¹ I'a sa la'o sobu mai Jiutia eso, a va'avulici edra na veiwe'ani E bau edra sa maqa ni va'asavasavata'i me bau nai valavala i Mosese, edra na maqa ni va'abulai rawa. ² I'a nidra sa veivosa'i va'alevu, a veiba vei drau o Paula ei Panapasa edra sa lesi drau ei edra viro eso, medratou la'o cae i Jerusalemi vei 'edratou nai apositolo,ei edra na matua ena vu'u ni a eni. ³ Edra sa talatala vei edra nai soqosoqo lewe ni lotu dratou sa laovi Finaisi ei Samaria, medratou tovola ina ni sa sauma'i mai o edra na matanitu tani, edra sa va'amarautaini edra va'alevu na veiweani tauco'o. ⁴ I'a nidratou sa yaco i Jerusalemi, sa mai va'acegui dratou o edra nai soqosoqo lewe ni lotu, ei edra nai apositolo, ei edra na matua dratou sa tovola na'a tauco'o sa ca'aava na Alou ni sa veivu'e vei dratou. ⁵ Edra sa tu ca'e eso na nodrai to'ani na Farisi edra sa va'abauta, dra tovola, "Sa dodonu medra va'asavasava tai me va'aroti viroga vei edra medra talairawarawa nia vunau i Mosese." ⁶ Dra sa soqoni vata mai o edra nai apositolo, ei edra na matua medra bosea na eni. ⁷ I'a ni sa levu na nodra veileti sa tu ca'e o Pita qai tovola vei edra, "O miau na vei we'ani, miau sa ila sa digitaini au, maivei eda na Alou, ina gauna ma'awa sara medra rogoca ina na vosa ni tu'utu'u- sia o edra na vei matanitu tani, medra va'abauta. ⁸ I'a na Alou o oya sa i'la na yaloda, sa va'adinadina vei edra ni sa solia vei edra na Yalo Tabu, me bau ga va'edra. ⁹ Sa maqa ni dua e siati eda ca'e mai vei edra , me va'asavasavatai ga na yalo dra ena va'abauta. ¹⁰ I'a na cava miau sa qai va'atovolea va'aca ina na Alou miau va'ataqara na i vua ina domodra 'edra sa lotu, eda sa maqa ni colata rawa o eda se o edra na matua? ¹¹ I'a eda sa va'adinata nida sa bula ena loloma ni noda Turaga o Jisu Karisito, me bau viroga o edra ena. ¹² Saqai va'agagalu o edra na lewe vuqa, medra rogoci Panapasa ei Paula, nidra sa tovola na veiva'atai'lai'la ei via vei vei va'uvabuitai, sa ca'ava na Alou ena ligadrau ei na edra maliwa na veimatanitu tani. ¹³ I'a ni sa tini na nodra i tu'utu'u sa vosa o Jemesa, qai tovola, "O miau na vei we'ani miau rogoci au mai. ¹⁴ Sa tovola oti a Saimone se sa lai a'uta mai va'acava i mada na Alou eso na tamata mai vei edra na vei matanitu tani, me ti'o vei edra na yacadra. ¹⁵ I'a na eni sa va'adonui vata ei na nodra vosa na parofita; me bau na a sa volai, ¹⁶ Ni sa oti na a' tauco'o eni au na lesu mai meu tara viro na vale i Tevita ma sa lutu sobu. I'a au na tara viro na e'na ma sa vusa meu na va'atura viro mai. ¹⁷ Medra va'araica na turaga o edra na tamata sa vo, ei edra tauco'o na veimatanitu tani, edra sa va'ayacani ena yacaqu. ¹⁸ Sa tovola na Turaga, o 'oya sa va'araitaina na a tauco'o eni mai nai va'ateivu ei vuravura. ¹⁹ O 'oya au sa lewa ina meda u'a ni va'a ocai edra, edra sa saumai mai vei 'oya na Alou, mai vei edra na veimatanitu tani. ²⁰ Meda volavola vei edra, me tabu