¹ Ni da ca'aca'a vata ei 'oya, eitou sa va'amasuti mutou me mutou ua ni vawaletaina na loloma ni Alou. ² Ni 'aya 'o 'oya, - "Ina gauna si a au ma auwai vei mutou, ina gauna ni bula au ma au ma vuei mutou. "Raica ie na gauna sia. Raica e na siga ni bula." ³ Eitou maqa ni biuta e dua na vatu ni veiva'atacaqetai vei dua, ni eitou maqa ni siata me beitai na ca'aca'a va'a i talatala. ⁴ Ia ina veisalevu tauco'o eimani soli eimami 'ina i na ca'aca'a ni Alou, in a yalo e dauvosota, i na a rarawa, ina veia dredre, ⁵ ina veimotu, i na vale ni veivesu, ina dau ca'aca'a, ina moce va'aca ina dei ana, ⁶ Ina i tovo savasava, ina vu'u, i na dau vosota, i na i tavo sia, i na Yalo Tabu, i na loloma dina, ⁷ i na va'avuvuli dina, i na kaukauwa ni Alou, i na i yaragi ni yalo dodonu ina ligana i matau ei na ligena i mawi. ⁸ Ni da sa nona tamata ca'aca'a na Alou, i na ro'ovi, ina beci, mai na veibeitai ina va'acerecerei, eitou sa wili me eitou dauveiva'acalai ia eitou sa dina ga; ⁹ mai na maqa ni ilai, mai vei 'o ilai va'asia me ba'a na mate raica eda sa bula ti'o, me ba'a eda va'avulici ia eda mawa ni va'a matei ¹⁰ eda rarawa, ia eda marau ti'o eda dravudravua, ia eda sa va'avutuniyaut'ai me ba'a e maqa vei eda na 'a io e da tau'ena na 'a tauco'o. ¹¹ Eitou sa tovola na a dina tauco'o vei io Korinica, ei na yaloi eitou sa tadola tu. ¹² Eitou maqa ni va'aleqai mutou, o mutou ga sa leqa ni yalomutou. ¹³ Ie, me savasava na veisau, au sa vosa vei mutou me bau au vosa vei edra na yaqiti. Me savasava na yalomutou. ¹⁴ Mutou ua ni veito'ani vata ei edra sa maqa ni va'abauta. Me drau veitoani rawa va'acava na yalo dodonu ei na dau talaidredre. Drau na veiweani va'acava na rarama ei na butobuto? ¹⁵ Ei na veidinadinadinati cavae tio ena vale ni Alou ei na matakau? ¹⁶ Ni'o eda, eda sa vale ni Alou bula, me bau ga e 'aya na Alou, "Au na ti'o vata ei edra, Au na la'o ena edra maliwa, Au na nodra Alou ia edra na noqu tamata." ¹⁷ 'O oya e, "Mo la'o tani mai na edra maliwa, ia mutou tawasei tu" sa aya na Turaga. Ua ni tara na 'a sa maqa ni savasava au na qai ciqomi mutou. ¹⁸ "Au sa na tamamutou, mutou sa na luvequ yalewa ei na luvequ tagane." Sa aya na Turaga Kaukauwa.