¹ Au sa solia na i va'aro bibi e na mata ni Alou vata 'ei Karisito Jisu, o 'oya e na lewai 'era na bula 'ei 'edra na mate me baleta na nona na rairai mei 'ei na nona matanitu. ² Vurauta'ina na vosa; mo va'arau tu 'e na veigauna si'a 'ei na veigauna ca. Mo vunauci 'edra sa cala mo va'atata'ini 'edra ca'e 'ena dauvosota ei na va'atavuvuli. ³ Ni na yaco mai na gauna 'edra na maqa ni dei rogoca na va'avuvuli dodonu. Ia, edra na va'aso'umuna e levu na dauveiva'atavuli ci me sotava na noda gagadre ca. o 'oya 'edra na va'atavulica na 'a e rogorogo si'a i daligadra 'edra si'ata me dra rogoca. ⁴ 'Edra na vu'i tani mai na va'avuvuli dina me dra va'arogoca na i tu'utu'u wale. ⁵ Ia o emudou, mudou yalomatua e na 'a tauco'o. Dou vosota na vei 'a dredre dou ca'ava na ca'aca'a ni va'atavuvuli, va'ayacora na 'a 'o sa lesi 'ina e na nanu ca'aca'a va'a i talatala. ⁶ Au sa va'arau tu me'u livira'i, sa volea mai na gauna me'u sa to'i tani ya'e. ⁷ Au sa valu oti ena i valu si'a au sa 'adava oti na cere; au sa tara matua na va'abauta. ⁸ Sa wara'inai au na i sala ni yalododonu, o 'oya na Turaga, na Turaganilewa dodonu, o 'oya e na solia vei au e na siga 'arai, a maqa walega vei au, ia, vei 'edra tauco'o 'edra sa marauta'ina na nona rairai mai. ⁹ Gumatua mo la'o va'atotolo mai vei au. ¹⁰ Ni sa biuti au o Timasa.Sa lomana va'alevu o 'oya na vuravura eni; sa mani la'o i Cesalonaika, . O Kirisiki sa la'o i Kalatia; o Taito sa la'o i Talimetia. ¹¹ O Luke duadua ga sa ti'o vata 'ei au. Raici Marika; yadi 'oya mai baleta ni yaga va'alevu o 'oya vei au e na ca'aca'a. ¹² Au sa talai Tikiko i Efeso. ¹³ Na Kote au ma biuta tu ya'e i Tiroa vei Karipo, yadia mai e na gauna o sa na la'o mai 'inai vata ei na i vola, va'abibi na i vola uli ni sipi. ¹⁴ O Alekisada, na dau ca'a varasa, sa ca'ava e levu na i valavala ca vei ay. Ena sauma na Turaga vei 'oya me bau na nona i valavala ca. ¹⁵ 'E dodonu mudou taqoma'ini emudou mai vei 'oya baleta ma saqata sara va'alevu na nodatou vosa o 'oya. ¹⁶ Na i matai ni noqu tovola na 'a baleti au, ma maqa ni dua ma to vata 'ei au. Edra ma biuti au tauco'o. Me na 'ua ni dra beita'i 'ina. ¹⁷ Ia na Turaga ma tu va'a 'ei au. Sa va'akaukauwa ta'ini au, baleta 'e na vu'uqu me na va'ayacovi tauco'o 'ina na 'ena vurauta'i na i tu'utu'u si'a, me da na rogoca na 'ai matanitu toni. Au ma va'abulai mai na dra'a ni laione. ¹⁸ Na Turaga 'e na va'abulai au mai na vei ca'aca'a ca tauco'o, e na va'abulai au meu na rawata na matanitu va'a lomalagi. Me nona na lagilagi me tawamudu. Emeni. ¹⁹ Au sa loloma vei virisila Akuila vata 'ei na matavuvale nei Onisiforo. ²⁰ O erasito se ti'o voliga mai Korinica, ia, o Tirofime au biuti 'oya me ti'o mada mai Milito baleta ni se tauvimate ti'o. ²¹ Gumatua sara mo la'o mai ni bera na vula ni liwaliwa. Sa loloma tu ya'e o Upolo, o Putena viroga, o Laina, o Kilotia vata 'ei 'edra tauco'o na viewe'ani. ²² Me na ti'o vata ei na yalomudou na Turaga. ME ti'o vata 'ei 'emudou na nona loloma.