¹ Ni dratou sa la'o vi Amifipoli 'ei Apolonia, dratou sa yaco i Cesalonaika, sa tu 'ina edua na nodra vale ni lotu na 'ai jutia. ² Sa curu 'ina vei 'edra o Paula me bau na nodrai valavala ni dau tolu na siga ni va'acecegu sa va'a vulici 'edra 'ina mai na vola Tabu. ³ Ni sa va'arai ta'ina a va'adinata, ni sa i'lii'li 'ei na Karisito me vosota na mate, me tuca'e viro mai na mate me bau ni o 'o'ya na "Karisito, o Jisu o 'oya au sa vunauta'ina vei miau." ⁴ Edra sa va'abauta eso medra la'i veito'ani 'ei Paula 'ei Sailasa 'ei 'edra na lewe vuqa na 'ai Kirisi 'edra ma lotu va'a-Jiu, 'ei 'edra na matua yalewa dra sa maqa ni lewe qisi. ⁵ Edra sa vuvu na Jiu, 'edra sa yadia eso vei 'edra na aisi botoboto, 'edra sa va'asoqoni 'edra vata na lewe vuqa, medra va'atubu ue ena o'ro 'edra sa 'ada va'akaukauwa ina vale nei Jesoni medra seqata medra yadi dratou vei 'edra na lewe ni o'ro. ⁶ Ni dra sa maqa ni raici dratou 'edra sa yarataini Jesoni 'ei 'edra na veiwe'ani eso vei 'edra na turaga ni o'ro, qai'aci, "O edratou eni 'edratou sa vu'ici vuravura me ca, dratou sa yaco viroga mai ei. ⁷ Sa yadi dratou o Jesoni i nona vale 'edra sa talaidredre o 'edra tauco'o ina vunau i sisa 'edra sa tovola sa dua viro na Tui, o Jisu. ⁸ E dra sa vai'daca! ata'ini 'edra na lewe ni 'oro 'ei 'edra na Turaga ni dra sa rogoca na 'a tauco'o eni. ⁹ Nidra sa va'abauta na yalayala i Jesoni 'ei 'edra na tani, 'edra sa qai sere'i edra medra la'o. ¹⁰ O edra na vei we'ani 'edra sa va'atotolo medra talai Paula 'ei SAilasa i Peria ena bogi, nidrau sa yaco i a'rai, drau sa la'o ina nodra vale ni lotu na 'ai Jutia. ¹¹ Edra sa 'asi'a sara mai vei 'edra na 'ai Cesalonaika o Edra eni ena yalo va'aturaga, nidra sa va'arogoca 'na vosa ena loma e si'ata sara nidra sa dau va'ararai enai vola Tabu ena vei siga, se sa bau a'rai, se maqa. ¹² O 'oya eni 'edra sa lewe levu 'ina 'edra sa va'abauta 'ei 'edra viroga na matua yalewa ni Kirisi, 'ei 'edra na tagane, 'edra sa maqa ni lewe qisi. ¹³ I'a nidra sa 'ila a 'edra na Jiu mai Cesalonaika ni sa vunauta'ina na vosa ni Alou o Paula mai Peria, 'Edra sa la'o viroga 'ina me yavalati 'edra na lewe vuqa. ¹⁴ Edra sa va'atotola na veiwe'ani medra tatai Paula ya'e me la'o ina wasawasa, sa ti'o voli ga mai a'rai o Sailasa ei Timoci. ¹⁵ I'a o 'edra sa va'a raici Paula 'edra sa yadia i Aceni, Sa tau vei 'edra nai va'aro vei Sailasa ei Timoci me drau la'o va'atotolo mai vei drau, 'edra sa qai la'o. ¹⁶ Ni sa vara'ina drau ti'o mai Aceni o Paula, sa rarawa va'alevu na lomana, ni sa raica sa oso na 'oro e na vei matakau. ¹⁷ O 'oya sa veiba 'ina o 'oya 'ei 'edra na 'ai Jitia e na nodra vale ni lotu, 'ei 'edra viroga na tani 'edra sa lotu, 'ei 'edra viroga 'edra sa sota ena vara ni veivoli ena veisiga. ¹⁸ Edra sa qai veiba eso na