¹ 'Ua ni vunauca va'akaukauwa na matua tagane. Ia mo va'aroti oya ga va'amalua me bau o va'arola e dua na tama. Va'aroti 'edra na qiti tagane me bau o va'arota na tacimu, ² na matua yalewa me bau na tina, 'ei na qitiyalewa me bau na tacimu me na savasava. ³ Do'ai 'edra na yalewa yada dina. ⁴ E dua na yada sa va'aluveni se va'avuani e dodonu me dra va'avulica taumada na luvena 'ei 'edra na vuana me dra ca'ava na nodra i tavi va'alotu e na nodra matavuvale. Me saumi lesu na nodra dinau vei 'edra na no dra i tubutubu ni sa 'a si'a vei 'oya na Alou. ⁵ Na yalewa yada dina sa i oya sa ti'o duadua voliga, sa maqa e qaravi 'oya. Sa va'anuinui vei oya na Alou qai va'ayagata'ina na nona gauna tauco'o, e na siga 'ei na bogi e na masu 'ei na va'ata ere, ⁶ ia, na yada sa dau guta na marau sa mate ga ni sa bula la'o. ⁷ Dau va'arota na vei 'a eni me dra 'ua ni cala 'ina na yada. ⁸ Ia, 'e dua a maqa ni qaravi 'edra na we'ana va'abibi vei 'edra na nona lewe ni matavuvale sa ca'ita'ina na va'abauta, sa ca va'alevu ca'e mai vei 'oya sa tawa va'abauta. ⁹ Me 'ua ni wili e na 'edra i vola na yada e dua se veva ni yacova na yaba'i onosagavulu, ia, me dua ga na watina. ¹⁰ Me rogo e na nona ca'aca'a si'a bau e dua na yalewa sa susugi 'edra va'asi'a na luvena, se dau dolava na nona vale vei 'edra na vulagi, se dau savata na tuwadra, na tamata ni Alou se dau vu'ei 'edra na leqa, qai soli 'oya i na vei ca'aca'a si'a tauco'o. ¹¹ Ua ni vola na yacadra na yada yaqiti e na i vola baleta na gauna e na gole tani 'ina na yalodra mai vei Karisito, 'edra na dei va'awati viro. ¹² Ia, 'edra na qai va'alewai e na vu'u ni nodra voro'a na nodra vosa ni yalayala taumada. ¹³ Edra sa dau veila'oya'i e na veivale, yaco 'ina me dra vucesa; maqa ni dra vucesa wale ga; 'edra ua dau veiyadiya'ina na 'a ca, 'edra dau va'avu 'ca, dau vosata'ina na vei 'a maqa ni 'ili'ili. ¹⁴ E'a si'a ca'e me dra va'awati na yada yaqiti me dra va'aluveni me rawa ni dra qarava na no dra matavuvale, me 'ua ni solia 'ina vei 'oya na meca e dua na gauna me vosa va'acacata'ini 'eda 'ina. ¹⁵ E so na yada 'edra na vu'i tani me dra muri Setani. ¹⁶ E so na yalewa lotu e ti'o e so na we'ana 'edra yada e na nona vale, me vu'ei 'edra me 'ua ina ni va'a i colacola ta'ina na i soqosoqo lotu me rawa ni vu'ei 'ina o 'edra na yada dina. ¹⁷ O 'edra na matua 'edra qarava va'asi'a na nodra ca'aca'a e yaga ni va'asamata'i me va'aruata'i na nodra i votavota va'abibi o 'edra 'edra ca'aca'a va'agumatua 'e na vunau ei na veiva'atavulici. ¹⁸ Ni sa 'aya ni vola Tabu, "Mo 'ua ni vesu'a na dra'a ni bulumakau ni butu sila ti'o; sa dodonu me soli vei 'oya na tamata ca'aca'a na 'ena i sau dodonu. ¹⁹ Mo 'ua ni va'adinati e dua na 'a e beita'i 'ina e dua na matua ni lotu, va'aro e rua se tolu na 'ena va'adinadina e dratou ti'o. ²⁰ Vunauci 'edra o 'edra sa cala e matadra na tamata me dra rere 'ina na 'ena vo. ²¹ Au sa va'aroti i'o ena mata ni Alou ei Jisu Karisito 'ei 'edra na agilosi digita'i mo muria na vei va'aro eni, me dodonu na nomu va'atulewa me 'ua na veitota'i. ²² 'Ua ni va'usa'usa e na nomu veitaba'i e na ligamu, 'ua ni va'aitavi e na nona ca e dua na tamata, mo maroroi i'o mo savasava. ²³ E dodonu mo 'ua ni unu waidranu ti'oga, ia, mo unuma va'aqisi na waini me baleta na etemu ei na veimate sa dau tauvi i'o va'alevu. ²⁴ Sa 'unevotu na nodra i valavala ca e so na tamata sa yadi 'edra e na veilewai ia, na no dra i valavala ca eso e na qai 'une va'amalua ga mai e na dua na gauna i muri. ²⁵ Sa bau viroga ena na 'ena 'unevotu na ca'aca'a si'a, ia, e na maqa ni rawa ni vunita'i me tawamudu.