¹ Sa dina na i vosavosa eni: "O 'oya sa si'ata na ca'ava'a va'a i i talatala qase sa si'ata me ca'ava na ca'aca'a si'a. ² Nai talatala qase me 'ua ni va'amelei rawa e na dua na 'a me dua ga na watia, me yalomalumalumu, me yalomatua, me i tovo si'a, me dau va'acegui 'edra na tamata e na nona vale, me yalo si'a qai ma'utu vi veiva'atavulici. ³ Mo 'ua ni dau maleni se i tovo kaukauwa, ia, me yalo malua, me yalo malumalumu, me 'ua ni dau lomana na i lavo. ⁴ Me rawa ni lewa va'a si'a na nona matavuvale, me tuberi 'edra na lewena, me dra talairawarawa, me dra vo'ovi 'oya viroga e na vei 'a tauco'o. ⁵ E bau e dua na tamata a maqa ni rawa ni lewa va'asi'a na nona matavuvale, e na rawa va'acava me raica va'asi'a edua na i soqosoqo lotu ni Alou? ⁶ Me 'ua ni dua a maqa ni matua nona bula va'ayalo baleta ni rawa ni yaco 'ina me viavialevu qai lutu e na veiva'acacani me bau sa yaco vei 'oya na tevoro. ⁷ E dodonu me tamata e 'a si'a na 'ena i rogorogo vei 'edra na tawa lotu, me 'ua 'ina ni lutu se rogorogo ca, 'ei na veicori ni tevoro. ⁸ O 'edra na tuirara e dodonu me dra tamata i tovo si'a qai yalodina; ma dra ua ni dau veivosaya'i, me dra 'ua dau matani va'a lev e na waini, me dra 'ua ni dau'o co'oco. ⁹ Ia, me dra tara matua na dina titobu ni nodra va'abauta e na savasava ni nodra lewa e loma. ¹⁰ E dodonu me dra va'atovole i taumada, e maqa na 'a 'edra beita'i rawa 'ina me qai va'atarai me dra ca'aca'a va'atuirara. ¹¹ Me bau viroga 'ina na dui watidra me dra yalomatua ia, me 'ua ni dra dau vosa va'acaca; me dra yalomalua medra dau dina viroga e na vei 'a tauco'o. ¹² Na tuirara me dua ga na watina. E dodonu me dra lewai 'edra va'asi'a na luvena 'ei na nona matavuvale. ¹³ O 'edra na qarava na ca'aca'a va'atuirara e na yalodina edra rawata va'ata'ini 'edra e dua na vanua si'a 'ei na yalodei ena va'abauta o 'oya sa ti'o vei Karisito Jisu. ¹⁴ Ena noqu volavola ti'o ya'e eni, au nuita'ina ni na maqa suti ni tuwai au sa na la'o ya'e vei i'o. ¹⁵ Ia au sa vola ya'e na 'a eni deu na mani bera ya'e me rawa ni 'ilai 'ina na 'a e dodonu medra va'aitovota'ini 'edra 'ina na tamata e na vuvuale ni Alou, sai 'oya na i soqoseqo lewe ni lotu ni Alou bula, na duru ei na ei na bai ni va'abubuli dina. ¹⁶ Eda sa duavata e na 'ena levu na 'a vuni ni bula va'alou; "O 'oya ma la'o mai va'atamata, ma va'adinadinata'i e na Yalo Tabu, ma raici mai vei 'edra na agilosi, ma vunauta'i vei 'edra na vei matanitu, ma va'abauti e vuravura, qai yadi ca'e e na lagilagi."