nodra vu'u nai to'ani i Epikuro, 'ei 'edra na Sitoike. Eso dra tovo,a "Na cava mada sa dei tovola na dauvosa eni?" eso tani, o o'ya eni sa va'araita'ina mai eso na Alou vou, ni sa vunauta'ini Jisu vei 'edra o o'ya 'ei na tu ca'e viro mai na mate. ¹⁹ Edra sa qai tarai o'ya me yadi o'ya ca'e ina vanua tau i cae mai Arisi sa tovola "Ena rawa le'a vei 'eimami me eimami 'ila se cava nai va'avuvuli vou dra sa mai tovola? ²⁰ Edra sa yadia mai eso na vei'a e veiva'urabuit'ai i na daligai'eimami, 'eimami sa dei 'ila se cava na 'enai balebale. ²¹ (Ni sa maqa na 'a tani 'edra sa dau ca'ava o 'edra na 'ai Aceni, 'ei 'edra na vunilagi dra sa ti'o 'ina medra veitovolita'ina se vogoca edua na a' vou.) ²² Sa qai tu ca'e tu o Paula ena loma ni vanua tau i ca'e nei Arisi, qai tovola, "O miau na 'ai Aceni, au sa raica na a tauco'o ni miau sa daulotou va'alevu. ²³ Niu sa la'o voli, au sa raica na na vei'a miau sa lotu 'ina, au sa raica viroga edua na vanua ni nomiau soalou, sa volai 'ina, "VUA NA ALOU E MAQA NI ILAI." Ia o 'oyua miau sa lotu 'ina miau sa maqa ni 'ila, niu sa tovola vei miau. ²⁴ Na Alou e bulia na vuravura 'ei na 'a tauco'o sa tu'ina. Na Turaga o 'oya mai lomalagi 'ei vuravura, o 'oya sa maqa ni ti'o ena dua na vale ni Lotu sa tara ena liga. ²⁵ Sa maqa viroga ni qaravi ena liga ni tamata, me bau ni maqa ni dua na a' e yaga vei oya, Ni sa solia ga o 'oya vei 'eda tauco'o na bula 'ei nai cegu, 'ei na 'a tauco'o. ²⁶ Sa buli 'edra sa dra vata na lewe ni veivanua tauco'o medra ti'o ena dela i vuravura tauco'o. Sa lesia na veigauna sa digita'i taumada, 'ei nai yalayala ni nodra yasana. ²⁷ Medra va'a raica na Alou, de dra na qai va'acacara be'a vei oya. A raica, ni sa maqa ni yawa o 'oya vei 'eda yadua. ²⁸ Eda sa bula vei 'oya a yavala da rawata mai vei 'oya na noda bula, me bau viroga sa tovola o 'edra na daunisere eso, Eda sa nona a wa viroga. ²⁹ I'e nida sa 'awa ni Alou, sa maqa ni dodonu meda nanuma ni sa tautauvata na Alou 'ei na Koula se na liliva se na vatu, se ceuta na matai se tamata vu'u. ³⁰ Nau gauna ni lialia sa vosota oti na Alou, Sa va'avota ena siga ni 'ua vei 'edra na tamata tauco'o ena veivanua tauco'o medra veivutuni. ³¹ Sa lo'uci oti tu na noda siga ena lewai vuravura 'ina ena lewa e dodonu, vei 'oya na tamata sa Jesia o 'oya, sa va'adinadina 'ina vei 'edra na tamata tauco'o e na nona va'aturi 'oya ca'e viro mai na mate." ³² I'a nidra sa rooca viro na tuca'e mai na mate, sa va'alialiai o 'edra eso, eso dra tovola, "Eitou sa rogoci i'o viro ina a'eni." ³³ Sa qai la'o tani ya'e ena 'edra maliwa o Paula. ³⁴ Edra sa abiti 'oya eso na tamata, 'edra sa va'abauta; edua vei'edra o Taionisio mai na mataveilewai ena vanua tau-i-cae nei Arisi, 'ei na yalewa sa va'ato'ai o Tamarisi o drau 'ei 'edra viro eso.