'acaucautai'na na Alou ena vei a sa yaco. ²² Sa yaba'i vassagavulu va'acaca na tamata sa ca'a vei oya na ca'aca'a mana ni veiva'abulai. ²³ Ni drau sa va'agalalata'i, Pita ei Joni, drau sa la'o vei edra na tamata, drau la'i tovola ina na a edra aya na bete levu ei edra na matua. ²⁴ Ni dra sa rogoca, edra sa a'ci ena domo levu ena dua ga na ina'i vua na Alou edra sa aya vei edra. "Turaga miau bulia na lomalagi ei na vuravura e'ino waitui ei na a tauco'o etu ina. ²⁵ O sa vosa ena Yalo Tabu ena dra'a ni nomuia'u tamata vei Tevita na tamada "Na cava edra veina'i i'na na veimatanitu tani me dra va'asamata'ina na a maqa na betena. ²⁶ O i'o aya, "Na tui ei vuravura edra tuva i valu ei edra na daunilawa medra veicoqacoqa ei na Alou ei na Karisito." ²⁷ Ni drau mai sota vata ina o Eroti ei Ponitio Pailato e bau viro ga ena o edra na tamata na Isireli me vala ei Jisu o oya mia'u ma lumuta. ²⁸ Edra ma soqoni vata medra ca'ava tauco'o no vei'a miau ma sa lewa tu mai ena nomia'u kaukauwa ei na nomu'au i na'i mena va'ayacovi. ²⁹ Ia, ieni, Turaga miau raica mada nodra veiva'arerei me mi'au solia vei eimami na nomuni tamata na yalodoudou me eimami tovola na nomiau vosa. ³⁰ Dodo'a ca'e na ligamu me vo'abulai, me solia na va'atailei'la, ei na ca'aca'a mana ena yaca i oya na nomuni turaga o Jisu. ³¹ Ni sa oti na masu, na vanua edra na sota vata ina nona sa Yavavala medra va'asinaiti ena Yalo Tabu, edra qai vosatai'na na vosa ni Alou ena yalodoudou. ³² Nai wiliwili levu vei edra na va'abauta edra yalovala, lomavata, ia maqa ni dua e aya me tau'ena duadua edua na a me nona ga, ia edra sa tau'ena vata nodra i yau. ³³ Ena kaukawa levu, dratou sa tovola nai apositao na tuca'e viro ni turaga o Jisu, sa qai va'alougatata'ini edra sara va'alevu na Alou. ³⁴ Maqa ni dua vei edra me lewa ena dua na a ni dra sa volitaina na nodra ti'i ni dre'a ei na nodra vale medra a'uta na edra i sau ni sa volita'i oti. ³⁵ Medra biuta ena yavadratou nai apositolo, medra wasea vata me bau sara ga na nodra gagadre. ³⁶ Joseva, o oya dau aciva o dratou nai apositolo ni o Parapasa (ena i balebale na luveni Dauveiva'ayaloqaqata'i), o oya edua na luveni divai ma sucu mai saipurusi. ³⁷ Na volitai'na edua na loma ni bai ma nona qai a'uta mai na ena isau me biuta e yavadratou nai apositolo.