vei edra na qarava na matakau na daudara viroga, ei na ci sa u'na ei na dra. ²¹ Nidra sa ti'o walili ena veioro tauco'o o edra sa vunautaini Mosese nidra sa wilia ena vei vale ni Lotu ena veisiga ni va'acecegu. ²² Sa va qai si'ata o edra nai apositilo ei edra na matua, ei edra tauco'o nai soqosoqo lewe ni lotu, me digitai eso na tamata mai vei edra me va'atalai meda la'o vata ei Paula ei Panapasa i Anitioki I Jutasa na yacana viroga o Parisapa ei Sailasa drau sa taumada vei edra na veiwe'ani. ²³ Edra sa volavola medratou auta; "oi eimami nai apositolo ei na matua, eimami sa loloma tu ya'e vei miau na veiwe'ani sa matanitu tani mai Anitioki ei Siria ei Silisia. ²⁴ Ni 'eimami ma rogoca, edra sa la'o tani mai vei eimami eso edra sa mai va'atauitaina na va'avuvuli ena nodra vosa edra sa vu'i ca tani na lomamudou, ia eimami sa maqa ni talai edra. ²⁵ Sa qai asia vei eimami ni eimami sa soqoni vata a loma vata me digitai eso na tamata me talai vei emudou mevatou la'o vata ei drau na daulomani O Panapasa a Paula. ²⁶ A tamata drau sa bolea na mate ana vi'u ni yacana va noda Turaga o Jisu Karisito. ²⁷ O 'oya eimami sa talai Jutasa ei Sailasa, drau ma tovola viroga na vei a' eni ena dra'adrau. ²⁸ Ni sa a'sia va 'oya na Yalo Tabu vei eimami viroga, me eimami u'a ni tauca vei emudou nai colacola levu, ei ga ni sa a dodonu. ²⁹ Me tabu veiemudou na vei'a sa cabo ina matakau, na dra viroga, ei na a' sa nina, ei na daudara: ia ebau mudou qarauni emudou mai na veia eni, deu na ca'a si'a sa loloma." ³⁰ I'a nidratou sa talai dratou sa la'o i Anitioki; ia nidratou sa va'asoqoni edra vata na lewe vuqa, dratou sa solia nai vola: ³¹ I'a nidra sa wili'a oti, edra sa marau ena vu'u ni veiva'acegui. ³² I'a o Jiutasa ei Sailasa, drau sai va'avuvuli viroga drau sa va'abulici edra na veiwe'ani ena levu na vosa ni vei va'ataudei tai. ³³ I'a nidratou sa ti'o bogi vica dra sa qai va'atalai edratou o edra na veiwe'ani ena va'acegu vei edra nai apositolo. ³⁴ I'a sa si'ata o Sailasa me ti'oti'o ga mai arai. ³⁵ I'a o Paula ei Sailasa, drau sa ti'o mai Anitioki drau sa va'avuvuli a vunau taina na vosa ni Turaga, ei edra na tani e lewe vuqa. ³⁶ Sa bogi vica, sa qai tovola o Paula vei Panapasa Medrau la'o viro mada medrau raica se sa va'a cava o edra na We'ana ena vei 'oro tauco'o drau ma vunautaina na vosa ni Turaga, ei edra na tani e lewe vuqa. ³⁷ Sa nanuma o Panapasa medrau a'uti Joni na yacana viroga o Marika. ³⁸ Sa maqa ni siata o Paula me drau auti oya, ni sa biuti drau tau mada mai Pamifilia o oya ia ma maqa ni la'o vata ei drau ina ca'aca'a. ³⁹ Sa kaukauwa na nodratou veiba, drau sa dui la'o ina, sa auti Marika o Panapasa, drau sa so'o i Kipiro: ⁴⁰ Sa digita'ini Sailasa o Paula, drau sa la'o ya'e ni sa tatauna'ini drau i'na loloma ni Alou o 'edra na veiwe'ani. ⁴¹ Sa la'o voli o oya mai Siria 'ei Silisia, sa va'ataudei ta'ini 'edra ina na veisoqosoqo lewe ni lotu.