¹ O 'oya eni na luvequ, me qaqa e na loloma sa ti'o vei Karisito Jisu. ² NA vei 'a o sa rogaca mai vei au e matadra na lewe levu va'atavulica vei 'edra na tamata sa yalodina me rawa ni dra va'atavulici 'edra viro e so. ³ Vosota vata 'ei au na vei a rarawa me vau na so tia yalodina nei Karisito Jisu. ⁴ Sa maqa ni dua na sotia e rawa ni veiqaravi 'e bau sa va'aogai 'oya 'e na vei 'a ni bula eni, me rawa ni na va'ayalosi'ata'ina na nona turaga. ⁵ E bau viroga e dua sa veisisivi ma bau o 'edra na dau waqe, ena maqa ni cava tara i cocovi va'aro 'e va'amuria na lawa ni veisisivi. ⁶ 'E dodonu vei 'oya na dau teitei, dauca'aca'a va'agugumatua me tauca tau mada na vua ni nona i tei. ⁷ Va'ananuma na 'a au ti'o, ni Turaga 'e na solia vei 'emudou na 'ila 'a e na vei 'a tauco'o. ⁸ Nanumi Jisu Karisito na 'awa i Tevita, o 'oya ma tuca'e viro mai na mate. I eni sa yaco me bau na noqu i vunau e na Kosipeli, ⁹ o 'oya au sa va'ararawata'i ti'o 'ina sa vole'a 'ina meu vesu 'e na sinucodo me bau na tamata cala. Ia, na vosa ni Alou sa maqa ni vesui. ¹⁰ O 'oya 'ina eni, au sa vosota na 'a tauco'o 'e na vu'uda sa digita'i me rawa viroga ni nodra na veiva'abulai sa ti'o vei Karisito Jisu, vata 'ei na i serau tawamudu. ¹¹ I eni e dua na i vosavosa dina! "E bau 'eda ma mate vata 'ei 'oya, 'eda na bula vata viroga vata 'ei 'oya. ¹² 'E bau eda na vosota, 'eda na lewa vata viroga vata 'ei 'oya. E bau 'eda na ca'ita'ini 'oya, 'e na ca'ita'ini 'eda viroga o 'oya. ¹³ E bau 'eda na maqa ni dinati 'oya, o 'oya e na dina ti'oga baleta a maqa ni rawa ni ca'ita'ini 'oya va'ata'ini 'oya o 'oya." ¹⁴ Va'ananumi 'edra ti'o 'ena vei 'a eni. Va'avoti 'edra e na mata ni Alou me dra 'ua ni dauveiba me baleta na vosa ni sa maqa ni yaga, ia 'ena va'arusai 'edra walega na va'arorogo. ¹⁵ Va'araita'ini i'o mo 'a si'a sara e na mata ni Alou, me bau edua sa va'adonui, na tamata dauca'aca'a sa maqa ni dua na 'a me madua 'ina, o 'oya sa wasea va'adodonu na vosa ni dina. ^{18 16} La'o tani mai na dauvosa va'acaca 'ei na vosa wale sa dau va'avuna va'alevu na veiba sa maqa ni va-Alou. ¹⁷ Na nodra vosa e na 'a'ana ti'o me bau na vidioso ca, sa bau 'ina ena o Imeneovata 'ei Filiti, 18 ni drau sa vu'i tani mai na dina. Dau 'aya ni sa yaco oti na tuca'e viro mai na mate, sa yaco 'ina me drau va'amatea na nodra va'abauta e so. ¹⁹ Ia na yavu ni Alou Sa tudei. Sa volai 'ina "Na Alou sa 'ilai 'edra o 'edra sa nona," ei, "O 'oya va'ayadua sa va'ayacani e na yaca ni Turaga, me dra la'o tani mai ma i valavala ca." ²⁰ 'Ena vale ni tamata vutuniyau, a maqa ni tu walega 'ina na bilo koula 'ei na bilo siliva. Sa tu viroga 'ina na bilo 'acu 'ei na bilo dre'a. E so vei 'edra eni sa 'a talei, seo sa maqa ni a talei. ²¹ 'E bau edua sa va'asavasavata'ini 'oya mai na vei 'a eni, sa yaco me bilo talei. Sa tawasei tani me yaga vei 'oya na Turaga, sa va'arau tu me ca'ava na ca'aca'a si'a tauco'o. ²² Mo vuli tani mai na gagadre sa va'ayaqiti tagane, va'ayasava na yalododonu va va'abauta, na loloma 'ei na va'acegu vei 'edra va'ayadua sa 'aciva na Turaga e na yalosavasava. ²³ Mo vuli tani mai na veiba lialia 'eda maqa ni va'avulici 'ina. Dou 'ila ni dau va'asucuma na veiba. ²⁴ Na tamata ni Turaga sa maqa ni dodonu me dra dau veiba. Ia e dodonu ga me dra dau yalomalumalumu vei 'edra tauco'o na tamata me rawa ni dau veiva'atavulici, dau vosota, ²⁵ va'adodonuta'ini 'edra na dau veisaqasaqa vata 'ei 'oya, e na yalo malumalumu. De dua na Alou 'e na solia vei 'edra na veivutuni me dra 'ila na 'a dina. ²⁶ Me na rawa ni dra bula viro mai na i lawa'i ni tevoro, ni oti nodra vesu'i mai vei 'oya me dra muria na lomana.